फ्लॉवर, वाटाणा भाजीतील किडे काढा पटकन, वापरा या सोप्या घरगुती पद्धती

वाटाण्यातील किडे काढा अशा पद्धतीने

वाटाणे हे सालामध्ये असतात. सालातून वाटाणे काढताना तुम्ही त्यात कीड नाही ना याची खात्री करून घ्या. नजरचुकीने एखाद्या वाटण्यात कीड राहण्याची शक्यता असते. त्यामुळे संपूर्ण वाटाणे सालातून काढून झाल्यावर व्यवस्थित स्वच्छ पाण्याने धुवा आणि त्यानंतर एका भांड्यात हे वाटाणे काढून त्यात पाणी आणि मीठ घाला आणि ते वाटणे शिजवा. यामुळे राहिलेले किडे अथवा टोके मरण्यास मदत मिळते. वाटाणे जास्त शिजवू नका. केवळ ५ मिनिट्स तुम्ही हे पाणी गरम करा.

(वाचा – Kitchen Hacks : स्वस्तात मिळणारा हिरवा मटार या पद्धतीने करा स्टोअर, वर्षभर टिकेल होणार नाही खराब)

ब्रोकोलीतून काढा असे किडे

ब्रोकोली अनेक जण हल्ली खाताना दिसून येतात. पिझ्झा अथवा पास्ता घरी बनवत असाल तर या पदार्थांचा हल्ली वापर वाढला आहे. पण ब्रोकोलीमध्ये अधिक प्रमाणात किडे असतात. किड्यांसह भाजी खाल्ल्यास आरोग्याला नुकसान होऊ शकते

• ब्रोकोली स्वच्छ करण्यासाठी त्याच्या मागचा भाग कापून घ्या आणि फ्लॉवरच्या भाजीप्रमाणे त्याचे कापून मोठे तुकडे करा
• एका भांड्यात पाणी घ्या आणि त्यात २ चमचे मीठ घाला आणि गरम करा
• या पाण्यात ब्रोकोली टाका आणि साधारण अर्धा तास ते पाणी तसंच ठेवा
• त्यानंतर स्वच्छ पाण्याने धुवा आणि मगच भाजी वापरा. यामुळे सर्व किडे मरून जातात आणि भाजी खाण्यासाठी योग्य ठरते

कोणत्याही हिरव्या भाजीतील किडे काढण्यासाठी तुम्ही हे उपाय नक्कीच ट्राय करू शकता. मात्र त्या भाजी स्वच्छ केल्याशिवाय शिजवण्याची जोखीम पत्करू नका. तुम्हाला आजारांपासून दूर राहायचे असेल तर या गोष्टींची काळजी घ्या.

अशाच अधिक लाइफस्टाइल, हेल्थ, फॅशन, ब्युटी, होम डेकोर, रिलेशनशिप, हॅक्स यावरील अधिक माहितीसाठी क्लिक करा maharashtratimes.com