Health Update- राजू श्रीवास्तव यांना मुंबईत आणण्याची तयारी सुरू? ३७ व्या दिवशीही आली नाही शुद्ध

नवी दिल्ली- कॉमेडियन आणि अभिनेता राजू श्रीवास्तव यांना इस्पितळात दाखल करून एका महिन्याहून अधिक काळ झाला. हृदयविकाराचा झटका आल्याने त्यांना दिल्लीच्या एम्समध्ये दाखल करण्यात आले होते. सध्या त्यांना व्हेंटिलेटरवर म्हणजेच लाईफ सपोर्ट सिस्टीमवर ठेवण्यात आले आहे. त्यांच्या प्रकृतीत हळूहळू सुधारणा होत आहे. राजू यांचा धाकटा भाऊ दीपू श्रीवास्तव यांनी शुक्रवारी ही माहिती दिली.

१० ऑगस्ट रोजी एम्समध्ये दाखल करण्यात आले होते

१० ऑगस्ट रोजी राजू श्रीवास्तव यांना दिल्लीतील ऑल इंडिया इन्स्टिट्यूट ऑफ मेडिकल सायन्सेसमध्ये दाखल करण्यात आले होते. त्याच दिवशी त्यांची अँजिओप्लास्टी झाली. राजू श्रीवास्तव यांचा लहान भाऊ दीपू श्रीवास्तव यांनी सांगितले की, त्यांचा भाऊ हळूहळू बरा होत आहे. सध्या तो बेशुद्ध आहे.

असं काय झालं की ५ वर्षांमध्येही कपिलशी बोलला नाही अली

दीपू श्रीवास्तव यांनी दिली माहिती

या प्रकरणी दीपू श्रीवास्तव यांनी सांगितले की, ‘त्याच्या भावाच्या प्रकृतीत सुधारणा होण्याचा वेग कमी आहे, मात्र तो लवकरच बरा होईल. त्याची प्रकृती स्थिर आहे. सध्या तो व्हेंटिलेटरवर आहे.’ दीपू म्हणाले की तो ३५ दिवसांपासून इस्पितळात आहे. ‘त्याच्या प्रकृतीबाबत डॉक्टरांनी दिलेल्या माहितीनुसार, तो बरे होण्यासाठी सर्वतोपरी प्रयत्न केला जात आहे.’ दीपू श्रीवास्तव म्हणाले की, ‘त्याला तुमच्या सर्वांच्या प्रार्थनांची गरज आहे.’

राजू श्रीवास्तव यांची मुंबईत बदली होणार?

राजू श्रीवास्तव यांना मुंबईतील दुसऱ्या इस्पितळात स्थानांतरित करण्याची चर्चा होती. याबाबत दिपू यांना विचारले असता त्यांनी अशी कोणतीही योजना नसल्याचे सांगितले. राजूवर एम्समध्येच उपचार केले जाणार आहेत. डॉक्टरांवर पूर्ण विश्वास असून राजू पूर्णपणे बरे झाल्यानंतरच त्यांना घरी नेण्यात येईल असं दिपू म्हणाले.

एक क्षणही न दवडता मी आजोबांना घरी येण्याची विनंती केली अन्

चाहते उत्तम आरोग्यासाठी प्रार्थना करत आहेत

दरम्यान, राजू श्रीवास्तव १९८० दशकाच्या उत्तरार्धापासून मनोरंजन विश्वात सक्रिय झाले. २००५ मध्ये ‘द ग्रेट इंडियन लाफ्टर चॅलेंज’ या स्टँड-अप कॉमेडी शोच्या पहिल्या सीझनने त्यांना खऱ्या अर्थाने ओळख मिळवून दिली. राजू यांनी ‘मैने प्यार किया’, ‘बाजीगर’, ‘बॉम्बे टू गोवा’चा रिमेक आणि ‘आमदनी अठन्नी खर्चा रुपैया’ यांसारख्या चित्रपटांमध्ये उत्कृष्ट अभिनय केला. सध्या श्रीवास्तव हे उत्तर प्रदेश चित्रपट विकास परिषदेचे अध्यक्ष आहेत. त्याचवेळी राजू श्रीवास्तव यांच्या प्रकृतीसाठी त्यांचे चाहते सतत प्रार्थना करत आहेत.