सचिन तेंडूलकर व अंजलीची लवस्टोरी ऐकून भारावून जाल

सचिन तेंडूलकर (sachin Tendulkar) अर्थात क्रिकेटचा देव याच्या आयुष्याबद्दल अशी कोणती गोष्ट नाही जी लोकांना माहित नसेल. खास करून त्याच्या क्रिकेट कारकिर्दीचे आकडे तर कित्येकांना तोंडपाठ आहेत. काही सामने तर तो स्वत: विसरला असेल पण त्याच्या कट्टर चाहत्यांना मात्र त्याचा प्रत्येक सामना न् सामना माहित आहे. पण सचिन तेंडूलकर आपल्या वैयक्तिक आयुष्याबद्दल फार कमी व्यक्त होत आला आहे. तुम्हाला ऐकून आश्चर्य वाटेल पण सचिनचा आपल्या पत्नीवर अर्थात अंजली तेंडूलकरवर (Anjali Tendulkar) खूप जास्त जीव आहे.

अर्थात शेवटी दोघांनी प्रेम विवाह केला, त्यामुळेच तर दोघांचे नाते एवढे घट्ट आहे आणि आज सुद्धा बहारदार आहे. पण नेमकी काय आहे त्यांची लव्हस्टोरी, कशी झाली त्यांची भेट, चला हीच गोड आणि भन्नाट लव्हस्टोरी आज जाणून घेऊया. तुम्ही क्रिकेटचे चाहते असाल तर ही कहाणी म्हणजे तुमच्यासाठी पर्वणीच असेल..!

पहिल्यांदा एयरपोर्टवर पाहिले

तर मंडळी, अंजली आणि सचिन यांची पहिली भेट वा पहिली नजरानजर म्हणा ती झाली होती एयरपोर्टवर आणि ते एयरपोर्ट होते मुंबई एयरपोर्ट! सचिन इंग्लंडची टूर करून परतला होता आणि त्याचवेळी त्याच एयरपोर्टला अंजली तिच्या आईला रिसिव्ह करायला आली होती. अगदी साधी सामान्य घटना पण योगायोगाने दोघांची नजर एकमेकांकडे गेली आणि अंजली सचिनच्या प्रेमातच पडली. जेव्हा तिला कळले की, इंग्लंडविरूद्ध नुकतीच सेंच्युरी फटकावणारा हाच तो भारताचा युवा क्रिकेटर आहे. तेव्हा ती एयरपोर्टवरच त्याच्या मागे पळत गेली हेती. एका मुलीला आपल्यामागे पळताना पाहून सचिन एकदम लाजला. एवढेच नाही तर तो लाजतच कारमध्ये बसला होता.

(वाचा :- पार्टनरच्या झोपण्याच्या स्टाइलवरून ओळखू शकता त्याची पर्सनॅलिटी व स्वभाव, बघा या टेस्टमधून जुळतं का तुमचं नातं.!)

पहिली भेट – पहिली डेट

अंजली सचिनच्या प्रेमात पडली आणि काहीही करून त्याच्याशी संपर्क करायचाच हे तिने ठरवले. प्रेमात पडल्यावर माणसाला आता अजून काय होणार आणि तेच अंजलीच्या बाबतीत झाले. सचिन मात्र या बाबतीत लकी मानायला हवा कारण मुल मुलींच्या मागे सहसा लागतात, पण इथे एक सुंदर मुलगी सचिनच्या मागे लागली होती. अंजलीने मित्रांच्या माध्यमातून सचिनचा फोन नंबर मिळवला आणि तिने सचिनशी संपर्क केला. अंजलीने त्याला एयरपोर्टवरचा प्रसंग आठवण करून दिला आणि सचिनने सुद्धा हसत हसत तो ओरसंग लक्षात असल्याचे सांगितले. इथून सुरु झाला खरा प्रेमाचा प्रवास!

(वाचा :- माझी कहाणी : मी 26 वर्षांची मुलगी आहे व मला लग्न करायचं आहे, पण समाज माझ्या लग्नाला तुच्छ व पाप मानतो कारण…!)

