मुंबईतील टाटा इंस्टिट्यूट ऑफ फंडामेंटल रिसर्च संस्थेत (TIFR Mumbai Recruitment 2022) ज्युनियर हिंदी अनुवादक (Jr. Hindi Translator), प्रयोगशाळा सहाय्यक बी (Laboratory Assistant B), सुरक्षा रक्षक (Security Guard), ग्रंथालय प्रशिक्षणार्थी (Library Trainee and Temporary Work Assistant) ही पदे भरली जाणार आहेत. यासाठी ऑफलाइन माध्यमातून अर्ज मागविण्यात आले आहेत.
पदभरतीचा तपशील
ज्युनियर हिंदी ट्रान्सलेटर पदासाठी अर्ज करणाऱ्या उमेदवाराकडे मान्यताप्राप्त विद्यापीठातून पदव्युत्तर शिक्षण पूर्ण असावे आणि संबंधित कामाचा किमान अनुभव असावा.
लॅबोरीटी असिस्टंट बी या पदांसाठी अर्ज करू इच्छिणाऱ्या उमेदवारांकडे मान्यताप्राप्त संस्थेतून एसएससी किंवा सीएमएलटीपर्यंतचे शिक्षण पूर्ण असावे. यासोबतच संबंधित कामाचा किमान अनुभव असणे आवश्यक आहे.
सिक्योरीटी गार्ड पदासाठी मान्यताप्राप्त शिक्षणसंस्थेतून दहावी उत्तीर्ण असलेले उमेदवार अर्ज करु शकतात. उमेदवारांकडे या कामाचा किमान अनुभव असावा.
TIFR Recruitment: पदभरतीचे नोटिफिकेशन पाहण्यासाठी येथे क्लिक करा
ग्रंथालय प्रशिक्षणार्थी पदासाठी उमेदवाराकडे मान्यताप्राप्त विद्यापीठातील कोणत्याही शाखेतून डिग्री पूर्ण असणे आवश्यक आहे. तसेच संबंधित कामाचा किमान अनुभव असणे आवश्यक आहे.
पदभरतीसाठी अर्ज करताना उमेदवारांनी रेझ्युमे, दहावी, बारावी आणि इंजिनिअरिंगची शैक्षणिक प्रमाणपत्रं, शाळा सोडल्याचा दाखला, जातीचा दाखला (मागासवर्गीय उमेदवारांसाठी), ओळखपत्र (आधारकार्ड, लायसन्स) आणि पासपोर्ट साईझ फोटो हे दस्तावेज सोबत जोडणे आवश्यक आहे.
या पदासाठी आरक्षित वर्गातील उमेदवारांना पदभरती आणि वयोमर्यादेमध्ये सरकारी नियमानुसार सवलत देण्यात येणार आहे. याचा सविस्तर तपशील नोटिफिकेशनमध्ये देण्यात आला आहे.
१२ मार्च २०२२ ही अर्ज करण्याची शेवटची तारीख आहे. उमेदवारांनी आपले अर्ज प्रशासकीय अधिकारी (डी), रिक्रूटमेंट सेल, टाटा इन्स्टिट्यूट ऑफ फंडामेंटल रिसर्च, १, होमी भावा रोड, नेव्ही नगर, कुलाबा, मुंबई- ४००००५ या पत्त्यावर पाठवायचे आहेत. अर्ज करण्यापुर्वी उमेदवारांनी नोटिफिकेशन काळजीपूर्वक वाचावे. अर्जामध्ये काही त्रुटी असल्यास किंवा दिलेल्या मुदतीनंतर आल्यास अर्ज बाद करण्यात येईल याची उमेदवारांनी नोंद घ्या.
अधिकृत वेबसाइटवर जाण्यासाठी येथे क्लिक करा