How To Lose Weight: ३०० किलो वजनाच्या माणसाने केले १६५ किलो वजन कमी

३-५ वर्षात मरशील – डॉक्टरांनी सांगितले

निकोलस क्राफ्टने आपल्या वजनाबाबत डॉक्टरांनी काय सांगितले याची माहिती दिली, ‘खूप खात पित होतो. अत्यंत वेगाने माझे वजम वाढले. शाळेतील मुलंही माझी मस्करी करू लागली. सर्वात शेवट डॉक्टरांनी सांगितले की वजन कमी करण्यासाठी काहीच केलं नाहीस तर ३-५ वर्षांपेक्षा अधिक जगू शकणार नाहीस’

आजीने दिला पाठिंबा

यानंतर क्राफ्ट याने मुलाखतीमध्ये सांगितले आहे की, ‘मला अधिक काळ जगायची इच्छा होती आणि डॉक्टरांनी सांगितलेले गोष्ट माझ्या डोक्यात सतत रूंजी घालत होती. त्यामुळे मी जंक फूड खाणे सोडले. घरात माझी आजी होती आणि तिने मला वजन कमी करण्यासाठी खूप प्रोत्साहन दिले.
आजी म्हणाली की, मला तुला सतत जवळ बघायचे आहे, बारीक होण्यासाठी मेहनत कर’. यानंतर आजीला वजन कमी करण्याचे वचन दिले. ‘खूप काळ आपण एकत्र राहू’ हे वचन दिलं. मात्र त्याच्या आजीने त्याला बारीक झालेलं पाहिलं नाही आणि तिचे आधीच निधन झाले. मात्र आजीला दिलेल्या वचनासाठी त्याने बारीक होण्यासाठी मेहनत घेतली.

(वाचा – Heatwave: हीट वेव्ह अथवा लू म्हणजे नेमके काय? उष्माघातापासून वाचण्यासाठी कशी घ्याल काळजी)

वजन घटविण्यासाठी कॅलरी केली कमी

वजन कसे कमी केले या प्रश्नावर निकोलस क्राफ्टने आपल्या सवयी बदलल्याचे सांगितले. वजन कमी करण्यासाठी विशिष्ट आहार घेतला. कॅलरी सेवन करण्यावर अधिक लक्ष केंद्रित केले. जंक फूड पूर्ण सोडून दिले. सुरूवातीला प्रति दिन १२०० ते १५०० इतकी कॅलरी शरीरात जात होती. पण वजन कमी करण्यासाठी यामध्ये त्याने कपात केली.

(वाचा – ग्लुकोमा काय आहे, काळ्या मोतीबिंदूमुळे डोळे गमावू शकता का? लक्षणे, कारणे आणि उपाय)

शाळेत असतानाच होते १३६ किलो वजन

क्राफ्टने २०१९ पासून आपले वजन कमी करण्याची प्रक्रिया सुरु केली. त्यासाठी त्याने डाएटिंग करून पहिल्या महिन्यात १८ किलो वजन कमी केले. Fox News Digital सह मुलाखत देताना त्याने सांगितले की, शाळेतच त्याचे वजन साधारण १३६ किलो होते. लहानपणापासूनच वजनामुळे संघर्ष करत असल्याचे दुःख व्यक्त केले होते.

(वाचा – Heart Blockage: बायपास सर्जरीशिवायही हार्ट ब्लॉकेजची समस्या होईल दूर, बाबा रामदेवने सांगितले ४ उपाय)

वजनामुळे कोणातही मिसळत नव्हता

वजन अति असल्यामुळे नैराश्य आले होते आणि अधिक खाण्याची सवय लागली होती असेही क्राफ्टने सांगितले. यामुळे कौटुंबिक कार्यक्रमात जाणेही बंद केले. इतकंच नाही तर प्रवास करणेही बंद केले. अधिक वजनामुळे शरीरदुखी, सांधेदुखी त्रास आणि श्वास घेण्यासही त्रास होऊ लागला होता.

आता वजन कमी झाल्यावर आनंदी आहे

१६५ किलो वजन कमी केल्यानंतर ४२ वर्षीय क्राफ्टने आपला आनंद व्यक्त करत आता अत्यंत व्यवस्थितपणे श्वास घेत असल्याचे सांगितले आहे. आता कुठेही जाणं सहज सोपं झालं असून आयुष्य चांगलं जगता येतंय असंही त्याने आवर्जून सांगितले आहे.

निकोलस क्राफ्टचा हा वजन कमी करण्याचा प्रवास अत्यंत प्रेरणादायी आहे. वजन कमी करण्यासाठी मनात विचार पक्का करणं आणि मेहनत करणं दोन्हीची गरज आहे हेच पुन्हा सिद्ध झाले आहे.