अगं तू जोशी आहेस ना? स्पृहाच्या त्या रेसिपी व्हिडिओवर नेटकऱ्यांनी केल्या भलत्याच कमेंट्स

मुंबई: बदलत्या काळात मनोरंजनाची व्याख्यासुद्धा बदलली. नाटक, सिनेमा बघणारा प्रेक्षक आता इतर माध्यमांचाही पर्याय म्हणून विचार करतो. त्यातलंच एक महत्त्वाचं माध्यम म्हणजे सोशल मीडिया. गेल्या काही काळात सोशल मीडियावर प्लॅटफॉर्मवर काही मराठी अभिनेत्रींनी विशेष ओळख तयार केली आहे. त्यापैकी एक म्हणजे स्पृहा जोशी.

अभिनयाबरोबरच स्वत: केलेल्या कवितांनी प्रेक्षकांची मनं जिंकणारी अभिनेत्री स्पृहा जोशी सोशल मीडियावर प्रचंड सक्रिय असतेय स्पृहा या तिच्या इन्स्टाग्रावर किंवा युट्यूब चॅनलवर ती विविध प्रयोग करत असते. कधी कवितांचे तर, कधी हटके रेसिपींचे व्हिडिओ स्पृहा सोशल मीडियावर शेअर करते. स्पृहाच्या व्हिडिओंना चाहते आणि नेटकऱ्यांकडूनही चांगला प्रतिसाद मिळतो. पण स्पृहानं नुकत्याच शेअर केलेल्या एका व्हिडिओवर नेटकऱ्यांनी भलत्याच कमेंट्स केल्या आहेत.
आमच्यात मैत्री वगैरे काही नाही…अमृताबद्दल जरा स्पष्टच बोलली सोनाली कुलकर्णी
स्पृहानं नुकतीच एक अंड्याची एक रेसिपी शेअर केली होती. ही हटके रेसिपी अनेकांना आवडली, बऱ्याच जणांनी तिला या रेसिपीचं नावही विचारलं आहे. पण काही जणांनी मात्र नको त्या आणि भलत्याच कमेंट्स केल्या आहेत. तू नॉन व्हेज खातेस? असा प्रश्न एकानं विचारला आहे, तर दुसऱ्या एका युझरनं तू जोशी आहेस ना? असं म्हटलं आहे. तर आणखी काही जणांनी जातिवाचक कमेंट्सही केल्या आहेत.

दरम्यान, काही महिन्यांपूर्वी स्पृहाच्या युट्यूब चॅनलचे एक लाख सबस्क्रायबर्स पूर्ण झाले आहेत. तिचं कौतुक म्हणून युट्यूबकडून तिला ‘सिल्वर बटन’ देण्यात आलं आहे. या यशाबद्दल ती म्हणाली, ‘मला आवडणाऱ्या कविता तसंच किस्से सांगण्यापासून या चॅनलची सुरुवात झाली. पुढे लॉकडाउनमध्ये त्याला नीट स्वरुप देता आलं. करोनाकाळात सर्वत्र नकारात्मक वातावरण होतं म्हणून प्रेक्षकांना मनोरंजनात्मक आशय देण्याच्या दृष्टीनं आम्ही काम सुरू केलं. चॅनलवर कविता किंवा साहित्य याविषयासह खजिना, खादाडी सीरिज, गंमत गाणी, व्लॉग अशा अनेक गोष्टी आम्ही प्रेक्षकांसाठी घेऊन आलो. त्यामुळे सर्व स्तरांतून आम्हाला प्रेक्षकांचा प्रतिसाद मिळाला.’
लग्नाचे फुकट व्हिडिओ टाकण्यापेक्षा…ओटीटी वेडिंगवर पहिल्यांदाच बोलली सोनाली कुलकर्णी