- 1 Career Growth Tips:प्रत्येक व्यक्तीला आयुष्यात आपल्या करिअरमध्ये सर्वोच्च स्थानी पोहोचायचे असते. यासाठी काही लोक खूप मेहनत करतात पण त्यांना यश येत नाही, तर काही लोक त्यांच्यापेक्षा कमी कष्ट करुन सर्वोच्च स्थानी पोहोचतात. तुमच्या सवयीच तुम्हाला तुमच्या ध्येयापर्यंत पोहोचवू शकतात किंवा दूरही नेऊ शकतात. चांगल्या सवयी तुम्हाला तुमच्या ध्येयापर्यंत पोहोचण्यास मदत करतील. अशा सवयींबद्दल जाणून घेऊया.
- 2 एकाच वेळी अनेक गोष्टींवर लक्ष केंद्रित करणे टाळा
- 3 त्याच त्याच चुका करु नका
- 4 मन विचलित होऊ देऊ नका
- 5 आगामी आव्हानांचे योग्य आकलन करा
- 6 ध्येय पूर्ण करण्याची डेडलाइन
Career Growth Tips:प्रत्येक व्यक्तीला आयुष्यात आपल्या करिअरमध्ये सर्वोच्च स्थानी पोहोचायचे असते. यासाठी काही लोक खूप मेहनत करतात पण त्यांना यश येत नाही, तर काही लोक त्यांच्यापेक्षा कमी कष्ट करुन सर्वोच्च स्थानी पोहोचतात. तुमच्या सवयीच तुम्हाला तुमच्या ध्येयापर्यंत पोहोचवू शकतात किंवा दूरही नेऊ शकतात. चांगल्या सवयी तुम्हाला तुमच्या ध्येयापर्यंत पोहोचण्यास मदत करतील. अशा सवयींबद्दल जाणून घेऊया.
हायलाइट्स:
- करिअर ग्रोथ सर्वांसाठीच महत्वाची
- आजपासून ‘या’ ५ सवयी लावून घ्या
- करिअरमध्ये टॉपला पोहोचाल
एकाच वेळी अनेक गोष्टींवर लक्ष केंद्रित करणे टाळा
आजच्या युगात एकाच वेळी अनेक गोष्टी करण्याची सवय बहुतेक लोकांना असते. असे केल्याने आपले काम लवकर पूर्ण होईल आणि ते आपले ध्येय गाठू शकतील असे त्यांना वाटते. मात्र प्रत्यक्षात तसे होत नाही. जेव्हा तुम्ही एकाच वेळी अनेक गोष्टी पूर्ण करण्यासाठी काम करत असता, तेव्हा तुम्ही कोणत्याही एका कामावर लक्ष केंद्रित करू शकत नाही आणि तुमची बहुतेक कामे अर्धवटच राहतात.
त्याच त्याच चुका करु नका
एखादे काम करताना वारंवार चुकाच होत असतील तर त्या कामासाठी तुम्ही योग्य व्यक्ती नाही किंवा ते काम तुमच्यासाठी योग्य नाही असा अर्थ निघू शकतो. तुम्ही ज्या ठिकाणी ते काम करत आहात ती जागा त्यासाठी योग्य नाही,असेही म्हटले जाऊ शकते. त्यामुळे झालेल्या चुकांमधून शिकत त्याचत्याच चुका करणे टाळा. हे तुमच्या करिअरच्या दृष्टीने उत्तम असेल.
मन विचलित होऊ देऊ नका
एखादे ध्येय ठरवून त्यासाठी काम करायला सुरुवात करता तेव्हा तुम्ही खूप सक्रिय असता. कारण जेव्हा तुम्ही काम सुरू करता तेव्हा तुमचे सर्व लक्ष ते काम पूर्ण झाल्यानंतर तुम्हाला मिळणाऱ्या परिणामावर असते. पण कधी-कधी असं होतं की आपलं ध्येय थोडं मोठं असतं, ते पूर्ण व्हायला जास्त वेळ लागतो. दरम्यान, ध्येय पूर्ण झाल्यानंतर तुम्हाला मिळणाऱ्या फायद्यांवर तुमचे लक्ष केंद्रित होते. पण जर तुम्हाला यश मिळावे असे वाटत असेल तर काम पूर्ण झाल्यावर काय फायदा होईल हे नेहमी ध्यानात ठेवा. यामुळे तुमचे मन विचलित होणार नाही.
आगामी आव्हानांचे योग्य आकलन करा
जेव्हा तुम्ही एखादे ध्येय ठरवत असता, तेव्हा त्यातून तुम्हाला काय मिळणार आहे हे बघू नका. तर ध्येय निश्चित करताना तुमच्या समोर येणाऱ्या आव्हानांचेही आकलन केले पाहिजे. असे केल्याने जेव्हा तुम्ही ते पूर्ण करण्याच्या दिशेने काम करत असाल तेव्हा तुम्ही आव्हानांसाठी चांगले तयार व्हाल.
ध्येय पूर्ण करण्याची डेडलाइन
तुम्ही तुमचे ध्येय पूर्ण करण्यासाठी डेडलाइन सेट करत नाही ही तुमची सर्वात मोठी चूक ठरु शकते. जर तुम्हाला तुमची उद्दिष्टे पूर्ण करायची असतील तर त्यांच्यासाठी डेडलाइन ठरवणे महत्त्वाचे आहे. जेव्हा तुम्ही डेडलाइन सेट कराल, तेव्हाच तुम्ही प्रत्येक काम दिलेल्या वेळेत पूर्ण कराल.
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.