‘परी म्हणू की सुंदरा’ प्रियाचे परफेक्ट साडी लुक्स, पारंपरिक आणि मॉडर्न तडका

​गडद रंगाची बनारसी साडी​

चॉकलेटी रंगाची बनारसी साडी ही एखाद्या शालूचा फील देते. प्रियाने नेसलेली ही साडी अत्यंत आकर्षक आणि क्लासी दिसत असून एखाद्या पार्टीसाठी उत्तम ठरू शकते. यासह क्रिम ब्लाऊज मॅच करण्यात आला आहे आणि प्रियाने केलेला नॅचरल मेकअप सौंदर्यात भर घालत आहे.

​साधेपणातले सौंदर्य​

क्रिम रंगाची साडी आणि त्यावर गुलाबी रंगाचा डिझाईनर ब्लाऊज हा साडीचा लुक एखाद्या कार्यक्रमाला अथवा घरगुती पार्टीसाठी उत्तम ठरू शकतो. यासह प्रियाने नाजूक नेकलेस घालून प्रियाने लुक पूर्ण केला आहे. तर केवळ लिपस्टिक, काजळ आणि आयलायनरने अत्यंत साधा लुक करून साधेपणातही सौंदर्य खुलून येते याचा प्रत्यय दिला आहे.

(वाचा – या मराठी अभिनेत्याची बायको आहे अत्यंत स्टायलिश, हिंदी मालिकांमध्ये गाजवतेय नाव)

​ब्लॅक शिमरी साडी​

​प्रियाची ही साडी पाहून उफ..इतकाच शब्द काफी आहे म्हणावा लागेल. ट्रान्सपरंट अशी ही ब्लॅक शिमरी साडी पार्टीसाठी परफेक्ट आहे. यासह स्ट्रेप्स टाईप शिमरी ब्लॅक ब्लाऊज मॅच केला असून मॅट मेकअपचा आधार प्रियाने घेतला आहे. यासह ऑक्सिडाईज्ड नेकलेस अत्यंत सुंदर दिसत असून प्रियाच्या साडीचा लुक पूर्ण करत आहे.

(वाचा – स्पार्कलिंग बॅकलेस पिंक ड्रेसमध्ये नववधू कियाराचा ग्लॅमरस अवतार, सिद्धार्थ म्हणतोय गुलाबी रंगात मलाही रंगू दे)

​लाल कॉटन साडी​

निळा, हिरवा आणि गोल्डन बॉर्डर असणारी ही लाल कॉटनची साडी अत्यंत सुंदर असून कम्फर्टेबल असल्याचे दिसून येत आहे. यासह तुम्ही हिरव्या वा निळ्या रंगाचा ब्लाऊज मॅचिंग करू शकता. मोकळे केस आणि मोठे कानातले असा लुक प्रियाने केला आहे. तुम्हाला हवं तर ब्लाऊजची डीपनेक फॅशनही या साडीवर सुंदर दिसेल.

(वाचा – विदुलाच्या निरागस सौंदर्यात ‘जीव झाला येडापिसा’, बिनधास्त लुकने करतेय घायाळ)

​प्रिंटेड कॉटन साडी ​

लाईट ब्लू रंगाची साडी आणि त्यावर प्रिंटेड फुलं दिसायला अत्यंत अप्रतिम दिसतात. अशा साड्यांचा सध्या ट्रेंड आहे. इंडिगो साडी म्हणूनही या प्रसिद्ध आहेत. क्लासी आणि एलिगंट लुकसाठी तुम्ही या साड्यांची निवड नक्कीच करू शकता. प्रियाची ही साडी अत्यंत आकर्षक आणि कम्फर्टेबल असून यासह ऑक्सिडाईज्ड दागिने मॅच करता येतील.

ब्लॅक प्रिंटेड साडी

कॉटनच्या साड्यांना असणारा एलिगंट लुक हा कोणत्याच साड्यांना येत नाही. अंगाला परफेक्ट बसणाऱ्या या साड्या ऑफिस, कार्यक्रम अथवा पार्टी सगळ्याच ठिकाणी योग्य ठरतात. प्रियाची ही साडी अशीच लक्षवेधी असून तुम्हीही ट्राय करू शकता.

प्रियाच्या या सर्व साड्यांच्या लुक्सवरून तुम्हीही आरामदायी असा लुक नक्कीच कॅरी करू शकता आणि कोणत्याही कार्यक्रम अथवा पार्टीसाठी प्रेरणा घेऊ शकता.