NEP ला अनुसरून शिक्षणपद्धतीमध्ये बदल, ‘यूजीसी’ने घेतला पुढाकार

देशात नव्या शैक्षणिक धोरणाची अंमलबजावणी करण्याची प्रक्रिया सुरू आहे. प्राथमिक आणि माध्यमिक शिक्षणाच्या तुलनेमध्ये उच्च शिक्षणामध्ये नव्या शैक्षणिक धोरणाच्या पैलूंचा अवलंब करण्यासाठी प्रयत्न करावे लागणार आहेत. या साठी शिक्षणपद्धती बदलण्याची गरज असून, त्यासाठी ‘यूजीसी’ने पुढाकार घेतला आहे. संस्थेने मार्गदर्शक तत्त्वांचा सविस्तर अहवाल तयार करण्यात आला असून, त्यामध्ये विद्यार्थ्यांची शिक्षणपद्धती कशी असावी यावर भाष्य करण्यात आले आहे.

उच्च शिक्षणामध्ये पारंपरीक आणि व्यावसायिक अभ्यासक्रमांची सध्याची शिक्षणपद्धती पुस्तकी ज्ञानावर अवलंबून आहे. त्यामध्ये बदल करण्याची गरज असून, त्यासाठी विद्यार्थ्यांचे शिक्षण अधिकाधिक प्रमाणात दृकश्राव्य व्हायला हवे, शिक्षकांनी अधिकाधिक संकल्पना शिल्पकला, चित्रकला, अशा माध्यमातून शिकवाव्यात. बंद खोलीमध्ये वर्ग न चालवता शिकवण्यासाठी विषयांशी संबंधित परिसराचा वापर व्हावा, अशा अनेक गोष्टींचा या अहवालात समावेश करण्यात आला आहे.

‘यूजीसी’कडून विविध पद्धतींचा अवलंब करण्याच्या सूचना देण्यात आल्या आहेत. अध्यापन शास्त्राचे वेगवेगळे प्रकार आहेत. प्रत्येक शिक्षक या प्रकारांद्वारे अध्यापन करतो. या प्रकारांमध्ये काय बदल करता येतील आणि शिक्षकांनी कोणते प्रकार आत्मसात करावेत, या संदर्भातही मार्गदर्शन अहवालाद्वारे करण्यात आले आहे. नव्या शैक्षणिक धोरणाची अंमलबजावणी करताना या पद्धतींचा वापर करणे अपेक्षित असून, तसे होत नसल्यास विद्यापीठ, महाविद्यालय स्तरावर प्राध्यापक, शिक्षकांचे प्रशिक्षण आयोजित केले जावे, याबाबतही ‘यूजीसी’कडून सूचना देण्यात आल्या आहेत.

पुणेकरांसाठी आनंदाची बातमी, सीमेन्स एनर्जीमध्ये मिळेल नोकरीची संधी

मार्गदर्शक तत्त्वे काय?

१. विद्यार्थ्यांचे शिक्षण अधिकाधिक प्रमाणात दृकश्राव्य व्हायला हवे.

२. शिक्षकांनी अधिकाधिक संकल्पना शिल्पकला, चित्रकला, अशा माध्यमातून शिकवाव्यात.

३. बंद खोलीमध्ये वर्ग न चालवता शिकवण्यासाठी विषयांशी संबंधित परिसराचा वापर व्हावा.

४. आपण शिकवतो ती शिक्षणपद्धती ओळखून त्यामध्ये आवश्यक ते बदल करावेत.

५. विद्यार्थ्यांची मातृभाषा, त्याची सामाजिक, अर्थिक परिस्थिती लक्षात घेऊन त्याप्रमाणे अध्यापनात बदल करावेत.

Good News For Students: सरकारी शाळामध्ये मिळणार परकीय भाषांचे धडे