SSC CHSL 2022: स्टाफ सिलेक्शनकडून ४,५०० पदांची भरती, ८१ हजारपर्यंत मिळेल पगार

उमेदवारांना १०० रुपये अर्ज शुल्क भरावे लागणार आहे. महिला उमेदवार आणि अनुसूचित जाती (SC), अनुसूचित जमाती (ST), बेंचमार्क अपंग व्यक्ती (PWBD) आणि माजी सैनिकांना (ESM) अर्ज शुल्कातून सवलत देण्यात आली आहे.

लोअर डिव्हिजन क्लर्क (LDC) किंवा कनिष्ठ सचिवालय सहाय्यक (JSA) पदासाठी १९ हजार ९०० ते ६३ हजार २०० रुपयांपर्यंत पगार दिला जाणार आहे. पोस्टल असिस्टंट (PA) किंवा सॉर्टिंग असिस्टंट (SA), डेटा एंट्री ऑपरेटर (DEO) आणि डेटा एंट्री ऑपरेटर ग्रेड A पदासाठी उमेदवारांना २५,५०० ते ८१,१०० रुपयांपर्यंत पगार दिला जाणार आहे.

असा करा अर्ज

उमेदवारांनी सर्वप्रथम अधिकृत वेबसाइट ssc.nic.in वर जा.
यानंतर वेबसाइटवर दिलेल्या रजिस्टरच्या लिंकवर क्लिक करा.
मागितलेली माहिती सबमिट करून लॉगिन तयार करा.
आता लॉग इन करा.
अर्जामध्ये विचारलेली माहिती भरा.
कागदपत्रे अपलोड करा.
त्यानंतर अर्जाची फी जमा करून अर्ज प्रक्रिया पूर्ण करा.

MMRC Job: मुंबई मेट्रो रेल्वे कॉर्पोरेशनमध्ये भरती, ‘येथे’ पाठवा अर्ज
पदभरतीसाठी अर्ज करताना उमेदवारांनी रेझ्युमे, दहावी, बारावी आणि शैक्षणिक प्रमाणपत्रं, शाळा सोडल्याचा दाखला, जातीचा दाखला (मागासवर्गीय उमेदवारांसाठी), ओळखपत्र (आधारकार्ड, लायसन्स) आणि पासपोर्ट साईझ फोटो हे दस्तावेज सोबत जोडणे आवश्यक आहे.

या पदासाठी आरक्षित वर्गातील उमेदवारांना पदभरती आणि वयोमर्यादेमध्ये सरकारी नियमानुसार सवलत देण्यात येणार आहे. याचा सविस्तर तपशील नोटिफिकेशनमध्ये देण्यात आला आहे. तसेच उमेदवारांना संबंधित संस्थेने दिलेल्या अटी आणि शर्थींचे पालन करणे आवश्यक आहे.

यासंदर्भात अर्ज प्रक्रिया सुरू झाली असून उमेदवारांना ४ जानेवारीपर्यंत अर्ज करता येणार आहेत. अर्ज दुरुस्ती विंडो ९ ते १० जानेवारी दरम्यान खुली असेल. एसएससी सीएचएसएल टियर-१ परीक्षा फेब्रुवारी-मार्च २०२३ मध्ये होणार आहे. टियर-२ परीक्षेचे वेळापत्रक नंतर जाहीर केले जाणार आहे. अर्ज करण्यापुर्वी उमेदवारांनी नोटिफिकेशन काळजीपूर्वक वाचावे. अर्जामध्ये काही त्रुटी असल्यास किंवा दिलेल्या मुदतीनंतर आल्यास अर्ज बाद करण्यात येईल याची उमेदवारांनी नोंद घ्या.