BCCIमधून गांगुलीचा पत्ता कट होणार; या व्यक्तीला अध्यक्ष करण्याची जोरदार तयारी

नवी दिल्ली: सर्वोच्च न्यायालयाने बीसीसीआय (BCCI)च्या कायद्यात सुधारणा करण्याची परवानगी दिली आहे. यामुळे बोर्डाच्या अध्यक्षपदी असलेल्या सौरव गांगुली (Sourav Ganguly) आणि सचिव जय शहा (Jay Shah) यांना आणखी एक टर्म मिळणार आहे. २०१९ साली भारताचा माजी कर्णधार सौरव गांगुली बोर्डाचे अध्यक्ष झाले होते. तर गुजरात क्रिकेट असोसिएशनचे माजी संयुक्त सचिव आणि देशाचे गृहमंत्री अमित शहा यांचा मुलगा जय शहा हे बोर्डाचे सचिव झाले होते.

सर्वोच्च न्यायालयाने दिलेल्या निर्णयानंतर आता बीसीसीआयमध्ये निवडणुकीची तयारी सुरू आहे. बोर्ड लवकरच वार्षिक सर्वसाधारण सभा बोलवणार आहे. बोर्डाच्या घटनेत बदल झाल्यानंतर राज्य बोर्डांना नव्याने निवडणुकीसाठी नोटीस काढली जाईल. बीसीसीआयच्या विद्यमान अधिकाऱ्यांचा ३ वर्षाचा कालावधी या महिन्यात पूर्ण होत आहे. यामुळेच पुन्हा निवडणूक होणार आहे.

वाचा- भारतीय क्रिकेटपटूने एका वाक्यात आफ्रिदीची बोलती बंद केली; दिला होता हा फुकटचा…

नवा अध्यक्ष?

सध्या बीसीसीआयच्या अध्यक्षपदी सौरव गांगुली आहेत. आता नव्या टर्ममध्ये ३४ वर्षीय जय शहा बीसीसीआयचे अध्यक्ष होणार का अशी चर्चा सुरू झाली आहे. इंडियन एक्स्प्रेसने दिलेल्या वृत्तानुसार १५ राज्यातील बोर्डांनी जय शहा यांना नवा अध्यक्ष करावे असे मत व्यक्त केले आहे. अधिकतर सदस्यांच्या मते करोनाच्या काळात आयपीएलचे यशस्वी आयोजन करण्यात जय शहा यांचा मोठा वाटा होता. याच बरोबर आयपीएलच्या मीडिया राइट्सने बोर्डाला ४८ हजार ३९० कोटी रुपयांची कमाई झाली होती.

वाचा- विराटने दिले जगातील आघाडीच्या १५ जणांना ओपन चॅलेंज; मी येतोय, वर्ल्डकपसाठी…

एका राज्य बोर्डाच्या सदस्याने म्हटले की, ही योग्य वेळ आहे जेव्हा शहा भारतीय क्रिकेट बोर्डाचे नेतृत्व करतील. सर्व बोर्ड त्यांना पाठिंबा देण्यास तयार आहेत. मात्र सर्वात मोठा प्रश्न हा आहे की जय शहा जर अध्यक्ष झाले तर सौरव गांगुलीचे काय होणार.

वाचा- असा विक्रम जगातील एकाही क्रिकेटपटूला करता आला नाही

सर्वोच्च न्यायालयाने काय म्हटले

बीसीसीआयच्या घटनेनुसार कोणताही सदस्य राज्य संघटनेत किंवा बोर्डात एकूण ६ वर्ष पदावर राहू शकतो. त्यानंतर ३ वर्ष कुलिंग ऑफ पिरियड असेल. या काळात संबंधित सदस्य राज्य संघटना किंवा बोर्डात कोणत्याही पदावर राहू शकत नाही. आता या नियमात बदल करण्याची परवानगी देण्यात आली आहे. आता सदस्य ६ वर्ष राज्य आणि ६ वर्ष बोर्डात पदावर राहू शकतो. त्यानंतर त्याला कुलिंग ऑफ पिरियडवर जावे लागले. ३ वर्षानंतर संबंधित सदस्य पुन्हा बीसीसीआयमध्ये येऊ शकतो.