मेनोपॉजदरम्यान त्वचेची काळजी घेण्याच्या सोप्या टिप्स

त्वचेची योग्य काळजी घेणे

शरीरात एका विशिष्ट वयानंतर हार्मोनल बदल होत असतात. यामुळे महिलांचा केवळ मूडच बदलत नाही तर त्वचेची गरजही बदलत असते. दरम्यान अशावेळी त्वचेच्या गरजा जर पूर्ण झाल्या नाहीत किंवा त्वचेची योग्य काळजी घेतली गेली नाही तर त्वचेच्या समस्या उद्भवणे साहजिक आहे. पण हे कशामुळे होते तर त्यासाठी हार्मोनल सायकल जाणून घ्यायला हवी. तर हार्मोनल सायकल ही साधारणतः ३ भागांमध्ये विभागली जाते. ते म्हणजे मासिक पाळीच्या आधी, मासिक पाळीदरम्यान आणि मासिक पाळीनंतर. या तिन्ही हार्मोनल सायकलच्या वेळी तुम्हाला तुमच्या त्वचेची काळजी घ्यायला हवी. आता आधी आपण मासिक पाळीच्या आधीच्या कालावधीबाबत जाणून घेऊया.

मासिक पाळी येण्यापूर्वीचा कालावधी

मासिक पाळी येण्याच्या सात दिवसाआधीच्या कालावधीला प्री मेन्स्ट्रूअल पिरियड असे संबोधले जाते. या सात दिवसांमध्ये तुमच्या शरीरात अॅस्ट्रोजनचा स्तर कमी आणि प्रोजेस्टेरॉनचा स्तर हा वाढत असतो. यामुळेच तुमची त्वचा या कालावधीदरम्यान अत्यंत संवेदनशील असते. मासिक पाळी येण्यापूर्वीच्या कालावधीमध्ये त्यामुळेच चेहऱ्यावर पुळ्या येणे अथवा चेहरा सुजणे अशा गोष्टीला अनेक महिलांना सामोरे जावे लागते.

मासिक पाळी येण्यापूर्वीच्या कालावधीत त्वचेची काळजी कशी घ्यावी

फेसवॉश कसा वापरावा

त्वचेच्या सुरक्षेसाठी सॅलिसिलिक अॅसिडयुक्त फेसवॉशचा वापर तुम्ही या दिवसांमध्ये करावा. याच्या वापरामुळे त्वचेवरील ओपन पोर्स हे बंद होतात आणि त्यामुळे चेहऱ्यावर येणाऱ्या मुरूमांचा त्रासही होत नाही. प्रत्येक मुलीला वा महिलेला आपल्या मासिक पाळीच्या तारखेचा अंदाज हा आधीच्या महिन्याच्या तारखेवनुसार असतोच. तुम्हाला जर रोज फेसवॉश वापरायचे नसेल तर तुम्ही त्या कालावधीच्या आसपास वापरून त्वचेची काळजी घ्यावी.

मॉईस्चराईजर कसे लावावे

तुम्ही जे मॉईस्चराईजर नियमित वापरता त्यापेक्षा ऑईल फ्री आणि जेल बेस्ड मॉईस्चराईजरचा वापर तुम्ही या कालावधीत करावा. यामुळे तुमची त्वचा अधिक मॉईस्चराईज होते आणि चेहऱ्याची काळजी घेण्यासाठी उपयुक्त ठरते. तसंच चेहऱ्यावर येणाऱ्या मुरूमांना रोखण्यासाठीही याचा उपयोग होतो.

मासिक पाळी आलेला कालावधी

मासिक पाळी सुरू असलेल्या कालावधीदरम्यान अॅस्ट्रोजन आणि प्रोजेस्टेरॉन या दोन्हीची पातळी घटते. त्यामुळे चेहऱ्यावर पुळ्या येण्याची समस्या बऱ्यापैकी कमी झालेली असते. पण यामुळे महिलांच्या चेहऱ्यावर मात्र निस्तेजपणा दिसून येतो. तसंच शरीरातील पाण्याच्या कमतरतेमुळे त्वचा अधिक कोरडी आणि निस्तेज दिसून येते.

