मंदिरा बेदीने खेळाडूंबाबत केला मोठा गौप्यस्फोट, म्हणाली ‘ क्रिकेटपटू तर माझ्याकडे….’

नवी दिल्ली : क्रिकेट स्पर्धांचे अँकरिंग करणाऱ्या मंदिरा बेदीने आता एक मोठा गौप्यस्फोट केला आहे. यावेळी मंदिराने क्रिकेटपटूंबाबत आता मोठा खुलासा केला आहे. आपल्याला क्रिकेटपटूंबाबत नेमके कोणते वाईट अनुभव आले, हे तिने यावेळी एका मुलाखतीमध्ये शेअर केले आहे. क्रिकेटपटूंच्या अशा वागण्यांमुळे मला कधी कधी भितीही वाटायची, असेही मंदिराने या मुलाखतीमध्ये म्हटले आहे.

मंदिरा बेदीचं २००३ च्या विश्चषकातील अँकरींग कोणीही विसरू शकणार नाही. दक्षिण आफ्रिकेत झालेल्या या विश्वचषकात मंदिराचा हॉट लूक चांगलाच व्हायरल झाला होता. त्यानंतर महिला अँकरिंग हे क्रिकेटमध्ये सुरु झालं. पण हे काम करत असताना तिला बऱ्याच अडचणींचा सामना करावा लागला. अँकरिंग करत असताना खेळाडूंबरोबर नेमक्या कोणत्या अडचणींचा सामना करावा लागला, याबाबत मंदिराने आपले मत व्यक्त केले आहे.

मंदिराने या मुलाखतीमध्ये सांगितले की, ” जेव्हा मी क्रिकेटपटूंची मुलाखत घ्यायला जायचे तेव्हा ते माझ्या प्रश्नाकडे लक्षच द्यायचे नाहीत, तर ते माझ्याकडे एक टक पाहत बसायचे. त्यांना प्रश्न विचारल्याची आठवण करून द्यावी लागायची. काही खेळाडूंची नजर तर अशी असायची की मला भिती वाटायची. मला एक अँक म्हणून खेळाडूंनी स्विकारले नव्हते. त्याचबरोबर माझ्याबरोबर काम करणाऱ्या काही लोकांकडून मला चांगली वागणूक मिळाली नाही. पण त्यावेळी मला चॅनेलने पाठिंबा दिला. त्यामुळेच मी सातत्याने हे काम काही वर्षे करू शकले. पण माझ्याकडे पाहण्याचा दृष्टीकोन मात्र काही जणांना बदलला नाही.”

मंदिराने २००३ आणि २००७ झाली झालेल्या क्रिकेट विश्वचषकात अँकरिंग केले होते. त्याचबरोबर २००४ आणि २००६ मध्ये झालेल्या चॅम्पियन्स ट्रॉफीमध्येही ती सर्वांना पाहायला मिळाली होती. आयपीएलच्या काही हंगामातही तिने अँकरिंग केले होते. क्रिकेटमध्ये महिला अँकरिंग जे मोठ्या प्रमाणात वाढले, याचे श्रेय बऱ्याच जणांनी मंदिराला दिले आहे. पण मंदिराला हे अँकरिंग करताना नेमका कोणता त्रास झाला, याचा खुलासाही तिने यावेळी केला आहे.