Video : आशुतोषवर ओढवलं मोठं संकट,अरुंधती पाठीशी ठाम उभी, नात्याला येणार नवा रंग

मुंबई :आई कुठे काय करते मालिकेत गौरी अमेरिकेला जाणार, म्हणून सगळ्यांनी तिला सेंडऑफ दिला. गौरीच्याच घरात आशुतोष, नितीन आणि देशमुख कुटुंब धमाल करतं. त्यात अनिशनं म्हटलेलं गाणं म्हणजे सोने पे सुहागा! यश मात्र खूप इमोशनल होतो. गौरी पंधरा दिवसांसाठी जाणार म्हणून तो अस्वस्थ असतो.

आता पुढच्या भागाचा नवा व्हिडिओ समोर आला आहे. तो प्रेक्षकांची चिंता वाढवणारा आहे. सुलेखा ताई हाॅस्पिटलमध्ये भर्ती आहेत. डाॅक्टर सांगतात, त्यांना हार्ट अटॅक आलाय. आशुतोष खचून जातो. अरुंधती नितीनला म्हणते, आपण आशुतोषला एकटं पडू द्यायचं नाही. या प्रसंगानंतर अरुंधती आशुतोषच्या लग्नाच्या मागणीचा विचार करणार का, याची आता प्रेक्षकांना उत्सुकता आहे.

बिग बॉस मराठीच्या घरात पडणार आहे पैशाचा पाऊस, त्यावरच ठरणार कॅप्टन, पहिला बहुमान

दोन-तीन दिवसापूर्वीच्या भागात अरुंधती काॅलेजला जायला निघतेय. इकडे देशमुखांच्या घरी नेहमीप्रमाणे अनिरुद्ध काही कडवट बोलतोच. पण त्याच्याकडे दुर्लक्ष करून सगळे जण अरुंधतीच्या घरी जातात. तिथे यश तिला म्हणतो, आमच्या शाळेचा पहिला दिवस होता, तेव्हा तू आम्हाला सोडायला आली होतीस, आता आम्ही तुला सोडायला येतो.

आणखी एक सीन समोर आलाय. त्यात अरुंधती काॅलेजला जातेय. तिथे काही विद्यार्थी उभे आहेत. तिला पाहून ते म्हणतात, काय काकू. यावर अरुंधती हॅलो म्हणते. मग एक जण तिला म्हणतो, आई शिकली प्रगती झाली. तुम्ही आपल्या वर्गातल्या मुलांसाठी डबे देणार का? अरुंधतीला हा थट्टेचा सूर कळतो. आता ती काय उत्तर देणार याची प्रेक्षकांना उत्सुकता आहे.

एका कॉलवरुन सुरू झाली रेणुका शहाणे- आशुतोष राणांची लव्हस्टोरी

दरम्यान, यशला उदास पाहून ईशा मस्करी करायला लागते. ईशा म्हणते, आजी म्हणते तसं याचं लग्न करून द्यायला हवं. तेव्हा यश म्हणतो, लग्नासाठी गौरी परत तर आली पाहिजे ना. हे ऐकून शेजारी बसलेला अभी पण चकित होतो. ईशाही यशकडे पाहायला लागते.