डोळ्याला सुखावणारे भिंतींचे रंग
घर सजविण्याची सुरूवात होते ती म्हणजे रंगांपासून. बेडरून, हॉल, किचन यामधील भिंतींना देण्यात येणारे रंग हे आकर्षक आणि तितकेच डोळ्यांना सुखावणारेदेखील असावे. यासाठी गडद रंगापेक्षा फिकट निळा, हिरवा, ऑफ व्हाईट या रंगाची निवड नक्कीच उपयुक्त ठरते. विशेषतः हॉलसाठी ऑफ-व्हाईट रंग हा अधिक चांगला दिसतो. तर बेडरूमसाठी टरकॉईज निळा, हिरवा हा रंग आजकाल अधिक ट्रेंडमध्ये आहे. विशेषतः पेस्टल रंगांनाही अधिक प्राधान्य देण्यात येते. ज्यामुळे घरात हवा खेळती राहण्यास मदत मिळते.
सिद्धार्थ केला घराचा व्हिडिओ शेअर, असं सजवा घर
पडद्यांची रंगसंगती
अति गडद पडदे कधीही घरात चांगले दिसत नाही. तसंच पडद्यांची निवड करताना ते अधिक जड नाहीत आणि वेळोवेळी काढून त्याची स्वच्छता नीट होऊ शकते की नाही याची काळजी घ्यावी. पडदे किमान १५ दिवसांनी धुवायला हवेत. यामुळे हवा खेळती तर राहतेच शिवाय घरात आजारी पडू नये यासाठी ही काळजी घ्यावी. तसंच घरातील रंगांचा विचार करूनच पडद्यांचा रंगही ठरवावा. अति पातळ अथवा अति जाड पडदे वापरू नयेत. यामुळे घरातील पडदे दिसायलाही सुंदर दिसतात.
(वाचा – चहाचे गाळणे काही केले तरी काळेकुट्टच? हट्टी डाग काढून टाकण्यासाठी या टिप्स फॉलो करा)
फोटो फ्रेम्स आणि ड्रीम कॅचर
हॉल अथवा गॅलरी असल्यास, आपल्या लग्नातील, बाळाच्या जन्माच्या वेळेचे फोटो निवडून त्याच्या रॅक्टँगल फ्रेम्स करून घ्याव्या. या फोटो फ्रेम्स भिंतीवर न लावता तुम्ही लाकडी फर्निचर ठेवावे आणि त्यावर ठेवाव्यात. भिंतीवर लावतानाही सध्या ट्रेंडमध्ये असणाऱ्या ग्लास फ्रेम्सचा वापर करावा. ज्यासाठी खिळे ठोकण्याची गरज भासत नाही. तर हॉल आणि गॅलरीच्या भिंतीवर ड्रीम कॅचर आणि काही सकारात्मक विचारांच्या फ्रेम्स लावल्यास अधिक आकर्षक दिसते. बाजारात असे सुविचार असणाऱ्या फ्रेम्स सध्या उपलब्ध आहेत. याशिवाय दाराबाहेर लागणाऱ्या आडनावाच्या पाटीची फ्रेम तुम्ही रेक्टँगल ठेवलीत तर छान दिसते.
(वाचा – या 3 सोप्या पद्धतीने घरीच बनवा गणपतीची मूर्ती)
बेडरूम आणि हॉलमध्ये इनडोअर प्लांट्सचा पर्याय
इनडोअर प्लांट्स हे तुमच्या घराची शोभा वाढविण्यास मदत करतात. बेडरूम आणि हॉलमध्ये तुम्ही इंडोअर प्लांट्स लावावे आणि याशिवाय तुमची गॅलरी मोठी असल्यास, तिथे स्टील अथवा स्टायलिश जिन्याच्या पद्धतीचा स्टँड वापरून त्यावर इनडोअर प्लांट्स सजवावे. यामुळे घरात सकारात्मकता राहते आणि त्याशिवाय घराची शोभा वाढण्यास याचा फायदा मिळतो. तसंच हॉलमध्ये सोफ्याच्या बाजूला एखादा मोठा इनडोअर प्लांट ठेवल्यास, अधिक उठावदार दिसते. सोफ्याचा रंग निळा वा राखाडी असल्यास, ही रंगसंगती अधिक उत्तम दिसते.
(वाचा – घरच्या घरी असं बनवा सुगंधी व झटपट एअर फ्रेशनर, घरातील वातावरण कायम राहील ताजतवानं व पॉझिटिव्ह)
HOME DECOR (5)