Video : गणपतीला अरुंधतीच्या घरी अनिरुद्ध धडकला, दिला अनाहुत सल्ला

मुंबई :आई कुठे काय करते मालिकेत सध्या आनंदाचं वातावरण आहे. तसा अधेमधे अनिरुद्ध दुधात मिठाचा खडा टाकत असतो. पण तरीही सध्या सगळे आनंदात आहेत. गणपतीची सजावट सगळी मुलांनीच केली.

आता नवा व्हिडिओ समोर आला आहे. त्यात अरुंधतीच्या घरी सगळे जण जमलेत. कांचन सजावट निरखून पाहतेय. ती म्हणते, चांगली झालीय, पण आपल्यासारखी नाही. हास्य विनोद सुरू असतानाच अचानक सगळे मागे वळून पाहतात. दारात अनिरुद्ध उभा असतो.

राणी एलिझाबेथने दिलेल्या निमंत्रणाला बिग बींनी दिलेला नकार

अनिरुद्ध घरात येऊन म्हणतो, ‘अरुंधतीला काय गाव गोळा करायला आवडतो. आता तर काय निमित्तच मिळालं. तू आता मोठ्या जागेत शिफ्ट हो. नाही तर दुसरी जागा घे.’ हेही तो खोचकपणे म्हणतो. त्यावर अरुंधतीही त्याला ताडकन उत्तर देते. ती म्हणते, ‘जागा मोठी असेल आणि त्यात स्वत:चाच आवाज घुमत असेल, तर काय उपयोग अनिरुद्ध? अशी मोठी जागा मला नको.’

आई कुठे काय करते मालिकेत आगामी भागात बऱ्याच घडामोडी घडणार आहेत. म्हणजे अनिरुद्ध आणि संजना यांच्यातला वितंडवाद काही संपायचं नाव घेत नाही. अनिरुद्ध सारखा संजनाला मला घटस्फोट दे, म्हणत राहतो. तर दुसरीकडे आशुतोष आणि अरुंधती हे जवळ येत चालले आहेत. त्यांच्यात आता नवे बंध निर्माण होत आहेत.

गणपतीची मूर्ती अरुंधतीनंच हातानं तयार केली. ती पाहून आशुतोष आणि नितीन चकितच होतात. आशुतोष अरुंधतीला घेऊन काॅफी शाॅपमध्ये जातो आणि महत्त्वाचं काही बोलतो, हे आजच्या भागात पाहायला मिळणार आहे.

गोंधळून गेलेलं मन आणि समोर आश्वासक मूर्ती, सोनाली कुलकर्णी लालबागच्या राजाच्या

मागच्या भागात मुलं फिरून घरी येतात. अनिरुद्ध ईशावर भडकतो. तो म्हणतो, अनिश तुझ्या आजूबाजूलाही फिरकायला नको मला. त्यानंतर ईशाला मुलांपासून आलेल्या वाईट अनुभवाबद्दलही तो आठवण काढतो. त्यावर यश म्हणतो, सगळे काही एकसारखे नसतात. आई नाही असा विचार करत. तसं असतं तर आईनं आशुतोषशी मैत्री नसती केली. अरुंधतीलाही वेळोवेळी यश नवीन आयुष्य सुरू कर, असा सल्ला देत असतो.