जसप्रीत बुमरा संघात असूनही त्याला पहिल्या सामन्यात संधी का दिली नाही, जाणून घ्या मोठं कारण…

मोहाली : ऑस्ट्रेलियाविरुद्धच्या पहिल्या सामन्यात रोहित शर्माने जेव्हा भारतीय संघाची निवड केली, तेव्हा चाहत्यांना एक मोठा धक्का बसला. कारण या मालिकेसाठी जसप्रीत बुमराला संघात स्थान देण्यात आले आहे. पण या पहिल्या सामन्यात मात्र बुमराला खेळण्याची संधी देण्यात आली आहे. बुमराला पहिल्या सामन्यात का खेळवण्यात आले नाही, याते कारणही आता समोर आले आहे.

रोहित शर्मा टॉससाठी मैदानात आला. त्यावेळी सर्वांंनाच तो कोणत्या ११ खेळाडूंना संघात स्थान देतो, याची उत्सुकता सर्वांना लागलेली होती. ऑस्ट्रेलियाने टॉस जिंकत प्रथम गोलंदाजी स्विकारली. त्यानंतर रोहित शर्माने या सामन्यासाठी आपला संघ जाहीर केला. हा संघ जाहीर करताना रिषभ पंत खेळणार नसल्याचे त्याने सांगितले. त्याचबरोबर या सामन्यात हर्षल पटेल खेळणार असून बुमरा या सामन्यात खेळणार नसल्याचे रोहितन स्पष्ट केले.

भारतीय संघ ऑस्ट्रेलिया आणि दक्षिण आफ्रिका यांच्याबरोबर ट्वेन्टी-२० मालिका खेळणार आहे. त्यानंतर भारतीय संघ विश्वचषकासाठी रवाना होणार आहे. विश्वचषक ही भारतासाठी सर्वात मोठी स्पर्धा असेल. वेगवान गोलंदाजांना लवकर दुखापत होण्याची शक्यता असते. त्यामुळे भारताला वेगवान गोलंदाजांचा वापर सांभाळून करावा लागणार आहे. त्यामुळे भारतीय संघात वेगवान गोलंदाजांसाठी आता रोटेशन पॉलिस राबवण्यात आली आहे. त्यानुसार बुमराला सर्वच सामन्यात खेळवणार नाही. कारण बुमरा सर्व सामन्यांमध्ये खेळला आणि त्याला जर दुखापत झाली तर भारताला मोठा धक्का बसू शकतो. त्यामुळे सध्याच्या घडीला बुमरा किंवा वेगवान गोलंदाजांच्या कलेने भारतीय संघाची निवड करण्यात येणार आहे. त्यामुळे यानंतरच्या दुसऱ्या किंवा तिसऱ्या सामन्यात बुमरा दिसेल. पण तो सर्वच सामन्यांमध्ये मात्र दिसणार नाही.

या सामन्यात हर्षल पटेलला खेळण्याची संधी दिली आहे. हर्षलने या सामन्यात पुनरामगन केले आहे. पण हर्षललाही सर्व सामन्यांमध्ये खेळवणार नाहीत. कारण भारतासाठी बुमरा, भुवी आणि हर्षल पटेल हे महत्वाचे गोलंदाज आहेत. त्यामुळे या तिघांना प्रत्येक सामन्यात न खेळवता विश्रांती ही दिली जाणार आहे.