MajhiNews Marathi News, Latest Marathi News, Marathi News Paper, Maharashtra Breaking News | मराठी ताज्या बातम्या
एमपीएससीमार्फत फेब्रुवारीच्या शेवटच्या आठवड्यात महाराष्ट्र राज्य दुय्यम सेवा संयुक्त पूर्व परीक्षेचे आयोजन करण्यात आले आहे. सहाय्यक कक्ष अधिकारी, राज्य कर निरीक्षक, पोलिस उपनिरीक्षक अशा पदांसाठी ही परीक्षा होणार आहे. २०२१ सालातील भरतीसाठी ही परीक्षा असून, एमपीएससीमार्फत या परीक्षेची जाहिरात प्रसिद्ध करताना विविध पदांवरील ६६६ जागांवरील भरतीसाठीची जाहिरात प्रसिद्ध करण्यात आली होती. परंतु, राज्य सरकारमार्फत ४१९ अतिरिक्त जागांसाठीचे मागणीपत्र एमपीएससीला प्राप्त झाल्यामुळे आता या जागांमध्ये वाढ करण्यात आली आहे. त्यामुळे ६६६ जागांसाठी होणारी ही परीक्षा आता १,०८५ जागांसाठी होणार असल्याचे एमपीएससीमार्फत ट्विटरद्वारे जाहीर करण्यात आले आहे.
सध्या केवळ जागा वाढल्याची घोषणा एमपीएससीमार्फत करण्यात आली असून, प्रवर्गनिहाय पदे मुख्य परीक्षेच्या अधिसूचनेद्वारे उपलब्ध करून दिली जाणार आहेत. वाढ करण्यात आलेली पदे राज्य कर निरीक्षक संवर्गातील आहेत. एमपीएससीमार्फत जाहीर केलेल्या माहितीनुसार सामान्य प्रशासन विभागातील सहाय्यक कक्ष अधिकारी पदाच्या १०० जागा, वित्त विभागातील राज्य कर निरीक्षक पदाच्या १९० जागा आणि गृह विभागाच्या ३७६ जागा या परीक्षेद्वारे भरल्या जाणार आहेत. या जागांमध्ये सरकारच्या मागणीनुसार राज्य कर निरीक्षक पदाच्या ४१९ जागा वाढविण्यात आल्या आहेत.
RBI Recruitment: रिझर्व्ह बँक ऑफ इंडियामध्ये विविध पदांची भरती
MPSC देणार पदभरतीतून बाहेर पडण्याचा पर्याय
Police Recruitment Scam: पोलिस परीक्षेला बसण्याचे तीन लाख! डमी उमेदवारांमागे औरंगाबाद कनेक्शन
