त्यानंतर दादा कोंडकेंनी दसरा मेळाव्यात भाषण करणं थांबवलंच, कारण फक्त हेच की…

मुंबई: जेव्हा जेव्हा अभिनेते दादा कोंडके यांच्याबद्दल बोललं जातं, लिहिलं जातं तेव्हा तेव्हा शिवसेना, बाळासाहेब ठाकरे यांचा उल्लेख केला जातो. दादा कोंडके आणि शिवसेनाप्रमुख बाळासाहेब ठाकरे यांच्या मैत्रीचे अनेक किस्से ऐकालायला मिळतात. सेनेच्या दसरा मेळाव्याला दादांचं भाषण ठरलेलं असायचं.

दादा कोंडके आणि बाळासाहेब ठाकरे यांच्यात घट्ट मैत्री होती, हे सर्वांनाच ठाऊक आहे. दादा कोंडके यांनी शिवसेनेच्या मंचावर भाषण करून अनेक सभा गाजवल्या होत्या. शिवसेनेच्या प्रचारसभेत विरोधी पक्षातील राजकारण्यांवर आपल्या अनोख्या शैलीत प्रहार करणं ही त्यांची खासियत होती.

‘सोंगाड्या’चित्रपटाच्या निमित्तानं दादा आणि बाळासाहेब भेटले, त्यानंतर दोघांमध्ये घट्ट मैत्री झाली होती. दादांच्या शेवटच्या क्षणापर्यंत बाळासाहेबांनी ही मैत्री जपली. शिवसेनेसाठी दादांनी प्रचार केला. निवडूका झाल्या. पण सक्रिय राजकारणापासून मात्र ते लांब राहिले.

दादा कोंडकेंनी शिवसेनेचा महाराष्ट्रभर प्रचार केला. पण दादा म्हणतात त्याप्रमाणे, त्यांनी पक्षाचा प्रचार केला. मात्र राजकारणात सक्रीय सहभागी ते कधीच झाले नाहीत. ‘माणसाला पैशांचा किंवा सत्तेचा हव्यास असला की तो राजकारणात येतो’ असं दादांना वाटे. १९९५ मध्ये जेव्हा शिवसेनीची सत्ता येणार होती, त्यावेळी बाळासाहेबांनी दादांना मंत्रीपदाची ऑफर दिली होती.पण राजकारण नकोच, यावर ठाम असलेल्या दादांनी ती ऑफर नाकरली.
Dasara Melava 2022: अवधूत गुप्ते शिंदेंच्या दरबारी, बीकेसीतील दसरा मेळाव्यात सादर केले शिवसेना गीत
असाआहे तो किस्सा
१९९५मध्ये जेव्हा महाराष्ट्रात शिवसेनेची सत्ता येणार होती, तेव्हा मंत्रिमंडळासाठी झालेल्या बैठकीत बाबासाहेबांनी दादांना ‘मातोश्री’वर बोलवलं होतं. या बैठकीला शिवसेनेचे दिग्गज नेते उपस्थित होते आणि दादा कोंडकेही.

या बैठकीत बाळासाहेबांनी दादांना विचारलं की, कुठलं मंत्रिपद हवं? यावर दादांना वाटलं की, बाळासाहेब गम्मत करतायत. दादांनी बाळासाहेबांना विचारलं की, तुम्ही कोणतं पद घेताय? यावर बाळासाहेब म्हणाले की, मी सेनाप्रमुखच राहणार. यावर दादांनी असं काही उत्तर दिलं की, आजही त्याची चर्चा होताना दिसते. दादा कोंडके म्हणाले होती की, जर तु्म्ही सेनाप्रमुखच राहणार असाल तर मग मी देखील शिवसैनिकच राहणार.

माहेरवाशीण ओळखावी कशी, सांगतेय हेमांगी कवी; लहानपणीची सवय आहे अजून कायम
दसरा मेळावा आणि भाषण
दादांच्या भाषणांना गर्दी जमायची. दादांच्या भाषणामुळं जमलेली लोकं फक्त हसत असतात, दादा अश्लील बोलतात, असं सांगून काहींनी बाळासाहेबांचे कान भरण्याचा प्रयत्न केला होता. पण बाळासाहेब कधीही त्याविषयी बोलले नाहीत.

‘दादा बोलले की, लोक हसतात आणि मग गडबड होते, दादा फार अश्लील बोलतात’ असं म्हणत शिवसेनेतल्याच काही माणसांनी बाळासाहेबांचे कान भरले. पण दादा सांगतात, बाळासाहेब कधीच याबाबत त्यांना काही बोलले नाही. यानंतर दादांनीच स्वत:हू मेळाव्याला आणि सेनेच्या बैठकांना जाणं बंद केलं.