सोबतच पुरेश्या प्रमाणात पोषक तत्वांचे सेवन करणे देखील महत्त्वाचे आहे. न्युट्रिशनिस्ट लवनीत बत्रा यांनी नुकतेच आपल्या इंस्टाग्राम पोस्टमध्ये सांधेदुखीपासून (Joint Pain) आराम मिळवण्यासाठी काही नैसर्गिक उपाय सांगितले आहेत. अनेक असे औषधी गुणधर्म असणारे पदार्थ आहेत जे शरीरामधील सूज तर कमी करतातच शिवाय सांधेदुखी दूर करण्यास मदत करतात. सकाळी सकाळी होणारी गुडघेदुखी किंवा सांधेदुखी दूर करण्यासाठी हे उपाय अवश्य ट्राय करून बघाच.
कच्ची हळद
जाणकार सांगतात की हळद एक शक्तिशाली मसाला आहे. जो भारतीय खाद्यसंस्कृती मध्ये खूप प्राचीन काळापासून वापरला जात आहे.आयुर्वेदामध्ये देखील या मसाल्याला मोठे महत्त्व असून विविध आजारांवर हळद गुणकारी समजली जाते. हळदीमध्ये करक्युमिन नावाचे एक रसायन असते जे सूज विरोधी असते. म्हणजेच हे रसायन आपल्याला शरीरातील सूज कमी करण्यास मदत करते. त्यामुळेच बॉडी मधील सूज आणि सांधेदुखी यावर हळदीचा वापर करण्याचा सल्ला दिला जातो. आजवर अनेकांना या उपायाचा मोठा फायदा झाल्याचे देखील ऐकीवात आहे.
(वाचा :- Heart Attack Sign: हार्ट अटॅक ठीक 1 महिना आधी देतो त्याच्या येण्याचे संकेत, ही 12 लक्षणे दिसल्यास व्हा सावध..!)
लसूण
फूड एक्स्पर्ट सांगतात की लसूण मध्ये डायलिल डाइसल्फ़ाइड असते जे एक एंटी इंफ्लेमेंटरी तत्व आहे. हे प्रो-इंफ्लेमेंटरी साइटोकिन्सच्या प्रभावाला नियंत्रित करते. यामुळे सूज कमी होते शिवाय संपूर्ण स्वास्थ्य सुद्धा सुधारते. तर मंडळी तुम्हाला देखील सांधेदुखी पासून सुटका हवी असेल तर आहारात लसणाचा वापर नक्की करा. अनेक जण लसूण पाहिली की नाकं मुरडतात.पण जरी चव उग्र असली तरी याचे फायदे सुद्धा तेवढेच जबरदस्त आहेत हे विशेष!
(वाचा :- Foods boost Immunity : थंडीत इम्युनिटी होते 0, करोना व भयंकर रोगांचा वाढतो धोका, हे 6 जबरदस्त उपाय ठेवतात ठणठणीत)
आले
आले सुध्दा एक प्राचीन पदार्थ असून खूप काळापासून विविध आजारांवर त्याचा वापर होतो आहे. यात असणारे अँटी इफ्लेमेंटरी आणि एंटी-ऑक्सीडेंट गुणधर्म शरीरात ती तत्वे तयार होण्यापासून रोखतात ज्यामुळे खऱ्या अर्थाने शारीरिक सूज निर्माण होते. अनेक निरीक्षणांमध्ये सुद्धा हे सिद्ध झाले आहे की आले हे आर्थराईटिस मध्ये खूप फायदेशीर मानले गेले आहे. त्यामुळे तुम्ही देखील आहारात आवर्जून आल्याचा वापर केला पाहिजे. आल्याचा चहा, आलेपाक असे पदार्थ सुद्धा तुम्हाला खूप आराम देऊ शकतात.
(वाचा :- लघवीतून येत असेल या प्रकारचा वास तर समजून जा शरीरात घेतलीये या 6 भयंकर आजारांनी एंट्री, ताबडतोब करा खालील उपाय)
अक्रोड
अक्रोड हे पोषक तत्वांनी भरपूर असते. यात अशी तत्वे असतात जी सांधेदुखीमुळे होणाऱ्या वेदना मोठया प्रमाणावर कमी करू शकतात. अक्रोड मध्ये खास ओमेगा-3 फॅटी ऍसिड सुद्धा असते जे वेदना कमी करण्यासाठी फायदेशीर समजले जाते. अक्रोड हे जरी साधे फळ वाटत असले तरी त्यापासून मिळणारे फायदे हे खूप जास्त आहेत. तुम्ही सांधेदुखीने त्रस्त असाल तर नक्कीच अक्रोडचे सेवन करा आणि आराम मिळवा. शिवाय तुम्हाला फरक दिसला तर आवर्जून इतरांना सुद्धा या फळाचे महत्त्व सांगा.
(वाचा :- Breakfast मध्ये हा एक पदार्थ खाल्ल्याने तरूणाचं Liver कायमचं डॅमेज झालं, तुम्ही खात नाहीयेत ना हा विषारी नाश्ता?)
चेरी
तज्ञांचे म्हणणे आहे की चेरी हा अँटिऑक्सिडंट्सचा एक उत्तम स्त्रोत आहे, जे सांधे आणि स्नायूंमधील सूज कमी करण्यास मदत करू शकते. अशा परिस्थितीत, जर तुम्हाला हिवाळ्यात स्नायूंमध्ये वेदना किंवा सांधेदुखीची समस्या जाणवत असेल तर चेरीचे सेवन सुरू करा.
(वाचा :- Weight Loss: लटकणारी पोटाची चरबी लपवायला घालायचा जॅकेट, या 2 उपायांनी 18 किलो वेटलॉस करत बदलली पूर्ण पर्सनॅलिटी)
टीप : हा लेख फक्त सामान्य माहितीसाठी आहे. हे कोणत्याही प्रकारे कोणत्याही औषधाचा किंवा उपचारांचा पर्याय असू शकत नाही. अधिक माहितीसाठी नेहमी आपल्या डॉक्टरांचा सल्ला घ्या.
थंडीत सांधेदुखीपासून आराम मिळवण्यासाठी उपाय..!