शाहरुख खान शिकणार आहे चिकन ६५ ची रेसिपी,अभिनेत्यानं सांगितल्या ‘जवान’च्या सेटवरच्या गमती

मुंबई : शाहरुख खान सध्या जवान सिनेमात पूर्ण डुबून गेला आहे. २०२३ मध्ये हा सिनेमा प्रदर्शित होणार आहे. तो खूप उत्साहात आहे. सतत या सिनेमाबद्दल अपडेट्स देत असतो. नुकतंच त्यानं ट्वीट करून सेटवर कलाकारांबरोबर झालेल्या बाँडिंगबद्दल सांगितलं. सिनेमाच्या सेटवर साऊथ सुपरस्टार रजनीकांतही आले होते.

आपल्या ट्वीटमध्ये शाहरुखने सिनेमाच्या संबंधित गमती जमती सांगितल्या आहेत. शाहरुखनं लिहिलं आहे, ‘आरसीई टीमबरोबर ३० दिवसांचा ब्लास्ट. थलाइवा (Thalaiva) आमच्या सेटवर आले. नयनताराबरोबर सेटवर सिनेमा पाहिला. अनिरुद्धबरोबर पार्टी केली. विजय सेतुपती आणि थलपती विजय यांच्या बरोबर गंभीर चर्चा झाली. विजयनं मला स्वादिष्ट जेवण खिलवलं. दिग्दर्शक एटली आणि प्रियानं माझं आदरातिथ्य केलं. मला आता चिकन ६५ रेसिपी शिकायला लागेल.’

बिग बॉस १६ मधून साजिदला बाहेर काढा, नेटकऱ्यांनी सलमान खानच्या शोवर ओढले ताशेरे

तामिळ दिग्दर्शक एटली दिग्दर्शित या चित्रपटात शाहरुखसोबत दीपिका पादुकोण, नयनतारा, सान्या मल्होत्रा, राणा दग्गुबाती आणि सुनील ग्रोव्हर महत्त्वाच्या भूमिकेत दिसणार आहेतच. पण आता चित्रपटात राणाची जागा विजय सेतुपतीने घेतली आहे. रिपोर्टनुसार असेही सांगितले जात आहे की ‘जवान’ च्या निर्मात्यांनी सुरुवातीला ‘बाहुबली’ फेम राणाशी संपर्क साधला होता. मात्र तारखांअभावी तो या प्रोजेक्टचा भाग होऊ शकला नाही.

या सिनेमात बॉलिवूड आणि दाक्षिणात्य कलाकारांच्या उपस्थितीमुळे या सिनेमाची चांगलीच चर्चा रंगली. अशा परिस्थितीत या चित्रपटात खलनायकाच्या भूमिकेत विजयची एण्ट्री झाल्याने चित्रपटाची उत्सुकता वाढली आहे. विजय सेतुपती नुकताच कमल हासन यांच्या ‘विक्रम’ चित्रपटात दिसला होता.

इथे एकट्यानं यावं, शांत व्हावं आणि निघून जावं; हेमांगी कवी नक्की आलीय कुठे?

‘जवान’ हा सिनेमा रेड चिली प्रॉडक्शन हाऊसच्या बॅनरखाली तयार होत असून, तो पॅन इंडिया स्तरावर प्रदर्शित होणार आहे. या चित्रपटाची निर्माती गौरी खान आहे. ३० वर्षांच्या कारकिर्दीतील शाहरुखचा हा पहिलाच चित्रपट आहे जो संपूर्ण भारतात प्रदर्शित होणार आहे. चित्रपटातील अभिनेत्याचा लूक खूपच वेगळा आहे. हा चित्रपट २ जून २०२३ रोजी प्रदर्शित होणार आहे. ‘जवान’सोबतच शाहरुख ‘पठाण’ चित्रपटातही व्यग्र आहे. या चित्रपटात त्याच्यासोबत दीपिका पदुकोण आणि जॉन अब्राहम मुख्य भूमिकेत आहेत.