कागदाअभावी श्रीलंकेत विद्यार्थ्यांच्या परीक्षा रद्द!

स्वातंत्र्य मिळाल्यापासून श्रीलंका आजवरच्या सर्वांत मोठ्या आणि गंभीर आर्थिक संकटाचा सामना करीत आहे. शिक्षण विभागाच्या अधिकाऱ्यांनी दिलेल्या माहितीनुसार, कागदाच्या कमतरतेमुळे परीक्षा घेणे अवघड झाले आहे. कारण, देशाकडे कागद आणि शाईची खरेदी करण्यासाठीही विदेशी चलन उपलब्ध नाही. शैक्षणिक वर्षाच्या अखेरीस विद्यार्थ्यांच्या भविष्याचा निर्णय घेण्यासाठी ही परीक्षा अत्यंत महत्त्वाची होती. मात्र, आता ती अनिश्चित काळासाठी पुढे ढकलण्याचा निर्णय नाइलाजास्तव घेण्यात आला आहे. श्रीलंकेत महागाई गगनाला भिडली असून, जीवनावश्यक वस्तूंची पूर्तता करण्यासाठी आयातीवर अवलंबून राहण्याची वेळ आली आहे. काही दिवसांपूर्वी भारताने श्रीलंकेला खाद्यपदार्थ, औषधे आणि अन्य वस्तूंच्या खरेदीसाठी एक अब्ज डॉलरचे कर्ज देण्याची घोषणा केली होती. त्या संदर्भात दोन्ही देशांमध्ये करारही करण्यात आला.

IPS भरतीची संख्या १५० वरून २०० पर्यंत वाढवली, केंद्र सरकारची माहिती

खासगी क्लासमध्ये बारावीची परीक्षा; पुण्यातील धक्कादायक प्रकार