मकर संक्रांतीला भोगीची भाजी आणि बाजरीची भाकरी का खावी, आरोग्यासाठी कसे होतात फायदे

भोगीच्या भाजीबरोबर बाजरीची भाकरीच का खावी?

• बाजरी हा उष्ण पदार्थ आहे आणि थंडीमध्ये बाजरी खाणे उत्तम मानले जाते
• शरीराला उष्णता देणारी आणि कफनाशक असा बाजरी हा पदार्थ आहे
• यामध्ये तीळ मिसळून बाजरीचे पिठ भिजवावे आणि त्याची भाकरी बनवावी. ही भाकरी भोगीच्या भाजीसह अप्रतिम आणि स्वादिष्ट लागते
• दोन्ही उष्ण असल्याने शरीराला उब मिळून थंडी वाजत नाही

(वाचा – सारा अली खानची आश्चर्यचकित करणारी वेट लॉस जर्नी, ४० किलो वजन घटवत केले सर्वांना अवाक्)

भोगीची भाजी कशी करावी?

• एका कढईत अथवा पातेल्यात तेल गरम करावे आणि त्यात जिरे, मोहरी, हिंग, हळद, कडिपत्ता आणि लाल तिखट घालून फोडणी करावी
• फोडणी तडतडू लागल्यावर त्यात शेंगदाणे, हरभरे आणि घेवडा या तोडून ठेवलेल्या भाज्या घालाव्यात
• या भाज्यांना थोडी वाफ आल्यावर त्यात कापलेले वांग आणि गाजराचे तुकडे घालावेत
• सर्व भाजी शिजत आली की, त्यात चिंचेचा तयार केलेला कोळ, थोडा गोडा मसाला, गूळ, ओलं खोबरं आणि पांढरे तीळ अथवा तिळाचे कूट घालावे
• वरून मीठ घालून व्यवस्थित ढवळावे आणि शिजवून उकळी काढून घ्यावे. गरमागरम बाजरीच्या भाकरीसह आणि लोण्यासह खायला द्यावे

(वाचा -दिवसातून केवळ दोन वेळा जेवण आणि अर्धा लीटर दूध, बाबा रामदेव यांचा पूर्ण डाएट प्लॅन)

बाजरीची भाकरी कशी बनवावी?

बाजरीचे पीठ घ्यावे आणि पाणी गरम करून ते भिजवावे. घट्ट भिजल्यावर काही वेळ ठेवावे आणि मग पोळपाटावर प्लास्टिकचा कागद घेऊन अथवा डायरेक्ट पोळपाटावर पीठ घालून भाकरी थापावी आणि तव्यावर दोन्ही बाजूने व्यवस्थित भाजून घ्यावी. भाजल्यावर लोणी घालून खायला द्यावी.

भोगीची भाजी आणि बाजरीची भाकरी या दोन्ही पदार्थांचे मकर संक्रांतीच्या काळात आणि भोगीच्या दिवशी तुमच्या आरोग्याला फायदे होतात म्हणून खावे. प्रथा आणि परंपरा पाळण्यासह याचे आरोग्याच्या दृष्टीने फायदे महत्त्वाचे आहेत म्हणूनच खावे.

अशाच अधिक लाइफस्टाइल, हेल्थ, फॅशन, ब्युटी, होम डेकोर, रिलेशनशिप, हॅक्स यावरील अधिक माहितीसाठी क्लिक करा maharashtratimes.com