जेईई मुख्य परीक्षा २०२२ दोन टप्प्यात होणार, एनटीए केले स्पष्ट

JEE Main 2022: नॅशनल टेस्टिंग एजन्सी (National Testing Agency, NTA) ने १ मार्च २०२२ रोजी मोठी घोषणा केली. त्यानुसार इंजिनीअरिंग अभ्यासक्रमांच्या प्रवेशासाठी जेईई मुख्य परीक्षा २०२२ दोन टप्प्यात घेतली जाणार आहे. उमेदवारांना परीक्षेत त्यांचे गुण सुधारण्यासाठी दोन संधी मिळणार आहेत. जर उमेदवार पहिल्या प्रयत्नात त्यांचे सर्वोत्तम देऊ शकले नसतील तर दुसऱ्या प्रयत्नात त्यांना चांगली तयारी करता येणार आहे.

…तर दुसरी संधी मिळणार नाही
यासोबत एनटीएनेही उमेदवारांना मोठा धक्का दिला आहे. एनटीएने दिलेल्या माहितीनुसार, एखादा उमेदवार त्याच्या काही कारणांमुळे जेईई मुख्य प्रवेश परीक्षेस उपस्थित राहिला नसेल तर त्याला पूर्ण एक वर्ष वाट पाहावी लागेल. म्हणजेच जर एखादा उमेदवार परीक्षा देऊ शकला नाही तर त्याला त्याच वर्षात त्याला दुसरी संधी दिली जाणार नाही.

दोन्ही टप्प्यात बसणे आवश्यक नाही
नॅशनल टेस्टिंग एजन्सीने हेही स्पष्ट केले आहे की, उमेदवारांनी परीक्षेच्या दोन्ही टप्प्यांमध्ये उपस्थित राहणे आवश्यक नाही. ते कोणत्याही एका टप्प्यातील परीक्षेतही बसू शकतात. त्यांनी दोन्ही टप्प्यात भाग घेतल्यास गुण सुधारण्यास त्यांना मदत होईल. उमेदवार त्यांच्या बोर्ड परीक्षेच्या वेळापत्रकानुसार उमेदवार जेईई मुख्य परीक्षा २०२२ च्या कोणत्याही एका टप्प्यात उपस्थित राहू शकतात.

JEE Advanced परीक्षेची तारीख जाहीर; निकालाचीही तारीख आली
JEE Main २०२२ मध्ये उत्तीर्ण होण्यासाठी ‘या’ टिप्स करा फॉलो
जेईई मुख्य परीक्षेत दोन पेपर
संयुक्त प्रवेश परीक्षा, जेईई मेनमध्ये दोन पेपर असतील. जेईई मेनचा पेपर १ हा एनआयटी, आयआयटी, इतर केंद्रीय अनुदानित तांत्रिक संस्था (CFTIs) आणि केंद्रीय विद्यापीठे आणि राज्य सरकारांनी अनुदानित/मान्यताप्राप्त बीई/बीटेक मधील प्रवेशासाठी घेतला जाईल. तर पेपर २ हा देशभरातील आर्किटेक्चर इंजिनीअरिंग संस्थांमध्ये बीआर्क आणि बी प्लानिंग अभ्यासक्रमांच्या प्रवेशासाठी घेतला जाईल. या गुणांच्या आधारे जेईई अॅडव्हान्स परीक्षेच्या माध्यमातून आयआयटी संस्थांमध्ये प्रवेश मिळेल.

कॅन्टोन्मेंट बोर्डाच्या प्रशासकीय विभागात भरती, २५ हजार ते १ लाखापर्यंत मिळेल पगार
MPSC अंतर्गत पशुधन विकास अधिकारी पदांची भरती, जाणून घ्या तपशील
या संस्थांमध्येही मिळेल प्रवेश
नॅशनल टेस्टिंग एजन्सीने स्पष्ट केले आहे की, २०२१ पासून एकेटीयू म्हणजेच डॉ. एपीजे अब्दुल कलाम टेक्निकल युनिव्हर्सिटी, लखनऊ, उत्तर प्रदेश आणि मदन मोहन मालवीय टेक्निकल युनिव्हर्सिटी, गोरखपूर देखील जेईई मेन परीक्षा २०२२ स्कोअरच्या आधारे इंजिनीअरिंग अभ्यासक्रमांमध्ये प्रवेश घेणार आहे.

फिल्मसिटीमध्ये नोकरीची संधी, जाणून घ्या तपशील
Government Job: ओएनजीसीमध्ये विविध पदांची भरती, ‘येथे’ करा अर्ज