जेईई मेन २०२२ सत्र १ चा ऑनलाइन अर्ज भरताना विद्यार्थ्यांना येणाऱ्या विविध अडचणींमुळे एनटीएने नोंदणीची तारीख वाढवण्याचा निर्णय घेतला आहे. पुढे देण्यात आलेल्या सोप्या स्टेप्स फॉलो करुन विद्यार्थ्यांना आपला निकाल तपासता येईल.
JEE Main 2022 Exam: अशी करा नोंदणी
जेईई मेन २०२२ मध्ये नोंदणी करण्यासाठी विद्यार्थ्यांनी सर्वप्रथम जेईई मेनची अधिकृत वेबसाइट jeemain.nta.nic.in वर जा.
होमपेजवर उपलब्ध असलेल्या जेईई मेन २०२२ नोंदणी लिंकवर क्लिक करा.
आता नोंदणी तपशील भरा आणि सबमिटवर क्लिक करा.
लॉगिन केल्यानंतर अर्ज भरा.
आवश्यक कागदपत्रे अपलोड करा आणि अर्ज शुल्क भरा.
अर्ज पूर्ण भरुन झाल्यावर सबमिटवर क्लिक करा.
पेज डाउनलोड करा आणि पुढील आवश्यकतेसाठी त्याची प्रिंट काढा.
एजन्सीने प्रवेश परीक्षेच्या दोन्ही पेपरसाठी अभ्यासक्रम देखील जाहीर केला आहे . त्यानुसार पेपर १ हा BE/B.Tech प्रवेशासाठी आणि पेपर २ B.Arch साठी असेल. या वर्षीच्या परीक्षेची तयारी करत असणाऱ्या उमेदवारांना परीक्षा पोर्टल jeemain.nta.nic.in वर सक्रिय लिंक किंवा खाली दिलेल्या थेट लिंकवरुन जेईई मेन २०२२ चा अभ्यासक्रम तपासता येणार आहे.
दुसरीकडे, एनटीएने केंद्रीय शिक्षण मंत्रालयाच्या सूचनेनुसार देशभरात चाचणी सराव केंद्रे (TPCs) तयार केली आहेत. ज्याद्वारे जेईई मेन २०२२ ची तयारी करणारे उमेदवार परीक्षा देऊ शकतील. तसेच प्रश्नांचे स्वरूप, कॉम्प्युटर आधारित प्रश्न (CBT)याबद्दल सविस्तर माहिती मिळवू शकतील. एनटीएने जाहीर केलेल्या माहितीनुसार, ज्या उमेदवारांकडे जेईई मेनची तयारी करण्यासाठी मर्यादित संसाधने असलेल्या उमेदवारांना एनटीएच्या टीपीसी सुविधा मोफत पुरवल्या जाणार आहेत. TPCs विशेषतः ग्रामीण भागात आणि देशातील दुर्गम भागातील उमेदवारांसाठी तयार केले गेले आहेत.