नर्गिस दत्त रेखा यांना म्हणालेल्या ‘डायन’, ‘ती पुरुषांना आपल्या जाळ्यात अडकवण्याचा प्रयत्न करते’

बॉलिवूडमधील चिरतरुण अभिनेत्रींमध्ये रेखा याचं नाव आवर्जून घेतलं जातं. आजही रेखा यांच्याबद्दल, त्यांच्या व्यक्तिगत आयुष्याबद्दल वाचायला अनेकांना आवडते. कारण रेखा याचं खासगी आयुष्य अनेक रहस्यांनी भरलेलं आहे. रेखा त्यांच्या भांगांमध्ये कुणाच्या नावानं सिंदूर लावतात याची सगळ्यांना उत्सुकता आहे. याबाबत जेव्हा त्यांना विचारण्यात आलं तेव्हा त्यांनी सांगितलं होतं की, सिंदूर लावायला त्यांना आवडतं म्हणून त्या लावतात. परंतु रेखा या अमिताभ यांच्या नावानं सिंदूर लावतात अशी चर्चा अनेकदा झाल्या. परंतु यात किती तथ्य आहे, हे कुणालाच माहिती नाही. परंतु अमिताभ आणि रेखा यांच्यात काही खास नातं होतं हे तर सर्वश्रुत आहेत. त्याचे काही साक्षीदार देखील आहेत. अर्थात रेखा यांचं नाव अभिनेता विनोद मेहरा यांच्यापासून अक्षय कुमारपर्यंत अनेकांशी जोडण्यात आलं होतं.

नर्गिस असं का म्हणाल्या-

ज्येष्ठ अभिनेत्री नर्गिस दत्त यांना रेखा यांच्याबद्दल एवढा राग का होता हे जाणून घेऊया. नर्गिस रेखा यांचा खूपच तिरस्कार करायच्या. रेखाबद्दल त्यांनी एकदा वादग्रस्त वक्तव्यही केलं होते. त्यात त्यांनी रेखा यांना पुरुषांना स्वतःच्या जाळ्यात ओढणारी बाई असं म्हणतं त्यांना चेटकीणीची उपमा दिली होती. काही मीडियामध्ये आलेल्या बातम्यांनुसार नर्गिस यांनी काही वर्षांपूर्वी दिलेल्या एका मुलाखतीमध्ये रेखा यांच्याबद्दल हे वादग्रस्त वक्तव्य केलं होतं. त्यांनी या मुलाखतीमध्ये सांगितलं होतं की, रेखा पुरुषांना उत्तेजित करतात. त्यांना ‘सिग्नल’ देतात. त्यामुळेच ती मला चेटकीणीसारखी वाटते.

रेखाला मानसिक त्रास आहे- नर्गिस

नर्गिस यांनी पुढे असंही सांगितलं होतं की, मी रेखाला चांगली ओळखून आहे. मला तिची अडचण नेमकी काय आहे हे कळलं आहे. ज्यांना मानसिक त्रास आहे, अशा अनेकांबरोबर मी काम केलं आहे. काही लोकांना अशा पद्धतीची समस्या भेडसावते. अशा व्यक्ती स्वतःमध्ये मग्न असतात. त्यांना सक्षम अशा व्यक्तीच्या आधाराची गरज असते. रेखा यांच्यावर नर्गिस यांचा खूप राग होता. कारण रेखा याचं नाव सुनील दत्त यांच्याबरोबरर जोडण्यात आलं होतं.

सुनील दत्तसोबतही जुळलं होतं रेखा यांचं नाव

त्या दोघांनी ये आग कब बुझेगी आणि प्राण जाए पर वचन न जाए या सिनेमात काम केलं होतं. त्या सिनेमानंतर रेखा आणि सुनील दत्त यांचं नाव जोडण्यात येऊ लागले. त्यामुळेच नर्गिस यांचा रेखा यांच्यावर खूप राग होता. त्या रागातूनच नर्गिस यांनी रेखा यांच्याबद्दल वादग्रस्त वक्तव्य केली होती. केवळ सुनील दत्तचं नाही तर त्यांचा मुलगा संजय याच्याबरोबरही रेखा यांचं नाव जोडण्यात आलंहोतं. या दोघांनी जमीन आसमान या सिनेमात एकत्र काम केलं होतं. यावेळी त्या दोघांमध्ये चांगली मैत्री झाली होती. रेखा-संजय यांच्या मैत्रीची चर्चा बॉलिवूडमध्ये होऊ लागली.

संजय दत्तसोबतही जोडलं गेलं होतं नाव

संजयच्या नावानं रेखानं तिच्या भांगांमध्ये सिंदूर लावला असल्याच्या अफवाही तेव्हा पसरल्या होत्या. इतकंच नाही तर त्या दोघांनी लग्न केल्याचीही अफवा आली होती. परंतु संजयनं हे सगळं खोटं असल्याचं सांगितल्यानं ही चर्चा थांबली. दरम्यान, रेखा या करिअरमध्ये यशस्वी ठरल्या तरी व्यक्तिगत आयुष्यात खास करून वैवाहिक आयुष्यात मात्र अयशस्वी राहिल्या. त्यांनी मुकेश अग्रवाल यांच्याशी लग्न केलं. परंतु लग्नानंतर काही दिवसांनी मुकेश यांचं निधन झालं. त्यामुळे सासरच्यांनी रेखा यांची ‘चेटकीण’ अशी हेटाळणी केली होती.