राजू श्रीवास्तव यांना मिळाली होती दाऊद इब्राहिमकडून धमकी, या घटना कोणाला माहीत नसतील

नवी दिल्ली : प्रसिद्ध स्टँड-अप कॉमेडियन राजू श्रीवास्तव यांचं आज २१ सप्टेंबर रोजी निधन झालं. ते ५८ वर्षांचे होते. नवी दिल्लीतील एम्स इस्पितळात गेल्या ४० दिवसांपासून मृत्यूशी झुंज देत होते. परंतु त्यांची ही झुंज अपयशी ठरली आणि बुधवारी सकाळी १० वाजून २० मिनिटांनी त्यांनी अखेरचा श्वास घेतला. राजू यांनी त्यांच्या आयुष्यात खूप संघर्षाचा काळ पाहिला. त्यांच्या आयुष्यातील अशा काही घटना आहेत, त्याबद्दल त्यांच्या चाहत्यांना माहिती नाही. त्या घटनांबद्दल आज जाणून घेऊया.

राजू श्रीवास्तवांचा मृत्यू कसा झाला, सगळं ठीक होताना अचानक काय झालं?

दाऊद इब्राहिमनं राजू यांनी दिली होती धमकी

राजू श्रीवास्तव (Raju Shrivastav) हे मस्तमौला आणि बिन्धास्त असे कॉमेडियन होते. त्यांनी अनेक राजकीय नेत्यांची, सिने कलाकारांची नक्कल करत त्यांची मस्करी केली होती. इतकंच नाही तर त्यांनी पाकिस्तानच्या पंतप्रधानांचीही नक्कल केली होती. राजू यांनी अनेक गंभीर मुद्द्यांवर विनोदाच्या माध्यमातून टीका केली होती. त्यांच्या अशा या बोचऱ्या विनोदामुळे अनेक राजकारणी नेते मंडळींची झोपही उडायची. त्यावरून राजू यांना अनेकदा धमक्या मिळायच्या. राजू यांनी अशीच एकदा अंडरवर्ल्ड डॉन दाऊद इब्राहिमची (Dawood Ibrahim) खिल्ली उडवत त्याची टिंगल केली होती. त्याचा परिणाम अभिनेत्याला भोगावा लागला होता. याबद्दल खुद्द राजू यांनी एका मुलाखतीमध्ये सांगितला होता.

कोमात गेल्यावर काय होतं, काहीसे असे होते राजू यांचे शेवटचे दिवस

त्यांनी सांगितलं की, ‘२०१० मध्ये राजू श्रीवास्तव यांनी दाऊद इब्राहिमची मस्करी केली होती. त्यांचा हा व्हिडिओ सोशल मीडियावर खूपच व्हायरल झाला होता. तोच व्हिडिओ पाकिस्तानातही व्हायरल झाला. तेव्हा पाकिस्तानमधून राजू यांना जीवे मारण्याच्या धमक्या येत होत्या. दाऊदच्या हस्तकांनी राजू यांना व्हॉट्सअप कॉल करत जीवे मारण्याची धमकी दिली होती. इतकंच नाही तर दाऊद, छोटा शकील आणि पाकिस्तानचे पंतप्रधान इम्रान खान यांची मस्करी करणं सोडून द्या नाही तर त्याचे परिणाम तुम्हाला आणि तुमच्या कुटुंबाला भोगावे लागतील. त्यानंतर आम्ही पोलिसांकडे तक्रार दाखल केली आणि पोलीस सुरक्षा देण्यात आली होती.’

१२ वर्षांनंतर राजू श्रीवास्तव यांना मिळालं होतं खरं प्रेम, शिखासाठी करावा लागला संघर्ष

राजू यांची एकूण संपत्ती

राजू यांची एकूण संपत्ती १५ ते २० कोटींच्या दरम्यान आहे. स्टेज शो, जाहिराती आणि अभिनयामधून त्यांनी ही संपत्ती कमावली. मिळालेल्या माहितीनुसार ते लाइव्ह परफॉर्मन्ससाठी ५ लाख रुपयांपर्यंतचे मानधन आकारत होते. राजू यांच्याकडे Audi Q7 आणि BMW ३ सारख्या लक्झरी गाड्याही आहेत. राजू यांच्या ऑडी ची किंमत ८२ लाख रुपये आणि बीएमडब्ल्यूची किंमत सुमारे ४७ लाख रुपये आहे.

राजू श्रीवास्तव यांच्याबद्दलच्या खास गोष्टी…

• राजू श्रीवास्तव हे मूळचे उत्तर प्रदेश इथल्या कानपूरचे आहेत. त्याचं खरं नाव सत्य प्रकाश श्रीवास्तव असं होतं.
• राजू यांचे वडील रमेश चंद्र श्रीवास्तव हे कवी होते. ते बलई काका या नावानं ओळखले जायचे.
• राजू श्रीवास्तव लहानपणापासून उत्तम मिमिक्री करायचे. त्यांनी लहान असतानाच कॉमेडियन होण्याचं नक्की केलं होतं. राजू यांना कॉमेडीबरोबर अभिनयाची देखील आवड होती.
• राजू यांनी अनिल कपूर आणि माधुरी दिक्षीत यांच्या तेजाब सिनेमातून सिनेविश्वात पदार्पण केलं होतं.
• उत्तम विनोदाची जाण आणि विनोदाचं अचूक टायमिंग यामुळे राजू हे देशातील सर्वाधिक कमाई करणारे कॉमेडियन झाले.
• शेखर सुमन यांच्या देख भाई देख या टीव्ही मालिकेत राजू यांनी पाहुण्या कलाकाराची भूमिका केली होती.
• राजू यांनी काही लोकप्रिय सिनेमांत काम केलं होतं. त्यात बाजीगार, मैंने प्यार किया, मैं प्रेम की दीवना हूं या सिनेमांचा समावेश आहे.
• २०१३ मध्ये राजू यांनी डान्स रिअॅलिटी शो नच बलिये ६ मध्ये सहभाग घेतला होता.