वॉटर बर्थ थेरपी म्हणजे नेमके काय? कसा होतो बाळाचा जन्म आणि गर्भवतीच्या यातना होतात कमी

​बाळाला पाण्यात जन्म देणे आईसाठी किती कमी वेदनादायक?​

सर्वात प्राचीन असणारी ही वॉटर बर्थ प्रक्रिया आणि आयुर्वेदात सांगितल्यानुसार, पाण्यात बाळाला जन्म देण्याची ही प्रक्रिया तुम्ही स्वीकारणार असाल तर जी महिला गरोदर आहे तिला होणाऱ्या लेबर पेनच्या वेदना या साधारणतः ५० टक्के कमी होतात. त्यामुळे नॉर्मल डिलिव्हरी दरम्यान ही वॉटर बर्थ प्रक्रिया महिलांनी वापरल्यास, बाळाचा जन्म होणे अधिक सोपे होऊ शकते असे डॉक्टरही सांगतात.

(वाचा – वयाच्या ४० व्या वर्षी आई होण्याचा निर्णय घेताय, तर या गोष्टींची होईल मदत)

​वॉटर बर्थ प्रक्रियेची योग्य पद्धत​

• बाळाचा जन्म अशा पद्धतीने करण्यासाठी कितीही मोठा टब वा कितीही पाणी असे असून चालत नाही. यासाठी काही योग्य प्रमाण आणि पद्धती आखून दिलेल्या आहेत. त्या नेमक्या काय आहेत हेदेखील जाणून घेणे गरजेचे आहे.
• तज्ज्ञांच्या सांगण्यानुसार, वॉटर बर्थ प्रोसेससाठी एक पूल तयार करण्यात येतो, जो २.५ ते ३ फूट लांब असतो आणि त्यामध्ये साधारणतः ३०० ते ४०० लीटर पाणी असते. गर्भवती महिलेच्या शरीराच्या अंदाजाने हा पूल तयार केला जातो
• गर्भवती महिलेच्या शरीराला आराम मिळावा इतक्याच तापमानाचे पाणी पुलामध्ये ठेवण्यात येते, तसंच कोणत्याही प्रकारची जळजळ न होता तिला आराम मिळावा हाच हेतू असतो. तसंच बाळाची डिलिव्हरी होईपर्यंत या पाण्याचे तापमान समान असणे आवश्यक आहे

(वाचा – गर्भधारणेचा विचार करताना कोणत्या गोष्टी महत्त्वाच्या ठरतात)

​महिलांना या पाण्यात कधी जावे लागते?​

जेव्हा लेबर पेन सुरू होते हे लेबर पेन वाढण्याच्या आधीच ३-४ तास महिलांना पाण्यात बसवले जाते. लेबर पेन सुरू झाल्यावर लगेच बाळाचा जन्म कधीच होत नाही. या पाण्यात महिलांचे लेबर पेन बऱ्याच अंशी कमी होते. तसंच ही प्रक्रिया तज्ज्ञ डॉक्टर आणि नर्स यांच्या देखरेखीखालीच करण्यात येते. सर्वात महत्त्वाचे केवळ वेदनाच कमी होत नाहीत तर बाळाच्या जन्माची प्रक्रिया होण्यासाठीही या प्रक्रियेत कमी वेळ लागतो.

(वाचा – गरोदरपणात तूप खाण्याचे फायदे, किती खावे तूप)

​इन्फेक्शनची भीती नाही​

जेव्हा तज्ज्ञ बाळाला जन्म देण्यासाठी या वॉटर बर्थ प्रक्रियेचा आधार घेतात तेव्हा बाळ आणि आई या दोघांच्याही जीवाला धोका नसावा हीच काळजी घेतात.

• या पाण्यात राहिल्याने महिलेचा शारीरिक आणि मानसिक ताण कमी होण्यास मदत मिळते. तसंच यादरम्यान बऱ्याच महिलांचे ब्लड प्रेशर वाढते, तेदेखील नियंत्रणात राहाते
• बाळ जेव्हा गर्भाच्या बाहेर येते तेव्हा पाण्याचे तापमान योग्य असल्याने अजूनही गर्भातच असल्याचे फिलिंगदेखील बाळाला मिळते
• तज्ज्ञांच्या मते नॉर्मल डिलिव्हरीच्या वेळी मूल फिरणे अथवा नाळेच्या काही समस्यांचा सामना करावाच लागतो. पण वॉटर बर्थच्या वेळी या समस्या होत नाहीत. कारण पाणी आणि पाण्याचे तापमान बाळाला बाहेर येण्यासाठी अधिक सोप्या ठरतात