वयाच्या ४० शीनंतर IVF शिवाय आई होणं शक्य आहे? नॅचरल कन्सिव होण्याची शक्यती किती

​वयाच्या ४५ नंतर नैसर्गिक गर्भधारणा शक्य आहे का?

तज्ज्ञांच्या मते, ४० वर्षांनंतरच्या स्त्रिया पेरीमेनोपॉजच्या टप्प्यात असल्याने त्यांच्या मासिक पाळीचे दिवस मोजण्यात किंवा ओव्हुलेशनची वेळ समजण्यात समस्या येऊ शकते. अशा स्थितीत महिलांना ओव्हुलेशनसाठी औषधांची गरज भासू शकते. त्याच वेळी, काही अभ्यासांमध्ये असे सांगण्यात आले की, पाश्चात्य देशांतील महिलांच्या तुलनेत भारतातील महिलांमध्ये अंड्याच्या गुणवत्तेची घसरण ५ वर्षांपूर्वी सुरू होते.

याचा अर्थ महिलांची प्रजनन क्षमता ५ वर्षापूर्वीच कमी होऊ लागते. अशा परिस्थितीत, ४० वर्षांनंतर, नैसर्गिकरित्या गर्भधारणेमध्ये समस्या येऊ शकतात. याशिवाय गरोदर राहिल्यानंतरही महिलांना अनेक समस्या उद्भवू शकतात. ४० ते ५० वर्षांनंतर गर्भधारणा झालेल्या स्त्रियांची गर्भधारणा ही उच्च-जोखीम असलेली गर्भधारणा मानली जाते आणि अशा परिस्थितीचा धोका वाढू शकतो.

(वाचा – या ६ गोष्टी करा आणि मुलांना स्मार्टफोन आणि टीव्हीपासून दूर ठेवा, प्रत्येक पालकांसाठी उपयुक्त टिप्स))

​४० शीनंतर कोणत्या समस्यांना सामोरे जातात महिला

• सामान्य प्रसूतीची शक्यता कमी आणि सी-सेक्शनची शक्यता जास्त
• प्री-एक्लॅम्पसियाचा धोका वाढतो. हा उच्च रक्तदाबाचा एक प्रकार आहे, जो कधीकधी प्राणघातक ठरू शकतो.
• गर्भावस्थेतील मधुमेहाचा धोका वाढू शकतो.
• मुदतपूर्व प्रसूती किंवा प्री-मॅच्युअर डिलिव्हरी होण्याचा धोका वाढतो.
• एक्टोपिक गर्भधारणेचा धोका वाढतो. या प्रकारच्या गर्भधारणेमध्ये, गर्भ गर्भाशयाच्या बाहेर विकसित होऊ लागतो मूल आणि आई दोघांसाठीही खूप गंभीर आणि प्राणघातक ठरू शकते.