एक किस्सा असाही! एका हेअर सलूनने उजळलं निक जोनसचं नशीब, आज आहे गर्भश्रीमंत व्यक्ती

मुंबई : अमेरिकन पॉप गायक आणि प्रियांका चोप्राचा नवरा निक जोनस याने काही दिवसांपूर्वीच त्याचा ३० वा वाढदिवस साजरा केला. आज भलेही निक गर्भश्रीमंत आहे परंतु सुरुवातीच्या दिवसामध्ये त्यानं खूप संघर्ष केला. हेअर सलूनमध्ये तो गाणं गायचा. तेव्हा त्यानंदेखील विचार केला नसेल की भविष्यात तो इतका प्रसिद्ध गायक होईल आणि संपूर्ण जगावर राज्य करेल.

निकनं तिशीमध्ये जी प्रसिद्धी, जे यश मिळवलं आहे ते नक्कीच कौतुकास्पद आहे. अर्थात त्याचा इथपर्यंत प्रवासासाठी त्यानं खूप मेहनत घेतली. निकचा जन्म टेक्ससमधील डलासमध्ये झाला. निकच्या घरी लहानपणापासूनच संगीताचं वातावरण होतं. निकचे वडील गीतकार आणि संगीतकार होते. तसंच आईदेखील उत्तम गायिका आहे.

पत्नीच्या जाण्यातून सावरला नाही अभिनेता, एकट्यानेच सांभाळतोय मुलाला

निक सहा वर्षांचा होता तेव्हा त्यानं पहिल्यांदा एका हेअर सलूनमध्ये गाणं गायलं होतं. निकचा आवाज ऐकून सर्वजण खूप भारावून गेले होते. हा मुलगा मोठा झाल्यावर नक्कीच यशस्वी गायक होईल अशी खात्री सर्वांना पटली होती.

आई-वडिलांच्या निर्णयानं निकचं आयुष्य पालटलं

निकचा आवाज ऐकून आणि त्याची गाण्याची आवड पाहून आई-वडिलांनी त्याला संगीताचं शिक्षण देण्याचा निर्णय घेतला. निक जेव्हा सात वर्षांचा होता तेव्हा त्यानं ब्रॉडवेमध्ये गाणं गायला सुरुवात केली होती. ब्रॉडवेमध्ये गाणं गाता गाता निकनं गाणं लिहायला सुरुवात केली. त्यानंतर निक जोनसनं गायक म्हणून पदार्पण केलं आणि त्याचं पहिला गाणं रिलीज झालं.

भावांबरोबर बनवला स्वतःचा बँड

निक जोनस केविन आणि जो हे दोन भाऊ आहेत. या तिघा जोनस भावांनी मिळून स्वतःचा बँड स्थापन केला त्याचं नाव त्यांनी द जोनस ब्रदर्स असं ठेवलं. २००९ मध्ये या तिघा भावांनी अनेक हिट गाणी दिली.

जोनस भावांची जादू संपूर्ण जगावर पसरली

निकनं २०१० मध्ये स्वतंत्र गायक म्हणून करीअर करण्याचा निर्णय घेतला. त्यानंतर त्यानं ‘Nick Jonas & The Administration’ नावाचा एक बँड तयार केला. काही वर्षे त्यानं एकट्यानं गाणी गायली. त्यानंतर तो पुन्हा एकदा २०१९ मध्ये भावांबरोबर गाणी गाऊ लागला. तेव्हापासून निक, केविन आणि जो जोनस या तिघा भावांनी संगीत विश्वावर अधिराज्य गाजवायला सुरुवात केली.

कोण आहे देव चित्रगुप्त, ज्यांच्या अपमानामुळे ‘थँक गॉड’ होतोय बॉयकॉट

प्रियांका चोप्राशी केलं लग्न

निक जोनसनं २०१८ मध्ये बॉलिवूडमधील आघाडीची अभिनेत्री प्रियांका चोप्रा हिच्याबरोबर लग्न केलं. या दोघाचं लग्न खूप गाजलं होतं. दोघांच्या वयामध्ये असलेलं अंतर यामुळे त्यांच्यावर अनेकांनी टीका देखील केली होती. आता निक जोनस आणि प्रियांका चोप्रा यांनी या वर्षी जानेवारीमध्ये सरोगसी तंत्रज्ञानाद्वारे मुलीचे पालक झाले आहेत. त्यांनी आपल्या मुलीचं नाव मालती मेरी चोप्रा जोनस असं ठेवलं आहे.

निक जोनसची एकूण संपत्ती

रिपोर्ट्सनुसार निकची २०२२ मध्ये निक जोनसची संपत्ती ५५८ कोटी रुपयांच्या आसपास आहे. निकची कमाई केवळ गाण्यांमधूनच नाही तर तो बिझनेसमन आणि अभिनेता देखील आहे.