लघ्वी होताना जळजळ होत असेल तर डाएटमध्ये करा असे बदल

​UTI म्हणजे काय?​

युरिन इन्फेक्शन म्हणजे UTI. ८० टक्के महिलांमध्ये अधिक काळ लघ्वी रोखल्याने हे दिसून येते. पुरुषांमध्येही युटीआयटी समस्या असते. मुत्राशयामध्ये जेव्हा बॅक्टेरिया जमा होतात, तेव्हा ते युरिनमार्फत इन्फेक्शन युट्रसपर्यंत पोहचते आणि त्यामुळे लघ्वी करताना जळजळ होणे अधिक निर्माण होते. मात्र आहारातील बदल करून तुम्ही हे रोखू शकता.

​क्रॅनबेरी ज्युस​

UTI चा त्रास कमी करण्यासाठी तुम्ही तुमच्या आहारात क्रॅनबेरी ज्युसचा वापर करू शकता. साधारण आठवडाभर तुम्ही नियमित क्रॅनबेरीचा ज्युस प्यायल्यास लघ्वी करताना होणारी जळजळ थांबण्यास मदत मिळेल. क्रॅनबेरीमधील पोषक तत्व बॅक्टेरिया कमी करण्यासाठी उपयोगी ठरतात.

(वाचा – स्वादुपिंडाच्या कर्करोगाचे वाढते प्रमाण, तज्ज्ञांकडून सखोल माहिती)

​दह्याचे सेवन​

दही हे पोटासाठी थंडावा निर्माण करते हे सर्वांनाच माहीत आहे. तर दह्यातील प्रोबायोटिकमुळे लघ्वी करताना होणारी जळजळ कमी होते. त्यामुळे तुम्ही नियमित आहारात दह्याचा समावेश करून घ्यावा आणि याचे सेवन करावे. मुत्राशयाच्या मार्गात संक्रमण होण्यापासून दही बचाव करते.

(वाचा – पोटात जाताच हे ४ पदार्थ वाढवतात LDL Cholesterol, कधीही येऊ शकतो हार्ट अटॅक)पोटात जाताच हे ४ पदार्थ वाढवतात LDL Cholesterol, कधीही येऊ शकतो हार्ट अटॅक​

​भरपूर पाणी प्या​

तुमच्या शरीराला किमान दिवसाला ८-९ ग्लास पाण्याची आवश्यकता भासते. एका रिसर्चनुसार, तुम्ही अधिक पाणी प्यायल्यास, UTI च्या या समस्येपासून सुटका मिळवू शकता. पाणी प्यायल्याने शरीरातील विषारी पदार्थ बाहेर जाण्यास मदत होते आणि बॅक्टेरिया नष्ट होऊन लघ्वी करताना जळजळ होत नाही.

(वाचा – लहान वयातच मासिक पाळी थांबविण्याची मेन्स्ट्रूअल सप्रेशन प्रक्रिया नक्की काय आहे, कोणासाठी आहे ही ट्रीटमेंट)

​विटामिन सी चा समावेश​

तुमच्या आहारात विटामिन सी युक्त फळांचा समावेश करून घ्या. लघ्वी होताना जळजळ होत असेल तर विटामिन सी पदार्थ खाल्ल्याने या समस्येपासून सुटका मिळू शकते. यातील घटक शरीराला थंडावा देऊन उष्णता कमी करतात.

​लसूण​

आहारात लसणाचा समावेश करून घ्या. लसूणमध्ये असणारे अँटीबॅक्टेरियल, अँटीऑक्सिडंट गुण आणि सल्फर हे शरीरातील डिटॉक्सिफिकेशनसाठी अत्यावश्यक ठरते. त्यामुळे लघ्वीतील जळजळीची समस्या कमी करण्यासाठी तुम्ही १-२ कच्च्या लसूण चावून खाल्ल्यासदेखील उपयोगी ठरू शकते.

​ताजी फळं आणि भाजी​

ताज्या फळं आणि भाज्यांमध्ये शरीराला आवश्यक असणारे घटक सापडतात आणि यातून विटामिन्सची योग्य गरज शरीराला फायदा करून देते. त्यामुळे युटीआय संक्रमणाचा त्रासही होत नाही.

टीप – ही माहिती आम्ही सामान्य वाचनावरून दिली आहे. तुम्हाला असा त्रास होत असल्यास, डॉक्टरांचा सल्ला घेऊन योग्य औषधोपचार करावेत.