माझ्या आशूला आयुष्यभर साथ देशील ना, सुलेखा ताईंच्या प्रश्नावर काय आहे अरुंधतीचं उत्तर?

मुंबई :आई कुठे काय करते मालिकेत आता खूप घडामोडी घडतायत. गौरी काही दिवसांसाठी परदेशात गेलीय. त्यामुळे यश उदास आहे. ईशा आणि अभी त्याला दिलासा देतायत. ईशा आणि अनिश एकमेकांना मला तुझ्यात काही इंटरेस्ट नाही, म्हणून सांगतायत. पण घडणार आहे दुसरंच.

प्रवीण तरडेंच्या फेसबुकवरुन पाठवले जातायंत भलतेच मेसेज; नेमकं काय घडलं

अरुंधती आणि आशुतोष जवळ यावेत म्हणून नितीनचे प्रयत्न सुरू आहेत. अरुंधतीच्या काॅलेजच्या बाहेर आशुतोष असतानाच त्याला हाॅस्पिटलमधून फोन येतो. सुलेखा ताईंना हार्ट अटॅक आलाय. सगळे धावत तिथे जातात. सुलेखा ताई हाॅस्पिटलमध्ये भर्ती आहेत. डाॅक्टर सांगतात, त्यांना हार्ट अटॅक आलाय. आशुतोष खचून जातो. अरुंधती नितीनला म्हणते, आपण आशुतोषला एकटं पडू द्यायचं नाही.

आता एक नवा व्हिडिओ समोर आला आहे. तो पुढच्या भागाचा आहे. यात सुलेखा ताई बेडवर आहेत. त्या अरुंधतीला म्हणतात, तू जवळ असलीस की मला बरं वाटतं. काळजी वाटत नाही. तिचा हात हातात घेऊन त्या तिला विचारतात, माझ्या आशूला आयुष्यभर साथ देशील ना? यावर अरुंधती चमकते. ती काय उत्तर देणार, याची आता उत्सुकता वाढली आहे.

BMM4: गरबा झाला, पैशांचा पाऊसही पडला… कोण ठरलं पहिला कॅप्टन?

दरम्यान, अरुंधती काॅलेजला जातेय. तिथे काही विद्यार्थी उभे आहेत. तिला पाहून ते म्हणतात, काय काकू. यावर अरुंधती हॅलो म्हणते. मग एक जण तिला म्हणतो, आई शिकली प्रगती झाली. तुम्ही आपल्या वर्गातल्या मुलांसाठी डबे देणार का? अरुंधतीला हा थट्टेचा सूर कळतो. त्यावेळी तिथे अनिश येतो आणि मुलांना खडसावतो. तितक्यात प्राचार्याही येतात. त्यांना पाहून ते विद्यार्थी घाबरतात.