अनिरुद्धनं लावलाय ओम नम: शिवायचा जप, हा Video पाहिलात की कळेल!

मुंबई : आई कुठे काय करते मालिकेतला अनिरुद्ध लोकप्रिय आहे. म्हणजे तो आततायी, संतापी दाखवला असला की तो असला की प्रेक्षकांना मालिका पाहताना उत्सुकता वाढते. अनिरुद्धची भूमिका करणारे अभिनेते मिलिंद गवळी मात्र संवेदनशील व्यक्ती आहेत. त्यांना निसर्गात रमायला आवडतं. आताही ते एका निसर्गरम्य ठिकाणी आहेत आणि तिथला व्हिडिओ पोस्ट केलाय.

मिलिंद गवळी लिहितात, ‘निसर्गाच्या सानिध्यात आपलं मन खूप शांत होतं आणि पाण्याच्या धबधब्याजवळ जर जायला मिळालं तर मनात एक वेगळी ऊर्जा निर्माण होते. अद्भुत दृश्य डोळ्यांना दिसतं. डोंगरावरून कोसळणार पाणी आणि खडकावर पडल्यानंतर त्याचा सुंदरसा ध्वनी, मन भारावून टाकतं. निसर्गाच्या शक्तीचा सुंदर असा अनुभव मिळतो. आपण पण एक निसर्गाचा छोटासा भाग आहोत याची जाणीव होते.’

कोण आहे देव चित्रगुप्त, ज्यांच्या अपमानामुळे ‘थँक गॉड’ होतोय बॉयकॉट

पुढे त्यांना मुंबईतल्या पावसाचीही आठवण होते. ते म्हणतात, ‘पण हाच पाऊस, हेच पाणी शहरांमध्येही पडत असतं. पण तिथे आपल्याला त्याची भीती वाटते, मन अस्वस्थ होतं, रस्त्यावर पाणी तुंबेल का? ट्राफिकचा खोळंबा होईल का? लोकल ट्रेन बंद होतील का? जनजीवन विस्कळीत होईल का? कामावर वेळेवर पोचता येईल का? मुलं शाळेत व्यवस्थित जातील का? 26 जुलैचा प्रसंग परत तर येणार नाही ना?’

ते म्हणतात, पावसाचा आनंद घेणारे खूपच कमी लोक माझ्या परिचयाचे आहेत. उन्हाळ्यात घामाच्या धारा वाहत असताना पावसाची आतुरतेने वाट बघणारे पाऊस पडत असताना मात्र, त्याचा खूप कंटाळा आला असं म्हणणारे कित्येक लोक माझ्या परिचयाचे आहेत. आपण सगळे शहरात राहणारी माणसं
किंवा आजकालएकंदरीतच माणसांच्या आयुष्याचं काहीतरी गणित चुकलं आहे का असं वाटायला लागतं. खूपशा माझ्या प्रश्नांची उत्तरं मला मिळणार कठीण आहे,असो.’

Video:कार्तिक आर्यनला इकाॅनाॅमी क्लासमध्ये पाहून प्रवाशांना झाला अत्यानंद,मग काय झालं

मिलिंदचे सचिन जुवाटकर हे चित्रकार मित्र आहेत. त्यांच्यामुळेच निसर्गरम्य वातावरणाचा आनंद मिळाल्याचं ते सांगतात आणि मित्राचे आभार मानतात. या व्हिडिओला त्यांनी ओम नम: शिवायचा जप लावलाय.