सार्वजनिक ठिकाणी पत्नीला काढायला लावली पँटची चैन; खिलाडी कुमारच्या वादांची न संपणारी मालिका!

मुंबई: अभिनेता अक्षय कुमार आज ५५ वा वाढदिवस साजरा करत आहे. गेल्या ३० वर्षांहून अधिक काळ अक्षय बॉलिवूड इंडस्ट्रीमध्ये काम करतो आहे. या काळात अनेकदा त्याने अनेक वादग्रस्त घटनांचा (Akshay Kumar Controversies) सामना केला आहे. त्याचे कॅनडाचे नागरिकत्तव असो किंवा सार्वजनिक ठिकाणी पँट अनझीप करण्याचे प्रकरण असो, अक्षय अनेकदा वादात सापडला आहे. या वादग्रस्त प्रकरणांमुळे खिलाडी कुमारचे चाहते नक्कीच आश्चर्यचकित झाले आहेत.

कॉमेडियनने केले होते गंभीर आरोप

कॉमेडियन मल्लिका दुआने सोशल मीडियावर अभिनेत्यावर गंभीर आरोप केले होते. त्याने तिच्यासह गैरवर्तन केल्याचा आरोप मल्लिकाने केला होता. अक्षयने द ग्रेट इंडियन लाफ्टर चॅलेंज या शोमध्ये तिच्यावर आक्षेपार्ह अशी टिप्पणी केली होती. यावेळीही त्याच्या पत्नीने सारवासारव करत कॉन्ट्रोव्हर्सीवर पडदा घालण्याचा प्रयत्न केला होता.

सार्वजनिक ठिकाणी पँटची चैन काढण्याचा प्रकार

अक्षय कुमार एका रँम्पवॉकमध्ये सहभागी झाला होता. त्यावेळी तो त्याच्या रँपवॉकदरम्यान त्याची पत्नी अभिनेत्री ट्विंकल खन्नाकडे गेला आणि लाइव्ह ऑडियन्ससमोर त्याने तिला त्याच्या पँटची झीप काढायला लावली. अक्षय कुमारचे हे कृत्य अश्लील असल्याचा आरोप त्याच्यावर करण्यात आला होता.

पान मसालाची जाहिरात

अजय देवगण आणि शाहरुख खान यांच्यासोबत पान मसाला जाहिरात करणंही अक्षयला महागात पडलं होतं. एकीकडे देशभक्तीपर सिनेमे करणाऱ्या या हिरोला त्यामुळे ट्रोलिंगचा सामना करावा लागला. परिणामी अक्षयने चाहत्यांची जाहीर माफी मागितली आणि तंबाखूचे प्रमोशन न करण्याचं आश्वासनही दिलं होतं.

कपिल शर्मानेही केलं ट्रोल

अक्षय कुमारने आतापर्यंत अनेकदा ‘द कपिल शर्मा शो’मध्ये हजेरी लावली आहे. बऱ्याचदा असं होतं की सर्वांची खिल्ली उडवणारा कपिल अक्षयच्या कचाट्यात सापडला आहे. मात्र एक वेळ अशी आली होती, जेव्हा कपिलने अक्षयला ट्रोल केलेले. पंतप्रधान नरेंद्र मोदी यांच्या त्या प्रसिद्ध मुलाखतीमध्ये त्यांना काही बालिश प्रश्न विचारल्याची टीका अक्षय कुमारवर आजही होते. कपिलनेही त्याच मुद्द्याला हात घालत अक्षयला ट्रोल केले होते. नेहमी हजरजबाबी असणााऱ्या अक्षयला कपिलच्या त्या प्रश्वाचे उत्तर देणं कठीण झालं होतं.

‘कॅनडा कुमार’ म्हणून होतो ट्रोल

सोशल मीडियावर अनेकदा अक्षयका कॅनडा कुमार म्हणून संबोधलं जातं. याचं कारण त्याच्याकडे कॅनडाचा पासपोर्ट आहे. त्याने कॅनडियन नागरिकत्त्वाची बाब कधी लपवली किंवा नाकारली नाही आहे, तरीही अभिनेत्याला ट्रोल केले जाते.

रेखासोबत केला इंटिमेट सीन

खिलाडियों का खिलाडी सिनेमाने ज्येष्ठ अभिनेत्री रेखा यांच्यासह इंटिमेट सीन करणाऱ्या अक्षयला मोठ्या प्रमाणात टीका सहन करावी लागली होती.

विविध चित्रपट वादाच्या भोवऱ्यात

अलीकडेच प्रदर्शित झालेला रक्षाबंधन असो किंवा त्याआधी आलेला सम्राट पृथ्वीराज, अक्षयचे दोन्ही चित्रपट आपटले आहेत. अक्षयची जुनी वक्तव्य उकरून काढत ट्रोल आर्मीने त्याचे सिनेमे बॉयकॉट करण्याचा ट्रेंड सोशल मीडियावर चालवला होता.