Makar Sankranti 2023: संक्रांतीसाठी करा भाग्यश्रीसारखे साडी लुक, दिसा स्टनिंग

प्लेन साडी आणि वर्क ब्लाऊज

संक्रांतीसाठी जर तुम्ही काहीतरी वेगळा लुक शोधत असाल तर भाग्यश्रीच्या या प्लेन ब्लॅक साडीवरून प्रेरणा नक्कीच घेऊ शकता. त्याच त्याच जरीच्या साड्या अथवा बनारसी हेव्ही साडी नेसण्याचा तुमचा प्लॅन नसेल तर तुम्ही शिफॉनची प्लेन ब्लॅक साडी आणि वर्क केलेला रंगबेरंगी ब्लाऊजची स्टाईल कॅरी करू शकता. ही साडी नेसायला सोपी आहे आणि त्याशिवाय वजनाने हलकी असल्याने त्रासही होत नाही. या साडीसह तुम्ही भाग्यसारखी मॅट लुक करून नक्कीच सुंदर दिसू शकता.

ब्लॅक अँड व्हाईट प्रिंटेड साडी

सध्या प्रिटेंड साडीचा ट्रेंड आहे. ही नेसायला हलकी आणि त्यावरील मोठ्या फुलांचे प्रिंट अधिक उठावदार दिसतात. मकर संक्रांतीच्या सणाला तुम्हाला अगदीच पारंपरिक साडी नको असेल आणि ऑफिसमध्ये अथवा एखाद्या कार्यक्रमाला तुम्हाला स्टायलिश दिसायचे असेल तर तुम्ही अशा साडीचा आधार घेऊ शकता. फ्लोरल प्रिंट अशी ही साडी भाग्यश्रीच्या सौंदर्यात अधिक भर घालत आहे. अशा साडीसह बॅकलेस काळा ब्लाऊज अधिक सुंदर दिसू शकतो.

(वाचा – स्कर्टची फॅशन करतोय हा डान्सर आणि होतोय बॉलीवूडमध्येही प्रसिद्ध, #menskirt होतोय ट्रेंडिंग)

डिझाईनर साडी आणि ब्लाऊज

तुम्हाला संक्रांतीच्या कार्यक्रमात काळ्या रंगाची साडी नसेल नेसायची तर तुम्ही अशा वेगळ्या रंगाच्या डिझाईनर साडीचा उपयोग करून घेऊ शकता. मात्र यामध्ये गडद रंगाचा वापर करा जेणेकरून कार्यक्रमात हे आकर्षक दिसेल. यासह तुम्ही डिझाईनर ब्लाऊज कॅरी करू शकता. तसंच गळ्यात काहीही न घालता डीप नेक ब्लाऊज तुम्ही डिझाईन करा आणि यासह मोठे कानातले घातल्यास, तुमचा लुक पूर्ण होऊ शकतो.

(वाचा – मराठमोळ्या वैद्यांची सून आहे खूपच स्टायलिश, दिशा परमारचे स्टनिंग लुक्स)

गोल्डन साडी लुक

गोल्डन रंग हा नेहमीच रॉयल लुक तुम्हाला मिळवून देतो. अशा स्टाईलची साडी तुम्ही संक्रांतीच्या एलिट पार्टीसाठीदेखील वापरू शकता. अनेक ठिकाणी हळदीकुंकूचा कार्यक्रम असतो. पण हा कार्यक्रम पारंपरिक आणि आधुनिकतेचा मेळ घालणारा असा असेल तर तुम्ही अशा स्टाईलची साडी नक्कीच कॅरी करू शकता. यासह फ्लॉवर प्रिंटेड डिझाईनर ब्लाऊज भाग्यश्रीने कॅरी केला आहे. तुम्हीही वेगळ्या लुकसाठी प्रेरणा घेऊ शकता.

(वाचा – उर्फी जावेदचं साडीतलं सौंदर्य पाहून तुम्ही म्हणाल ‘ही तीच ऊर्फी आहे?’)

प्रिंटेड साडी

प्रिंटेड साडी तुम्ही कोणत्याही फॉर्मल ठिकाणीही नेसू शकता. मकर संक्रांतीचा ऑफिसमध्ये कार्यक्रम असेल आणि जास्त धावपळ करायची असेल तर अशा पद्धतीची स्टाईल तुम्ही कॅरी करू शकता. स्टायलिश लुक हवा असल्यास, तुम्ही स्लीव्हलेस ब्लाऊजची फॅशन करून तुमच्या सौंदर्यामध्ये भर घालू शकता.

अभिनेत्री भाग्यश्रीचे हे लुक मकर संक्रांतीसाठी तुम्ही नक्कीच स्टाईल करू शकता. तसंच यामध्ये प्रेरणा घेऊन तुम्ही स्वतःची स्टाईलही करू शकता आणि तुमच्या व्यक्तिमत्त्वामध्ये भर घालू शकता.

(फोटो क्रेडिटः Bhagyashree Instagram)

अशाच अधिक लाइफस्टाइल, हेल्थ, फॅशन, ब्युटी, होम डेकोर, रिलेशनशिप, हॅक्स यावरील अधिक माहितीसाठी क्लिक करा maharashtratimes.com