IPL नंतर ‘जग जिंकणार’ मुंबई इंडियन्स, मिशन UAEसाठी स्टार खेळाडूंवर मोठी जबाबदारी

मुंबई : मुंबई इंडियन्स टीम ही फक्त आयपीएलपूरती मर्यादीत राहिली नाही. मुंबई इंडियन्सने आंतरराष्ट्रीय स्तरावरही दोन नव्या टीम लीगमध्ये खेळवण्यासाठी उतरवल्या आहेत. त्यापैकी UAE टीमसाठीच्या कोचची नावं फायनल झाली आहेत. दिग्गज कोच टीमसाठी निवडण्यात आले आहेत.

दक्षिण आफ्रिकेच्या SA T20 लीग आणि UAE च्या T20 लीगसाठी MI केप टाउन आणि MI Emirates या नावाने टीम तयार केल्या आहेत. या दोन्ही टीम लीगमध्ये खेळण्यासाठी उतरणार आहेत. UAE च्या टीमसाठी कोच कोणकोण असणार आहेत त्यांची नाव समोर आली आहेत.

शेन बॉन्ड यांच्याकडे MI Emirates चे हेड कोचपद देण्यात आलं आहे. लवकरच टीम देखील जाहीर करण्यात येणार आहे. यामध्ये मुंबई इंडियन्सकडून खेळलेले आणि आता खेळणाऱ्या खेळाडूंचाही समावेश करण्यात येईल असं सांगितलं जात आहे. यामध्ये कोणाला टीममध्ये संधी दिली जाणार याची उत्सुकता देखील असणार आहे.

पार्थिव पटेल, विनय कुमार यांच्यावरही मोठी जबाबदारी मुंबई इंडियन्सकडून सोपवण्यात आली आहे. पार्थिव पटेल बॅटिंग कोच असतील. तर विनय कुमार बॉलिंग कोच असणार आहेत. जेम्स फ्रॅक्लीन हे फिल्डिंग कोच म्हणून महत्त्वाची जबाबदारी निभावणार आहेत.

मराठी बातम्या, ब्रेकिंग न्यूज मराठीत सर्वात आधी News18 लोकमतवर.
आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.