India Skills Report: २२ ते २५ वयातील तरुणांना रोजगारसंधी

‘यूपी अव्वल’; महाराष्ट्र दुसरे

देशातील सर्वाधिक लोकसंख्या असणाऱ्या उत्तर प्रदेशातील सर्वाधिक तरुण (७२.७ टक्के) पात्र ठरले आहेत. त्यापाठोपाठ ६९.८ टक्के लायक तरुणांसह महाराष्ट्र दुसऱ्या स्थानी आहे. मागील वर्षीच्या ‘इंडिया स्किल्स रिपोर्ट’मध्येही उत्तर प्रदेश आणि महाराष्ट्र ही राज्ये अव्वल स्थानी होती. ताज्या अहवालानुसार, दिल्ली, आंध्र प्रदेश, राजस्थान आणि कर्नाटकने अनुक्रमे तिसरे, चौथे, पाचवे आणि सहावे स्थान पटकावले आहे. त्यापाठोपाठ तेलंगण (सातवे), पंजाब (आठवे), ओडिशा (नववे) आणि हरियाणा (दहावे) या राज्यांचा क्रमांक लागतो. वार्षिक २.६ लाख रुपयांच्या पॅकेजची अपेक्षा धरणाऱ्या तरुणांच्या संख्येत तमिळनाडूने अव्वल स्थान पटकावले आहे. त्यापाठोपाठ महाराष्ट्र आणि उत्तर प्रदेशचा अनुक्रमे दुसरा आणि तिसरा क्रमांक लागतो. वार्षिक २.६ लाख रुपयांपेक्षा अधिक पॅकेजची अपेक्षा धरणाऱ्या राज्यांमध्ये आंध्र प्रदेश अव्वलस्थानी असून, कर्नाटक दुसऱ्या आणि महाराष्ट्र तिसऱ्या स्थानी आहे.

‘बीकॉम’ उमेदवारांची आघाडी

‘इंडिया स्किल्स’च्या मागील अहवालात ‘बीटेक’ पदवीप्राप्त तरुण नोकरीसाठी अधिक लायक असल्याचे नमूद करण्यात आले होते. मात्र, ताज्या अहवालात ‘बीकॉम’ झालेल्या तरुणांनी त्यांना धोबीपछाड दिला आहे. ‘बीकॉम’ झालेले ६१ टक्के आणि ‘बीटेक’ झालेले ५७ टक्के तरुण नोकऱ्या मिळाल्याचे पात्र असल्याचे दिसून आले आहे. गेल्या सात वर्षांमध्ये यंदा प्रथमच ‘बीकॉम’ झालेल्या तरुणांनी ‘बीटेक’वाल्यांना मागे टाकले आहे. ‘एमबीए’ झालेल्या तरुणांनी यंदाही नोकरीच्या पात्रतेत दुसरे स्थान कायम राखले आहे. २०२२मध्ये ‘एमबीए’ झालेले ५५ टक्के तरुण नोकरीसाठी योग्य होते. त्या तुलनेत यंदाचा आकडा ६० टक्क्यांवर पोहोचला आहे. ‘एमबीए’पाठोपाठ ‘बीफार्म’धारक (५७.५१ टक्के) नोकरीच्या रांगेत तिसऱ्या स्थानी आहेत. त्यापाठोपाठ ‘बीटेक’ (५७.४४ टक्के), ‘बीए’ (४९.२० टक्के), ‘बीएसस्सी’ (३७.६९ टक्के) आणि ‘आयटीआय’ (३४ टक्के) यांचा अनुक्रमे चौथा ते सातवा क्रमांक लागतो.

Government Job: बारावीनंतर सरकारी नोकरी करायचीय? या विभागांमध्ये करा अर्ज

कोणत्या क्षेत्रांना अधिक मागणी

– सन २०२३मध्ये ऑटोमोबाइल, इंजिनीअरिंग आणि इंटरनेट क्षेत्रांत सर्वाधिक नोकऱ्यांची संधी.

– ऑटोमोबाइलमध्ये सर्वाधिक ३९ टक्के नोकऱ्यांची संधी. एक ते पाच वर्षांचा अनुभव असणाऱ्यांना अधिक मागणी.

– सरकारी कौशल्य विकास केंद्रांतून भरती करण्यास ५५ टक्के कंपन्यांचे प्राधान्य.

– देशातील १०,८४८ केंद्रांतून १.५ कोटी युवक प्रशिक्षित.