Kiara Siddharth: ‘लस्ट स्टोरीज’च्या पार्टीत पहिली भेट आणि ‘शेरशाह’ची झाली कियारा

​लस्ट स्टोरीच्या पार्टीत झाली पहिली भेट​

कियारा अडवाणीने एका मुलाखतीमध्ये स्पष्ट केले होते की तिची आणि सिद्धार्थची पहिली भेट ही ‘लस्ट स्टोरी’च्या पार्टीमध्ये झाली होती. पण ही भेट खूपच कॅज्युअल होती पण कायमस्वरूपी स्मरणात राहणारी होती. त्यानंतर दोघांमध्ये मैत्री झाली आणि ‘शेरशाह’च्या सेटवर ही मैत्री अधिक घट्ट होत गेली.

​‘शेरशाह’ पासून जोडले गेले एकत्र नाव​

‘शेरशाह’च्या शूटिंग दरम्यान या दोघांचे एकत्र नाव जोडले जाऊ लागले. या गोष्टीबाबत दोघांनही कधीच स्पष्टीकरण दिले नाही. मात्र कियाराला सिद्धार्थसह अनेक ठिकाणी एकत्र पाहिले जाऊ लागले. तर सिद्धार्थच्या आई-वडिलांसहदेखील कियारा अनेकदा दिसू लागली. तर मालदिव्ज अथवा काही ठिकाणी दोघेही एकत्र फिरायला गेल्याचेही स्पष्ट झाले होते.

(वाचा – Long Distance Relationship मध्ये कसा कराल व्हॅलेंटाईन डे साजरा, या गोष्टी लक्षात ठेवाल तर भांडणं होणार नाहीत)

​कियाराच्या वाढदिवसासाठी सिद्धार्थचे येणे ठरले खास​

२०१९ मध्ये कियारा आणि सिद्धार्थ एकमेकांसह साऊथ आफ्रिकेला गेले होते. मात्र त्यांनी हे कधीच स्वीकारले नाही अथवा नाकारले नाही. पण कियाराच्या वाढदिवसाला सिद्धार्थ आणि कियारा एकत्रच घरी निघाले होते. त्यानंतर मात्र या गोष्टी प्रकर्षाने समोर येऊ लागल्या.

(वाचा – आई होण्यासाठी कोणत्याही लिंगभेदाची गरज नाही, ट्रान्सजेंडर गौरी सावंत अनेक किन्नरांचा आधार)

​अक्षयकुमारने केली पोलखोल​

कियारा आणि सिद्धार्थने कधीच समोर येऊन हे स्पष्ट केले नाही. मात्र कपिल शर्माच्या शो मध्ये अक्षयकुमारनेच ‘बडी सिद्धांतोवाली है’ असं म्हणत सर्वांनाच हिंट दिली आणि सिद्धार्थ – कियाराच्या नात्याची पोलखोल केली होती. कियारा डेट करत आहे की नाही याचं उत्तर देताना तिने लग्नाची तारीख फिक्स झाल्यावर सांगेन म्हटलं होतं मात्र, अक्षयने मध्येच असे स्टेटमेंट करत गुगलीच टाकली.

(वाचा – लग्नाआधी १० वर्षे लपतछपत केले बायकोला डेट तर परेलच्या ब्रिजवर केले प्रपोज, अंकुश चौधरी दीपाची फिल्मी लव्ह स्टोरी)

​करण जोहरच्या शो मुळे झाले स्पष्ट​

कियारा आणि सिद्धार्थ भांडणामुळे आता वेगळे झालेत अशाही अफवा होत्या. मात्र करण जोहरच्या रियालिटी चॅट शो मध्ये सिद्धार्थला प्रचंड चिडवल्यानंतरही त्याने काहीच म्हटलं नाही आणि कियारा तर लाजून लाजून लाल झाली होती. त्यामुळे त्यांच्या चाहत्यांना या दोघांमध्ये काहीतरी ‘खास’ नातं असल्याची पुष्टीच मिळाली. तर लवकरच ही जोडी लग्न करेल असा अंदाजही व्यक्त होऊ लागला.

Kiara Advani Sidharth Malhotra Wedding: ही लव्ह स्टोरी आता लग्नबंधनात अडकून पूर्ण होणार आहे. सगळेच आता कियारा आणि सिद्धार्थच्या लग्नाचे फोटो पाहायला आतुर आहेत. पण तुम्हाला ही लव्हस्टोरी कशी वाटली नक्की सांगा.

अशाच अधिक लाइफस्टाइल, हेल्थ, फॅशन, ब्युटी, होम डेकोर, रिलेशनशिप, हॅक्स यावरील अधिक माहितीसाठी क्लिक करा maharashtratimes.com