World Ozone Day 2022: ओझोन थर म्हणजे काय? महत्त्व, इतिहास सर्वकाही जाणून घ्या

World Ozone Day 2022: दरवर्षी १६ सप्टेंबर रोजी आंतरराष्ट्रीय ओझोन थर (Ozon layer) संरक्षण दिवस साजरा केला जातो. या दिवशी सर्व देशांना आपला ओझोन थर जतन करण्यासाठी पर्यावरण संरक्षणाकडे लक्ष देण्यास प्रोत्साहित केले जाते. ओझोन ग्रहासाठी एक प्रकारचे ढाल म्हणून कार्य करते आणि हे पर्यावरणाच्या संरक्षणासाठी आवश्यक आहे.

१६ सप्टेंबर रोजी मॉन्ट्रियल प्रोटोकॉलवर सह्या केल्याच्या औचित्याने दरवर्षी जागतिक ओझोन दिवस साजरा केला जातो. ओझोन थराला नुकसान पोहोचवणाऱ्या पदार्थांचे उत्पादन आणि उपभोग टप्प्याटप्प्याने बंद करण्यासाठी आंतरराष्ट्रीय पर्यावरण करारावर स्वाक्षरी केल्याच्या स्मरणार्थ हा दिवस साजरा होतो.याला १९८७ मध्ये सुरुवात झाली. ओझोन थराचा ऱ्हास का आणि कसा थांबवावा? याविषयी जनजागृती दिन म्हणूनही हा दिवस पाळला जातो.

World Ozone Day 2022 Theme : यावर्षीची थीम जाणून घ्या
यावर्षीची थीम २०२२ च्या जागतिक ओझोन दिनाची थीम ‘मॉन्ट्रियल प्रोटोकॉल @ ३५: पृथ्वीवरील जीवनाचे संरक्षण करण्यासाठी जागतिक सहकार्य’ ही आहे.

World Ozone Day History: जाणून घ्या इतिहास
१९७० च्या उत्तरार्धात ओझोनच्या थराला छिद्र असल्याचा दावा शास्त्रज्ञांनी केला होता. यानंतर ८०च्या दशकात, जगभरातील अनेक सरकारांनी या समस्येवर विचार करण्यास सुरुवात केली. १९८५ मध्ये, ओझोन थराच्या संरक्षणासाठी व्हिएन्ना अधिवेशन स्वीकारण्यात आले. यानंतर १९ डिसेंबर १९९४ रोजी संयुक्त राष्ट्र महासभेने १६ डिसेंबर हा दिवस आंतरराष्ट्रीय ओझोन दिवस म्हणून साजरा करण्याचा निर्णय घेतला. पहिला जागतिक ओझोन दिवस १९९५ मध्ये साजरा करण्यात आला.

Ozone Layer Importance: महत्त्व जाणून घ्या
ओझोन थर हा स्ट्रॅटोस्फियरचा थर पृथ्वीला सूर्याच्या अतिनील किरणांच्या हानिकारक प्रभावापासून मानवाचे संरक्षण करतो. वातावरणात ओझोनच्या उपस्थितीमुळे हानिकारक अल्ट्राव्हायोलेट किरणांपासून प्रभावीपणे संरक्षण केले जाते. ओझोनचा थर पूर्णपणे संपुष्टात आल्यास सजीवांना आणि आपल्या ग्रहाला गंभीर हानी पोहोचेल. जर आपण अतिनील किरणांच्या थेट संपर्कात आलो तर त्वचेच्या कर्करोगासारखे घातक रोग होऊ शकतात.

शाळा, महाविद्यालयातील तरुणाई अडकतेय ‘इलेक्ट्रॉनिक सिगरेट’च्या जाळ्यात
विविध मानवी क्रियाकलापांच्या परिणामी, वातावरणात सोडले जाणारे क्लोरीन आणि ब्रोमाइन अणू यांसारखी रसायने ओझोन थराच्या ऱ्हासास मुख्यत्वे जबाबदार असतात. सततच्या प्रयत्नांमुळे ओझोनच्या थरातील छिद्र अखेर बंद झाले.

ओझोन थर म्हणजे काय?
वास्तविक, ओझोनचा थर (Ozone Layer) हा ऑक्सिजनच्या तीन अणूंचा समावेश असलेला वायू आहे आणि तो पृथ्वीच्या वातावरणाचा एक थर आहे, जो सूर्यापासून येणाऱ्या अतिनील किरणांपासून आपले संरक्षण करण्याचे काम करतो. फ्रेंच भौतिकशास्त्रज्ञ फॅब्री चार्ल्स आणि हेन्री बुसन यांनी १९१३ मध्ये या थराचा शोध लावला होता.

BOI Recruitment: आठवी, दहावी ते ग्रॅज्युएट सर्वांना बॅंकेत नोकरीची संधी; ‘येथे’ पाठवा अर्ज
Engineers Day 2022: विश्र्वेश्वरय्या यांचं इंजिनीअरिंगमधील योगदान जाणून घ्या