लग्नाची मागणी अंजलीने घातली

सचिन आणि अंजलीच्या प्रेमळ गोष्टीत प्रत्येक पुढाकार हा अंजलीनेच घेतला, कारण सचिनचा स्वभावच लाजाळू होता. तो फारसा बोलत नसे. क्रिकेट हेच त्याचे पहिले प्रेम होते. पण अंजलीला त्याच्यावर खरे प्रेम असल्याने ती मात्र बिनधास्त त्याच्यापुढे व्यक्त व्हायची. एकदा सचिन न्यूझिलंड टूरवर होता तेव्हा अंजलीने सचिनच्या कुटुंबीशी लग्नाची बोलनी केली. पण नंतर कळले की हा सगळा प्लॅन सचिनचाच होता.. त्याला घरात हा विषय काढायची भिती वाटत होती. सचिनने एकदा ही गोष्ट कबुल करताना म्हटले की, “अंजलीबरोबर लग्नाच्या विषयावर घरच्यांशी बोलणे म्हणजे जगातील सर्वात वेगवान बॉलरचा सामना करण्यापेक्षाही अवघड गोष्ट होती. यामुळे मी ही जबाबदारी अंजलीवरच टाकली होती.”

(वाचा :- माझी कहाणी : स्विमिंग कोच फ्लर्ट करतो व मलाही ते खूप आवडतं, पण आमच्यामध्ये एक समस्या आहे जी कधीच संपू शकत नाही)

अखेर लग्न झाले

शेवटी घरच्यांनी सुद्धा एकमेकांशी बोलणी केली आणि दोघांच्या लग्नाला होकार दिला. अंजली आणि सचिनच्या वयामध्ये मोठे अंतर होते. अंजली सचिनपेक्षा 6 वर्षांनी मोठी आहे. जेव्हा पहिल्यांदा ती सचिनला भेटली तेव्हा सचिन केवळ 16 वर्षांचा असावा. त्यांचे प्रेम प्रकरण 5 वर्षे सुरु राहिले आणि अखेर सचिनने वयाच्या 22 व्या वर्षी म्हणजेच 1995 साली घरच्यांच्या संमतीने अंजलीशी लग्नगाठ बांधली आणि दोघे आता सुखाने संसार करत आहे.

(वाचा :- या 4 पुरूषांची पत्नी कधीच होत नाही नाराज किंवा चिडचिडी, सपोर्टिव्ह म्हणत करते बाराही महिने प्रेमाचा वर्षाव..!)

काही गोड व गंमतीदार किस्से

अंजली आणि सचिन यांची प्रेमकहाणी हा गोड किस्सा सांगितल्या शिवाय पूर्ण होणारच नाही. सचिन आणि अंजलीची तेव्हा नुकतीच ओळख झाली होती. दोघांमध्ये तेव्हा असे काही घट्ट प्रेम जुळले नव्हते. एकदा सचिनला भेटण्यासाठी अंजलीती स्वत: पत्रकार आहे हे सांगून आली होती. एक तरुण पत्रकार आपल्या घरी आली हे पाहून सचिनच्या घरचे थोडे भांबावलेच. सचिनच्या आईला थोडी शंका आली आणि म्हणून तिने अंजलीला विचारले की, तू खरंच पत्रकार आहेस का? त्यांनी हा प्रश्न विचारला कारण सचिनने अंजली चॉकलेट गिफ्ट दिले ते आईने पाहिले होते. तेव्हाच त्यांना शंका आलीआणि आपला पोरगा प्रेमात पडल्याचे त्यांना कळले होते. शिवाय अजून दुसरा एक किस्सा असा घडला होता की, सचिन प्रसिद्ध व्यक्तिमत्व आणि अंजली एका श्रीमंत बिझनेसमॅनची मुलगी असल्याने त्यांच्यासाठी डेटिंगवर जाणं सुद्धा अजिबात सोपं नव्हतं कारण लोक त्यांना ओळखत असत आणि मग त्यांचा मी टाइम मिळतच नसे. त्यामुळे अनेक गंमतीदार किस्से घडले होते. एकदा सिनेमाला जाताना सचिनने खोटी दाढी आणि गॉगल घातला होता जेणेकरून लोकांनी ओळखू नये पण व्हायचं ते झालंच आणि सचिन-अंजलीला सिमेना अर्धवट सोडून घरी परतावं लागलं होतं.

(वाचा :- माझी कहाणी : माझी पत्नी एक अत्यंत वाईट बाई आहे, मला तिची प्रचंड भिती वाटते, तरीही मी काहीच करू शकत नाही कारण..!)