मासिक पाळी सुरू असणाऱ्या कालावधीत घ्यायची काळजी

फेसवॉश

त्वचेच्या सुरक्षेसाठी पीएच बॅलेन्स असणाऱ्या फेसवॉशचा वापर तुम्हाला करता येईल. मासिक पाळी सुरू असताना चेहऱ्याची काळजी घेण्यासाठी तुम्ही अशा स्वरूपाचा फेसवॉश वापरा. इतकंच नाही तर फेसवॉशऐवजी क्लिंन्झिंग लोशनचादेखील तुम्ही वापर करू शकता.

मॉईस्चराईजर

मासिक पाळी सुरू असताना महिलांची त्वचा अत्यंत कोरडी पडते. अशावेळी तुम्ही कधीही मॉईस्चराईजरकरडे दुर्लक्ष करू नये कारण याचा त्वचेवर अधिक वाईट परिणाम होतो. मासिक पाळी चालू असताना नियमित त्वचा मॉईस्चराईज करावी. त्यामुळे त्वचा अधिक मुलायम, तजेलदार आणि त्याशिवाय तुकतुकीत राहू शकते.

मासिक पाळीनंतरचा कालावधी

मासिक पाळी येऊन गेल्यानंतरच्या कालावधीला पोस्ट मेन्स्ट्रूअल पिरियड म्हणतात. या कालावधीदरम्यान अॅस्ट्रोजन आणि प्रोजेस्टेरॉन दोन्हीची पातळी संतुलित झालेली असते. याच कारणामुळे त्वचा पुन्हा पूर्ववत होते. त्यामुळे वेगळं असं काहीही करण्याची गरज भासत नाही. पण तुम्ही त्वचेचे ठरलेले रूटीन दुर्लक्षित न करता आपल्या त्वचेची काळजी घ्या.

मासिक पाळीनंतरच्या कालावधीत घेण्याची योग्य काळजी

फेसवॉश

रोज दिवसातून साधारण दोन ते तीन वेळा चांगल्या फेसवॉशने तुमचा चेहरा स्वच्छ धुवा. यामुळे त्वचा स्वच्छ आणि तजेलदार राहण्यास मदत मिळते.

मॉईस्चराईजर

तर तुमचा चेहरा धुतल्यानंतर त्वरीत तुम्ही तुमच्या चेहऱ्यावर मॉईस्चराईजर लावा. त्यानंतर हलक्या हाताने चेहऱ्यावर मालिश करा. मॉईस्चराईजर लावल्याने त्वचा अत्यंत कोमल, मुलायम राहण्यास मदत मिळते.

मेकअप रिमूव्हर

सर्वात महत्त्वाचे म्हणजे मेकअप काढणे. रात्री झोपताना चेहऱ्यावर कधीही मेकअप ठेऊ नका. तर मेकअप काढण्यासाठी मेकअप रिमूव्हल लोशनचा योग्य वापर करावा.

मासिक पाळीदरम्यान वापरायच्या स्मार्ट टिप्स

मासिक पाळीदरम्यान जेव्हा तुम्ही त्वचेची काळजी घेण्याचा ठरवता तेव्हा तुम्हाला खाण्याबाबतही दक्षता घ्यावी लागते. त्यामुळे मासिक पाळीच्या दिवसात डेअरी उत्पादने जसे दूध, दही, तूप, पनीर असे पदार्थ खाणे टाळा. कारण असे पदार्थ खाल्ल्यास चेहऱ्यावर मुरूमं वाढण्याची शक्यता असते

• आठवडाभर चॉकलेट्स खाऊ नका. मासिक पाळीदरम्यान चॉकलेट्स हे सौंदर्याचे शत्रू अधिक होतात असं म्हटलं जातं
• मासिक पाळीदरम्यान जंक फूड, मसालेदार पदार्थ अथवा तळलेले पदार्थ यापासून सहसा दूर राहा. याच्या सेवनामुळे तुम्हाला मुरूमांचा अधिक त्रास होतो

(फोटो क्रेडिटः Pexels, Canva)