PM Modi Education: पंतप्रधान नरेंद्र मोदी किती शिकले? जाणून घ्या

PM Narendra Modi Education: पंतप्रधान नरेंद्र मोदी यांचा जन्म १७ सप्टेंबर १९५० रोजी भारताच्या स्वातंत्र्यानंतर तीन वर्षांनी, गुजरातच्या मेहसाणा जिल्ह्यातील वडनगर या छोट्या गावात झाला. नरेंद्र मोदींच्या वडिलांचे नाव दामोदरदास मोदी आणि आई हिराबा मोदी अजूनही वडनगरमध्ये राहतात. पंतप्रधान नरेंद्र मोदी हे देशासोबत जगातील प्रभावी नेत्यांपैकी एक आहेत.
पंतप्रधान नरेंद्र मोदी यांनी गुजरातच्या वडनगरमध्येही चहा विकला असे सांगितले जाते. मग त्यांनी शालेय शिक्षण कुठून पूर्ण केले? पीएम मोदींनी किती अभ्यास केला? याबद्दल जाणून घेऊया.

पंतप्रधान मोदी हे उच्चशिक्षित आहेत. लोकसभा निवडणुकीदरम्यान त्यांनी दिलेल्या प्रतिज्ञापत्रानुसार नरेंद्र दामोदरदास मोदी यांनी १९८३ मध्ये राज्यशास्त्रात प्रथम श्रेणीत एमए उत्तीर्ण केले होते.

पंतप्रधान नरेंद्र मोदींना किती मिळतो पगार? काय असतात सुविधा? सर्वकाही जाणून घ्या
गुजरात विद्यापीठात उपलब्ध माहितीनुसार, पंतप्रधान नरेंद्र मोदी यांनी १९८३ मध्ये राज्यशास्त्रात पदव्युत्तर पदवीधर होते. या दोन वर्षांच्या अभ्यासक्रमात पीएम मोदींना युरोपीयन राजकारण, भारतीय राजकारण विश्लेषण आणि राजकारणाचे मानसशास्त्र असे विषय होते.

गुजरात विद्यापीठाने दिलेल्या माहितीनुसार, पीएम मोदींना एमए प्रथम वर्षात ४०० पैकी २३७ गुण मिळाले आहेत. दुसऱ्या वर्षी त्याला ४०० पैकी २६२ गुण मिळाले. पीएम मोदींना दोन्ही वर्षांचे गुण एकत्र करून ८०० पैकी एकूण ४९९ गुण मिळाले आहेत.

Ajit Pawar Education: भल्याभल्या राजकारण्यांची ‘शाळा’ घेणारे अजित पवार कितवी शिकले माहितेय का?
निवडणूक प्रतिज्ञापत्रानुसार, पीएम मोदींनी १९७८ मध्ये दिल्ली विद्यापीठातून बीएची पदवी घेतली होती.

पंतप्रधान नरेंद्र मोदी यांचे बालपण गरिबीत गेले आणि त्याचा परिणाम त्यांच्या जीवनावर झाला. लहानपणी नरेंद्र मोदींनी त्यांचा अभ्यास, खेळ आणि कौटुंबिक गरजांसाठी चहाच्या दुकानात काम केले. त्यांच्यासोबत शाळेत शिकलेल्या वर्गमित्रांना अजूनही नरेंद्र मोदी हे एक मेहनती विद्यार्थी म्हणून आठवतात आणि ते सांगतात की त्यांच्यात वादविवाद करण्याची अद्भुत क्षमता तेव्हापासूनच होती. शाळेच्या वाचनालयात बसून ते तासनतास अभ्यास करायचे. खेळात त्यांना पोहण्याची खूप आवड होती. नरेंद्र मोदींची मैत्री सर्व समाजातील मुलांशी होती. लहानपणी ते हिंदू आणि मुस्लिम सण साजरे करायचे आणि आजूबाजूला त्यांचे अनेक मुस्लिम मित्र होते. नरेंद्र मोदी हे त्यांच्या पालकांच्या ६ मुलांपैकी तिसरे आहेत. वडनगर या छोट्याशा शहराची मुळेही इतिहासात खोलवर आहेत आणि या वडनगरचे सुपुत्र नरेंद्र मोदी यांनी देशात प्रथमच सलग दोनदा पूर्ण बहुमताच्या सरकारचे नेतृत्व करून इतिहास रचला.

राष्ट्रपती, उपराष्ट्रपती आणि पंतप्रधान यांना किती पगार मिळतो? जाणून घ्या…