MajhiNews Marathi News, Latest Marathi News, Marathi News Paper, Maharashtra Breaking News | मराठी ताज्या बातम्या
पंतप्रधान मोदींना लिहिलेल्या पत्रात मुख्यमंत्र्यांनी म्हटले आहे की, ‘रशिया-युक्रेन युद्धामुळे युक्रेनमध्ये विविध वैद्यकीय महाविद्यालयात शिकणाऱ्या भारतीय विद्यार्थ्यांचा अभ्यास खंडित झाला आहे. त्यांना खूप अडचणींचा सामना करत भारतात परतावे लागले आहे. म्हणून, रशिया-युक्रेन युद्धामुळे प्रभावित झालेल्या, युक्रेनमधून परत आलेल्या वैद्यकीय विद्यार्थ्यांना विशेष प्रक्रियेअंतर्गत देशातील वैद्यकीय महाविद्यालयांमध्ये त्यांचा अभ्यास सुरू ठेवण्याची परवानगी दिली पाहिजे.’
युक्रेनमधील युद्धामुळे २० हजारहून अधिक भारतीय विद्यार्थी विस्थापित झाले आहेत. या वैद्यकीय विद्यार्थ्यांनी त्यांच्या अभ्यासात खूप मेहनत घेतली. त्यांचा खूप वेळ आणि पैसाही खर्च केल्याचे तेलंगणाचे मुख्यमंत्री के चंद्रशेखर राव यांनी पंतप्रधान मोदींना पत्र लिहिले आहे. यापैकी बहुतेक विद्यार्थी मध्यमवर्गीय कुटुंबातील आहेत. ज्यांचे कुटुंब त्यांच्या मुलांचे वैद्यकीय शिक्षण पूर्ण करण्याच्या आशेवरआयुष्यभराची बचत गमावण्याच्या तयारीत असल्याचेही ते म्हणाले.
चीनमधील शिक्षण भारतात ग्राह्य नाही; UGC, AICTE ने दिला इशारा
युक्रेनमधील युद्धामुळे अचानक बाहेर पडावे लागल्याने भारतीय वैद्यकीय शिक्षण घेणाऱ्या विद्यार्थ्यांची शैक्षणिक कारकीर्द धोक्यात आल्याचे मुख्यमंत्री म्हणाले. त्यांचे युक्रेनमधील वैद्यकीय शिक्षण आता अपूर्ण राहण्याची भीती आहे. या विद्यार्थ्यांची विलक्षण परिस्थिती लक्षात घेता या विशेष प्रसंगी त्यांना देशातील वैद्यकीय महाविद्यालयांमध्ये समकक्ष सेमिस्टरमध्ये प्रवेश मिळावा, जेणेकरून त्यांना त्यांचा अभ्यास पूर्ण करता येईल अशी विनंती त्यांनी पंतप्रधान नरेंद्र मोदी यांना केली आहे.
शैक्षणिक कर्ज थकीत
युक्रेनमध्ये वैद्यकीय शिक्षण घेण्यासाठी लाखो रुपयांचे कर्ज घेतलेले हजारो विद्यार्थी-विद्यार्थिनी देखील काळजीमध्ये आहेत. शिक्षणाबद्दल प्रश्नचिन्ह असताना कर्ज फेडणे देखील कठीण होणार आहे. लोकसभेतही हा मुद्दा उपस्थित झाला आहे. तसेच युक्रेनहून परतलेल्या भारतीय मेडिकल्याच विद्यार्थ्यांचे शैक्षणिक कर्ज माफ करण्याची मागणी खासदारांनी केली आहे.
Government Job:’या’ सरकारी वैद्यकीय महाविद्यालयात भरती, १ लाखांपर्यंत मिळेल पगार
युक्रेनमधून परतलेल्या विद्यार्थ्यांचे शैक्षणिक कर्ज थकीत, सरकार दिलासा देणार का?
कर्जमाफीच्या मागणीला जोर
युक्रेनमध्ये शिकणाऱ्या साधारण २० हजार विद्यार्थ्यांनी शैक्षणिक कर्ज घेतले आहे आणि आता त्यांना व्याज किंवा कर्जाची परतफेड करण्यात अडचणी येत आहेत. अशा परिस्थितीत पंतप्रधान नरेंद्र मोदी यांनी या विद्यार्थ्यांचे शैक्षणिक कर्ज पुनर्गठन किंवा माफ करावे अशी मागणी भारतीय कम्युनिस्ट पक्षाचे ज्येष्ठ नेते सीताराम येचुरी यांनी ट्विटरद्वारे केली. अशीच मागणी केरळचे काँग्रेस खासदार कोडीकुन्नील सुरेश यांनीही केली आहे. भारतात भरतलेल्या विद्यार्थ्यांचे शैक्षणिक कर्ज माफ केले पाहिजे. यामुळे विद्यार्थ्यांना कर्जाच्या सापळ्यात अडकण्यापासून वाचवता येईल असे कॉंग्रेस खासदार म्हणाले.
युक्रेनमधून परतलेल्या विद्यार्थ्यांना ऑनलाइन शिक्षण; MUHS चा निर्णय
चीनचा २३ हजार भारतीय विद्यार्थ्यांसोबत दुजाभाव? शिक्षण पूर्ण होण्यास दिरंगाई
