MajhiNews Marathi News, Latest Marathi News, Marathi News Paper, Maharashtra Breaking News | मराठी ताज्या बातम्या
‘जागांचा अपव्यय’ टाळण्यासाठी हा निर्णय घेण्यात आला आहे. तथापि, NEET PG (NEET PG 2021) रँकमध्ये कोणताही बदल झालेला नाही. ‘जागांचा अपव्यय रोखणे हा या निर्णयामागचा उद्देश आहे. टक्केवारीतील या कपातीमुळे, सुमारे २५ हजार नवीन उमेदवार सध्या सुरू असलेल्या समुपदेशनाच्या मॉप फेरीत सहभागी होऊ शकतील,’ असे एका अधिकाऱ्याने सांगितले.
आरोग्य मंत्रालयाच्या अधिकाऱ्यांच्या म्हणण्यानुसार, हा निर्णय राष्ट्रीय वैद्यकीय आयोगाशी (NMC) सल्लामसलत करून घेण्यात आला आहे. कारण अखिल भारतीय कोट्यासाठी समुपदेशनाच्या दोन फेऱ्या आणि राज्य कोट्याच्या दोन फेऱ्यांनंतरही सुमारे ८ हजार जागा अजूनही रिक्त आहेत. NEET PG 2021 माहिती पुस्तिकेत नमूद केलेल्या पात्रता निकषांनुसार उमेदवारी पूर्णपणे तात्पुरती आहे. बोर्डाने सांगितले की NEET PG 2021 रँकमध्ये कोणताही बदल झालेला नाही.
NBE च्या कार्यकारी संचालक मिनू बाजपेयी यांना लिहिलेल्या पत्रात, वैद्यकीय सल्लागार समितीचे (MCC) सदस्य सचिव बी श्रीनिवास म्हणाले, ‘योग्य चर्चा आणि विचारविनिमय केल्यानंतर, आरोग्य मंत्रालयाने NMC सोबत सल्लामसलत करून कट ऑफ कमी करण्याचा निर्णय घेतला आहे. एकूण १५ पर्सेंटाइल सर्व प्रवर्गात म्हणजे सर्वसाधारण श्रेणीसाठी पात्रता पर्सेंटाइल ३५ व्या पर्सेंटाइल, PH (जनरल) साठी ३० व्या पर्सेंटाइल आणि राखीव श्रेणीसाठी (SC/ST/OBC) २५ व्या पर्सेंटाइलपर्यंत कमी केले जाऊ शकतात.’
श्रीनिवास यांनी पुढे लिहिले की, ‘वरील बाबी लक्षात घेऊन, तुम्हाला विनंती आहे की, कृपया सुधारित निकाल जाहीर करा आणि नवीन पात्र उमेदवारांचा सुधारित निकाल डेटा लवकरात लवकर कार्यालयात पाठवा.’
हेही वाचा:
NEET UG: तिसऱ्या टप्प्यातील प्रवेश प्रक्रियेला सुरुवात, ‘येथे’ करा नोंदणी
AICTE: जेईई मेन न देता मिळेल बीटेक आणि बीईमध्ये प्रवेश
