वैभवनं आगामी सिनेमातील एक झलक केली शेअर , VIDEO पोस्ट करत म्हणाला….

मुंबई, 1 ऑगस्ट : मराठी आणि हिंदी चित्रपटांमध्ये आपल्या दमदार अभिनयानं प्रेक्षकांच्या मनावर छाप सोडणारा अभिनेता म्हणजे वैभव तत्त्ववादी (Vaibhav Tatwawadi). वैभव हा सोशल मीडियावर बराच सक्रिय असतो. तो चाहत्यांसोबत अनेक फोटो आणि व्हिडीओ शेअर करत असतो. वैभव हा मराठी चित्रपटातील लोकप्रिय कलाकार तर आहेच, पण बॉलिवूडमध्येही तो चांगलाच पसंतीचा चेहरा आहे. अशातच कायम चर्चेत असणारा वैभव आता पुन्हा एकदा चर्चेत आला आहे. वैभवनं त्याच्या इन्स्टाग्राम अकाउंटवर एक व्हिडीओ शेअर केला आहे. हा व्हिडीओ सध्या चर्चेचा विषय ठरत आहे.

वैभव तत्त्ववादीनं त्याच्या अधिकृत इन्स्टाग्राम अकाउंटवरुन एक व्हिडीओ शेअर केलाय. हा व्हिडीओ एक BTS व्हिडीओ असून त्याच्या आगामी चित्रपटाचा शेवटचा डबिंग सीन आहे. वैभवचा हा व्हिडीओ सध्या सोशल मीडियावर अनेकांचं लक्ष वेधून घेत आहे. त्याचे चाहते त्याच्या आगामी प्रोजेक्टसाठी उत्सुक असल्याचंही पहायला मिळतंय.

हेही वाचा –  ‘सुख म्हणजे काय असतं’ फेम शालिनीचं साडीत खुललं सौंदर्य, पाहा माधवी निमकरचा मनमोहक अंदाज

वैभव हा सोशल मीडियावर नेहमीच व्यक्त होत असतो. वेगवेगळ्या मुद्द्यांवरुन तो भाष्य करताना दिसतो. मराठी मनोरंजनसृष्टीतील चॉकलेट हिरो अशी ओळख असलेल्या अभिनेता वैभव तत्ववादीचा चाहतावर्ग मोठा आहे. वेगवेगळ्या धाटणीच्या भूमिका साकारताना आपण त्याला पाहिलं आहे. त्याच्या अभिनयानं तो नेहमीच चाहत्यांची मनं जिंकत असतो.

दरम्यान, अभिनयाव्यतिरीक्त तो फिटनेस फ्रीकही आहे. तो फिटनेसकडे विशेष लक्ष देतो. त्याच्या जबरदस्त पिळदार बॉडिविषयी अनेकजण नेहमीच विचारत असतात. तोही सोशल मीडियावर चाहत्यांना याविषयी सांगतो.

Published by:Sayali Zarad

First published: August 01, 2022, 09:03 IST