- 1 Career Tips: कर्मचाऱ्यांना ऑफिसमध्ये वावरताना अनेक महत्त्वाच्या गोष्टींची काळजी घ्यावी लागते. कारण कोणतीही चूक त्याची छबी खराब करू शकते. ऑफिसमध्ये काम करताना अनेक वेळा आपण अशा काही गोष्टी करतो ज्या आपण करणे चुकीचे असते. याचा परिणाम आपल्या नोकरीवर आणि पर्यायाने आपल्या करिअरवर होऊ शकतो. ऑफिसमध्ये कोणत्या चुका टाळल्या पाहिजेत आणि ज्याची नेहमी काळजी घेतली पाहिजे याची माहिती करुन घ्या.
- 2 ऑफिसमध्ये वैयक्तिक गोष्टी शेअर करणे टाळा
- 3 वक्तशीर नसणे
- 4 सहकाऱ्याशी चांगले न वागणे पडेल महागात
- 5 कार्यालयात फोनचा अतिवापर
Career Tips: कर्मचाऱ्यांना ऑफिसमध्ये वावरताना अनेक महत्त्वाच्या गोष्टींची काळजी घ्यावी लागते. कारण कोणतीही चूक त्याची छबी खराब करू शकते. ऑफिसमध्ये काम करताना अनेक वेळा आपण अशा काही गोष्टी करतो ज्या आपण करणे चुकीचे असते. याचा परिणाम आपल्या नोकरीवर आणि पर्यायाने आपल्या करिअरवर होऊ शकतो. ऑफिसमध्ये कोणत्या चुका टाळल्या पाहिजेत आणि ज्याची नेहमी काळजी घेतली पाहिजे याची माहिती करुन घ्या.
हायलाइट्स:
- नोकरीच्या ठिकाणी या’ गोष्टी चुकूनही करु नका
- अन्यथा करिअरवर होईल परिणाम
- महत्वाच्या टिप्स करा फॉलो
ऑफिसमध्ये वैयक्तिक गोष्टी शेअर करणे टाळा
नोकरीच्या ठिकाणी तुमच्या वैयक्तिक गोष्टी कधीही कोणाशीही शेअर करू नका. तुमचे वैयक्तिक आणि प्रोफेशनल जीवन नेहमी वेगळे ठेवा. तुमच्या वैयक्तिक गोष्टी शेअर केल्याने काही वेळा ऑफिसमध्ये तुमच्याबद्दल अफवा पसरू शकतात. तसेच सहकाऱ्यांसमोर तुमची छापही चुकीची होऊ शकते. त्यामुळे कामावरही नकारात्मक परिणाम होऊ शकतो.
वक्तशीर नसणे
कर्मचार्याला कार्यालयातील कोणतेही काम, प्रोजेक्ट किंवा लक्ष्य दिलेल्या मुदतीपर्यंत पूर्ण करावे लागते. नेहमी कार्यालयात वेळेवर पोहोचणे देखील तुम्हाला प्रोफेशनल बनवते. जर कर्मचारी वक्तशीर नसेल तर त्याचा त्याच्या व्यक्तिमत्वावरही खूप वाईट परिणाम होतो. तसेच जर तुम्ही ऑफिसला वेळेपूर्वी पोहोचलात तर लोक तुमची प्रशंसा करतात.
सहकाऱ्याशी चांगले न वागणे पडेल महागात
ऑफिसमध्ये तुम्ही एखाद्या गोष्टीबद्दल बढाई मारली किंवा कोणाशीही गैरवर्तन केले तर त्यामुळे तुमची प्रतिमा अत्यंत नकारात्मक होईल. ऑफिसमधील सहकाऱ्यांसोबतचे संबंध अजिबात खराब करू नका. मग तो तुमचा कनिष्ठ असो वा वरिष्ठ. त्यांना चांगली वागणूक आणि आदर द्या.
कार्यालयात फोनचा अतिवापर
ऑफिसमध्ये तुमचा फोन स्वतःपासून थोडा दूर ठेवा. तुमचा फोन पुन्हा पुन्हा वापरत असताना तुम्ही कोणाच्या नजरेत आलात तर तुमची छाप खूप चुकीची ठरु शकते. यासोबतच तुम्हाला खूप अनप्रोफेशनल देखील म्हटले जाईल.
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.