‘मै हूं दिवाना’ सिद्धार्थ जाधवने स्वतःलाच असं का म्हटलं? VIDEO ची होतेय चर्चा

मुंबई, 8 ऑक्टोबर : सर्वांचा लाडका ‘आपला सिद्धू’ म्हणजेच अभिनेता सिद्धार्थ जाधव कायमच चर्चेच्या केंद्रस्थानी असतो. तो निरनिराळ्या कारणांवरुन चर्चेचा विषय ठरत असतो. सोशल मीडियाच्या माध्यमातून चाहत्यांशी कनेक्ट असतो. त्याच्या कामाविषयी अपडेटही शेअर करतो. नुकताच सिद्धार्धनं सोशल मीडियावर एक व्हिडीओ शेअर केला आहे. यामध्ये तो मस्त रिलॅक्स मुडमध्ये दिसत आहे.

सिद्धार्थनं त्याच्या अधिकृत इन्स्टाग्रामवर नुकताच एक व्हिडीओ शेअर केला आहे. यामध्ये तो ‘मै हूं दिवाना’ हे गाणं बोलताना दिसत आहे. सिद्धार्थ हे गाणं गाडीत बसून गाताना दिसतोय. तो गात असलेलं हे गाणं खिलाडी चित्रपटातील आहे. त्याच्या या व्हिडीओवर अनेक कमेंट येत आहेत. ‘जबरदस्त लुक, खूप छान, फूल एन्जॉय, कडक’, अशा अनेक कमेंट या व्हिडीओवर येत आहे.

सिद्धार्थ जाधव लवकरच ‘गांधी टॉक्स’ चित्रपटात दिसणार आहे. या चित्रपटामध्ये सिद्धार्थ जाधव विजय सेतूपती, अरविंद स्वामी, आदिती राव हैदरी या कलाकारांसोबत काम करणार आहे. त्याच्या आनंदाच्या बातमीने त्याचे चाहते खूप खूश आहेत. तामिळ, तेलगू, कन्नड, हिंदी आणि मल्याळम व्यतिरिक्त मराठी भाषेतही तो प्रदर्शित होणार आहे. या चित्रपटाच्या प्रदर्शनाची तारीख अद्याप जाहीर करण्यात आलेली नाही.

दरम्यान, सिद्धार्थ जाधव एक उत्तम अभिनेता असून त्यानं मराठी आणि हिंदी दोन्ही चित्रपटांत काम केलं आहे. दोन्ही ठिकाणी त्यानं आपल्या अभिनयानं चाहत्यांचं मन जिंकलं आहे. सिद्धार्थनं त्याच्या हटके शैलीनं एक वेगळा असा चाहता वर्ग निर्माण केला आहे.