वजन कमी करण्यासाठी चुकीच्या डाएटचे फॅड टाळा, अन्यथा होईल विपरीत परिणाम

क्रॅश डाएटिंगचे फॅड

सोशल मीडियावरील विचित्र डाएट फॅड्सचा अवलंब करणे टाळा. केवळ प्रथिनांचा समावेश असलेला आहार आणि फळांचा समावेश असलेला हे सर्व काही चुकीचे मार्ग आहेत. तुमच्या शरीराला एकुण सर्वच प्रकारच्या आहाराची गरज असते मग ते गोड, आंबट किंवा कडू असो, परंतु केवळ थोड्या प्रमाणात. सर्वकाही खा परंतु केवळ संयमाने. जर तुम्ही या डाएट फॅड्सचे पालन केले तर तुम्ही कमकुवत होऊन आजारी पडू शकाल. सध्या सोशल मीडियावर अनेक व्हिडिओ व्हायरल होत असतात. पण ते तुमच्या शरीराला योग्य ठरतील की नाही हे तुम्ही स्वतःच ठरवून असे डाएट फॉलो करणे योग्य ठरणार नाही.

चुकीचे पदार्थ निवडणे

चांगला आणि वाईट असा कोणता प्रकार नसतो. तुम्ही जर आवड्याभरात १०० पौष्टीक पदार्थ खाल्ले आणि केवळ एखादा चटपटीत पदार्थ खाल्ला तर लगेचच तुमच्या शरीरात वाईट परिणाम होणार नाही.संतुलित आहारामध्ये प्रत्येक पदार्थाला स्थान दिले जाते. सर्व पोषक तत्वांचा आहारात समावेश असल्याची खात्री करा आणि आपले ताट नेहमी रंगीत पदार्थांनी भरलेले असू द्या. कोणताही पदार्थ अति आवडला म्हणून तो जास्त खाणे आणि बाकीच्या पदार्थांकडे दुर्लक्ष करणे योग्य नाही. त्यामुळे आपल्या शरीराला नक्की कसली गरज आहे हे समजून घेतल्यानंतरच वजन कमी करण्यासाठी डाएट फॉलो करा. योग्य पदार्थांची निवड करा.

(वाचा – Winter Tips : रिकाम्या पोटी गुळाचे पाणी पिणे गुणकारी, बॉडी डिटॉक्ससह होतील हे ५ फायदे)

स्वतःच्या मर्जीने आहार

स्वतःच्या मर्जीने आहार न घेता आहारतज्ज्ञांचा सल्ला घेणे अत्यंत आवश्यक आहे. आहारतज्ज्ञ आणि पोषणतज्ञांनी अनेक वर्षांच्या मेहनतीनंतर आणि अभ्यासानंतर या विभागातील पदवी संपादन केली आहे. केवळ आवश्यक प्रमाणपत्रे असलेल्या आहारतज्ज्ञांना “आहारतज्ज्ञ” हे शीर्षक वापरण्याची परवानगी दिली आहे. त्यामुळे वजन कमी करण्यासाठी इथे तिथे वापरलेली माहिती न वापरता तुम्ही आहारतज्ज्ञांची मदत घेणेच योग्य ठरेल.

(वाचा – New Year 2023: नव्या वर्षात आहारात करा या ५ विटामिन्सचा समावेश)

प्रोसेस्ड फूड टाळा

फळे, भाज्या, सर्व प्रकारचे धान्य, कार्बोहायड्रेट्स,शेंगदाणे, सुकामेवा आणि तेलबिया यांचा आहारात समावेश फायदेशीर राहील. पुरेसे पाणी प्या, भरपूर फळे आणि ताज्या भाज्या खा, तुमच्या प्रत्येक आहारात प्रथिनांचा समावेश करा, प्रोसेस्ड फूड हे शरीराला हानिकारक ठरते. विशेषतः वजन कमी करायचे असेल तर तुम्ही याचे सेवन करणे शक्यतो टाळा. प्रोसेस्ड फूडमुळे वजन कमी करण्यात अडथळा निर्माण होतो.

(वाचा – हॉटेलमध्ये गेल्यावर अति खाणे टाळण्यासाठी फॉलो करा या टिप्स, वजन कमी करण्यासाठी होईल मदत)

आवडणाऱ्या सर्व गोष्टींचा त्याग

बरेचदा डाएटिंगच्या नावाखाली आपल्याला आवडतात त्या सर्व गोष्टींचा त्याग केला जातो. स्वतः डाएट निवडून तुम्ही जर असे करत असाल तर तुम्ही नक्कीच चुकत आहात. तुमचं सर्व लक्ष त्या पदार्थांमध्ये असतं. त्यामुळे अगदीच सर्व सोडून द्यायचं असं करू नका. कारण तुमच्या शरीराला त्या पदार्थांची गरज असेल हे तुम्हाला कळतच नाही आणि आहारतज्ज्ञांच्या सल्ल्याशिवाय तुम्ही हे डाएट फॉलो करायला सुरुवात करता. त्यामुळे त्याचा शरीरावर उलट परिणाम होऊ चुकीच्या पद्धतीने तुमचं वजन कमी तरी होतं अथवा वजन वाढूही शकतं.

डॉक्टरांच्या सल्ल्यानुसारच तुम्ही डाएट प्लॅन फॉलो करण्याची गरज आहे. वजन कमी करण्यासाठी व्हायरल झालेले अथवा सोशल मीडियावरील डाएटचे फॅड आणि प्लॅनचा वापर करणे सहसा टाळा. याचा तुमच्या शरीरावर होणारा परिणाम तुम्हाला नक्कीच त्रासदायक ठरू शकतो.

(फोटो क्रेडिटः Canva)