दुधात भिजवा काजू आणि मिळवा अफलातून फायदे, ऐकाल तर व्हाल हैराण

​हाडांच्या मजबूतीसाठी​

Cashews For Bones: तुम्हाला हाडांना मजबूत बनवायचे असेल तर रोज दुधात काजू भिजवून खावेत. एक ग्लास दुधात ४-५ काजू भिजवून रोज नाश्त्यामध्ये खाल्ल्यास याचा फायदा मिळतो. दुधात जास्त प्रमाणात कॅल्शियम असते, तर काजूमधील विटामिन के, मॅग्नेशियम हे आवश्यक तत्व हाडांना मजबूत प्रदान करतात. वृद्धांनाही हाडांचा त्रास कमी करण्यासाठी काजूचे दूध दिले जाते.

​बद्धकोष्ठतेवर गुणकारी​

तुम्हाला बद्धकोष्ठतेचा त्रास असेल तर तुम्ही सुटका मिळविण्यासाठी दुधात भिजवलेल्या काजूचा आहारात समावेश करावा. यामध्ये फायबरचे प्रमाण अधिक असते. आरोग्य तज्ज्ञांच्या म्हणण्यानुसार, बद्धकोष्ठतेची समस्या दूर करण्यासाठी तुम्ही याचा उपयोग करावा. रात्री दुधात काजू भिजवून ठेवावे आणि सकाळी हे दुधात भिजलेले काजू खाल्ल्यास, लवकरच बद्धकोष्ठतेपासून तुम्हाला आराम मिळतो.

(वाचा – रोज सकाळी भिजवलेले खजूर आरोग्यासाठी ठरतात वरदान, हृदयरोग ते बद्धकोष्ठता आजारांवर गुणकारी)

​प्रतिकारशक्ती वाढण्यास मदत ​

आरोग्यतज्ज्ञांच्या सल्ल्यानुसार, दुधात काजू भिजवून खाल्ल्याने प्रतिकारशक्ती अधिक मजबूत होते. यामध्ये विटामिन आणि मिनरल दोन्ही अधिक प्रमाणात दिसून येते. तुम्ही नियमित स्वरूपात काजूचे सेवन केल्यास, लवकर आजारी पडत नाही. मात्र याचे योग्य प्रमाणात सेवन करावे.

(वाचा – डायबिटीसपासून PCOD पर्यंत नियंत्रणात ठेवण्यास उपयोगी ठरते बाजरीची भाकरी, जाणून घ्या फायदे)

​रक्ताची कमतरता भासत नाही​

दूध आणि काजूचे सेवन केल्याने एनिमिया अर्थात रक्ताची कमतरता होण्याचा आजार होत नाही. कारण काजू आणि दुधात लोह अधिक प्रमाणात आढळते. तसंच हिमोग्लोबिनचा स्तर वाढविण्यासाठीही याचा उपयोग होतो.

(वाचा – फ्रिजमध्ये किती वेळ अन्न साठवणे ठरते योग्य? नाहीतर तुमच्या पोटात ‘विष’ जातंय हे समजा)

​डायबिटीसच्या रुग्णांसाठी फायदेशीर​

डायबिटीस असणाऱ्या रूग्णांसाठी दुधात भिजवलेल्या काजूचे सेवन अत्यंत फायदेशीर मानले जाते. कारण दूध आणि काजूचे सेवन केल्याने रक्तातील साखर नियंत्रणात राहण्यास मदत मिळते. त्यामुळे सकाळी तुम्ही नाश्त्यात दुधात भिजवलेले काजू खावेत.

​त्वचेसाठीही उत्तम​

दुधात भिजवलेल्या काजूचे सेवन हे त्वचेसाठीही उत्तम ठरते. काजूच्या दुधामध्ये कॉपर अधिक प्रमाणात मिळते, जे त्वचेमध्ये प्रोटीन निर्माण करण्याचे काम मोठ्या प्रमाणात करतात. त्यामुळे चेहऱ्यावर सुरकुत्या येत नाहीत आणि चेहरा अधिक तजेलदार राहण्यास मदत मिळते.

​कसे कराल काजू दुधाचे सेवन​

रात्री झोपण्यापूर्वी एक ग्लास कोमट दुधात साधारण ५-७ काजू भिजत घालावेत आणि दुसऱ्या दिवशी सकाळी काजूचे हे दूध व्यवस्थित उकळून घ्यावे. जेव्हा दूध उकळेल तेव्हा भांड्यात काढून हे प्यावे. लक्षात ठेवा काजू हे शरीरासाठी उष्ण ठरतात. त्यामुळे याचे अधिक सेवन करू नये.

टीप – हा लेख माहितीकरिता देण्यात आला असून याबाबत अधिक माहितीसाठी डॉक्टरांशी संपर्क साधावा.

अशाच अधिक लाइफस्टाइल, हेल्थ, फॅशन, ब्युटी, होम डेकोर, रिलेशनशिप, हॅक्स यावरील अधिक माहितीसाठी क्लिक करा maharashtratimes.com