ऋषभ पंतनंतर आता पाकिस्तानी क्रिकेटपटूच्या प्रेमात उर्वशी? शेअर केलं रोमँटिक रील

मुंबई: बॉलिवूड अभिनेत्री उर्वशी रौतेला सध्या विविध कारणांमुळे सोशल मीडियावर चर्चेत आहे. जवळपास दररोज ती ट्विटरवर ट्रेंडदेखील होत आहे. तिच्यासोबत नाव जोडलं गेलेला क्रिकेटपटू ऋषभ पंतही (Urvashi Rautela and Rishabh Pant) गेल्या काही आठवड्यात त्याच्या खेळीपेक्षा अभिनेत्रीसोबत झालेल्या सोशल मीडिया वॉरमुळे अधिक चर्चेत आला होता. मात्र आता उर्वशीसोबत ऋषभ नव्हे तर एका पाकिस्तानी क्रिकेटरचं नाव ट्रेंड होत आहे. सोशल मीडियावर तर मीम्सचा पाऊस पडतो आहे.

दरम्यान यावेळी चाहत्यांनी या दोघांची नाव एकमेकांशी जोडली नाही आहेत, तर स्वत: उर्वशी या साऱ्याला कारणीभूत आहे. उर्वशीने इन्स्टाग्राम स्टोरीमध्ये या पाकिस्तानी क्रिकेटरसोबतचा एक व्हिडिओ एडिट करून शेअर केला होता, ज्यामुळे ती ट्रोल होते आहे. हा क्रिकेटर दुसरा तिसरा कुणी नसून पाकिस्तानचा तरुण गोलंदाज नसीम शाह (Urvashi Rautela and Naseeem Shah) आहे. अभिनेत्रीने व्हिडिओ शेअर केल्यानंतर तो सोशल मीडियावर व्हायरल होतो आहे, तिला पाकिस्तानातूनही ट्रोल करण्यात येतंय.

हे वाचा-सुष्मिताच्या लेकीचा वाढदिवस, पार्टीमध्ये पोहोचले अभिनेत्रीचे दोन एक्स बॉयफ्रेंड

उर्वशीने तिच्या इन्स्टा स्टोरीमध्ये एक एडिट केलेला व्हिडिओ शेअर केला होता. ज्यामध्ये उर्वशीला स्क्रिनवर पाहून पाकिस्तानी क्रिकेटर नसीम शाह लाजताना दिसत आहे. तर उर्वशीही लाजताना दिसत आहे. अर्थात हा अशाप्रकारे एडिट केलेला व्हिडिओ आहे. उर्वशीच्या इन्स्टाग्राम स्टोरीवरुन हा व्हिडिओ काढून टाकला आहे. मात्र सोशल मीडियावर विविध फॅनपेजच्या माध्यमातून हे रील व्हायरल होत आहे.

उर्वशीने शेअर केलेल्या व्हिडिओनंतर भारतातूनच नव्हे पाकिस्तानातूनही मीम्सचा पाऊस पडला आहे. ऋषभचे चाहते त्याची बाजू मांडणारे मीम्स करत आहेत. कसं उर्वशीने त्याचा प्रेमभंग केला हे सांगणारे मीम्स सोशल मीडियावर शेअर केले जातायंत. बॉलिवूडमधील विविध गाणी वापरुन शेअर केलेले हे मीम्स नक्कीच कमाल आहेत!

हे वाचा-प्रसिद्ध डिझायनर ८ वर्षांचा असताना काकानेच केला रेप; अंगावर हॉट वॅक्सही ओतलं

तर काही मीम्समधून उर्वशीला नसीमपासून दूर राहण्याचा सल्ला दिला जात आहे.

भारतीय मुलींना पाकिस्तानी क्रिकेटरवर क्रश असणं ही नेहमीची गोष्ट आहे, असं सांगणारे मीम्सही शेअर केले जातायंत.

दुबईमध्ये सुरू असणाऱ्या आशिया चषकात होणाऱ्या भारताच्या सलग दोन पराभवासाठीही अनेक युजर्सनी उर्वशीला जबाबदार धरलं आहे. तिच्यामुळे ऋषभ चांगला खेळला नाही अशीही टीका तिच्यावर झाली. दरम्यान भारताचे सलग दोन पराभव पॉइंट टेबलमध्ये मोठा बदल घडवून आणणारे ठरले आहे. भारताला पाकिस्तानपाठोपाठ श्रीलंकेकडून पराभव पत्करावा लागला. दोन्ही संघांनीही भारताने दिलेले लक्ष्य गाठत भारताचा पराभव केला.