एक मुलगा आवडतो, त्याला प्रपोज करणार इतक्यात आड आली ही गोष्ट

प्रश्न : मी एक 18 वर्षांची तरुणी आहे. माझी समस्या ही आहे की मी लहानपणापासून मुलींमध्येच वाढली आहे. मला समज आल्यापासूनच मी गर्ल्स हॉस्टेलमध्ये होती. त्यामुळे सतत मुलींचाच गराडा भोवताली असायचा. माझा मुलांशी फार संबंध कधी आलाच नाही. यामुळे झालं असं की मला मुलांमध्ये मिसळण्याची संधीच कधी मिळाली नाही. जर चार मुलं एकत्र बोलत उभी असतील आणि मला त्यांना जाऊन काही विचारायचं असेल तरी माझी हिम्मत व्हायची नाही.

ही गोष्ट शाळेपर्यंत ठीक होती. पण आता कॉलेजला आल्यावर मात्र मला ही समस्या केवढी मोठी आहे ते कळून चुकले आहे. कॉलेजमध्ये खूप मुले आहेत. अनेकांना माझ्याशी मैत्री सुद्धा करायची आहे. पण मलाच ते जमत नाहीये आणि त्यामुळे मला मुलांच्या रूपात कोणी मित्र मिळाले नाहीत. मी फारच लाजाळू आहे ही एक गंभीर समस्या बनत आहे. कारण मला माझ्या वर्गातील एक मुलगा प्रचंड आवडतो पण…!

एक मुलगा आवडू लागला

मी जरी मुलींमध्ये वाढले असले तरी माझ्या मनात सामान्य मुलींप्रमाणेच भावना आहेत. आमच्या कॉलेजमध्ये खूप मुलगे होते आणि त्यामुळे त्यातील एक मुलगा मला आवडू लागला. आजही मी त्याच्याकडे पाहताच मनात तरंग उमटू लागतात. मला जाऊन माझ्या मनातील गोष्ट त्याला सांगायची आहे. पण माझ्या या स्वभावामुळे हिम्मतच होत नाही आहे. याउलट मी कधी कधी विक्षिप्त वागते आणि ही गोष्ट त्याला कळली असून त्याच्या मनात मझी खूप चुकीची इमेज निर्माण झाली आहे. याचे मी खूप जास्त टेन्शन घेतले आहे. त्याला सुद्धा मी आवडत असेन तर ह्या एका गोष्टीमुळे मी चांगले प्रेम गमावेन अशी भीती मला आहे. (गोपनीयतेच्या कारणाने आम्ही व्यक्तीची ओळख उघड करत नाही)

(वाचा :- माझी कहाणी : वयाने 7 वर्षे लहान मुलाच्या प्रेमात आकंठ हद्दपार होईस्तोवर बुडाले, पण पुढे जे काही झालं ते भयंकर.!)

जाणकारांचे उत्तर

फोर्टिस हेल्थ केअरच्या मानसोपचारतज्ज्ञ कामना छिब्बर म्हणतात की, “ज्या व्यक्तीवर आपले प्रेम असते त्याच्याशी बोलताना, वागताना आपसूकच मनात एक लाज निर्माण होते. याचे कारण म्हणजे आपण सतत चिंता करत असतो की आपली कोणती गोष्ट त्या व्यक्तीला चुकीची वाटू नये. तुमची स्थिती जाणून घेतल्यावर मला असे वाटते की सर्वात आधी तुम्ही तुमच्या या भीतीवर नियंत्रण मिळवले पाहिजे. तुम्ही तुमच्या मुलांशी वागण्याचा बोलण्याचा टोन बदला आणि मग त्या मुलाला तुमच्या मनातील गोष्ट सांगा.”

(वाचा :- माझी कहाणी : बायकोला मी नाही ऑफिसच जास्त आवडतं, ती काही विचित्र सवयींच्या आहारी गेल्याने जीवनाची वाताहत झालीये)

स्वत:मध्ये बदल घडवा

डॉक्टर पुढे म्हणतात की, “तुम्ही सांगितले की तुम्हाला मुलांमध्ये मिसळण्यास समस्या निर्माण होते आणि याचे कारण म्हणजे तुम्ही जास्त करून मुलींमध्ये वाढलेल्या आहात. माझे मत आहे की तुम्ही शक्य तितक्या लवकर स्वत:ला बदलले पाहिजे. स्व:मध्ये एवढा अमुलाग्र बदल घडवून आणा की तुम्ही कोणत्याही पुरुषाशी सहज संवाद साधू शकता. आता तर तुम्ही कॉलेजमध्ये आहात पुढे तुम्हाला अख्खं आयुष्य समाजात वावरत घालवायचं आहे आणि त्यासाठी हा बदल गरजेचा आहे.”

(वाचा :- माझी कहाणी : माझे वय 26 वर्षे असून मी एक मोठा धक्कादायक निर्णय घेतलाय, कारण समजल्यावर तुम्हीही माझीच बाजू घ्याल)

मुलाच्या मनातील गैरसमज दूर करा

डॉक्टरांनी सांगितले की, “जेव्हा तुम्ही स्वत:मध्ये बदल घडवून आणाल तेव्हा थोडासा आत्मविश्वास एकत्र करून मुलांशी संवाद साधण्याचा प्रयत्न करा. हळूहळू त्यात सुधारणा करा. तुम्हाला पहिल्याच प्रयत्नात यश येईल असे नाही पण प्रयत्न करून करूनच तुम्ही या गोष्टीवर विजय मिळवू शकता. एकदा का तुमच्यात तो कायमचा आत्मविश्वास आला की मग मात्र सर्वात आधी त्या मुलाशी मैत्री करून त्याच्या मनातील गैरसमज दूर करा.”

(वाचा :- Harmful Relationships : सावधान, या 4 प्रकारच्या लोकांपासून कायम राहा 100 हात दूर, नाहीतर बरबाद करतील आयुष्य..!)

लाज कशी घालवावी?

सायकोलॉजी टुडेमध्ये छापून आलेल्या एका रिसर्चनुसार, लाजाळूपणा किंवा लाज वाटणे एक न्यूरोबायोलॉजी आहे जी मेंदूमधील न्यूरॉनच्या एका ठराविक सर्किटमध्येच काम करते. सेल्फ कॉन्शसनेस, स्वत:बाबत नकारात्मक विचार करणे, लो सेल्फ इस्टीम आणि दुसरे आपल्याला जज करतील आणि नाकारतील हा विचार या सगळ्यांचा एकत्रित परिणाम आपली एकूण व्यक्तिमत्त्वावर होत असतो. ही स्थिती बदलण्याचा सर्वात सोप्पा उपाय म्हणजे तुमची कौशल्ये विकसित करा. जोवर तुमच्या मनात आत्मविश्वास येणार नाही आणि भीती जाणार नाही तोवर ही गोष्ट बदलणार नाही. त्यामुळे यावर काम करा.

(वाचा :- म्हणून ‘या’ वयाच्या पुरूषांकडे लोहचुंबकासारख्या आकर्षित होतात महिला, या पुरूषांच्या लग्नाचे चान्सेस कायम जास्तच)