MUHS: महाराष्ट्र आरोग्य विद्यापीठात आता ‘ग्रीन कॅम्पस’

विद्यापीठाच्या कुलगुरू डॉ. माधुरी कानिटकर यांनी याबाबत बोलताना सांगितले, की वृक्षारोपण व जलसंधारण उपक्रमासाठी विद्यापीठ परिसर अत्यंत अनुकूल आहे. विद्यापीठातील अधिकारी व कर्मचारी यांचा सहभाग आणि श्रमदानातून सुरू झालेल्य या उपक्रमात विविध औषधी वनस्पतींची लागवड, वॉकिंग ट्रॅक आदींचा समावेश राहणार आहे. विद्यापीठ परिसर सुंदर, स्वच्छ व सुरक्षित करण्याच्या दृष्टीने हरित परिसर हे एक पाऊल आहे. विद्यापीठाचे कुलसचिव डॉ. कालिदास चव्हाण यांनी सांगितले, की या उपक्रमाच्या माध्यमातून पर्यावरण संवर्धनाचा संदेश विद्यापीठाकडून सर्वांना देण्यात येत आहे. विद्यापीठाच्या सर्व संलग्नित महाविद्यालयांनी शिक्षक व विद्यार्थ्यांच्या सहभागातून पर्यावरण संवर्धनासाठी कार्यक्रमाचे आयोजन करावे. त्यांचा सहभागामुळे ‘माझे झाड, माझा परिसर, माझे विद्यापीठ’ ही भावना वाढीस लागण्यास मदत होईल.

…या बाबींचा आहे अंतर्भाव

या उपक्रमात विद्यापीठ परिसरात वृक्षारोपण व वृक्षसंवर्धन, कचऱ्यापासून कंपोस्ट खताची निर्मिती, सौरऊर्जेचा वापर, जलसंधारण, प्राणी व पक्ष्यांसाठी नैसर्गिक अधिवासाचे जतन या महत्त्वपूर्ण बाबींचा अंतर्भाव आहे. विद्यापीठातील अधिकारी व कर्मचारी यांचे गट तयार करण्यात आले असून, नेमून दिलेल्या जागेत व वेळेत स्वेच्छेने श्रमदानातून विद्यापीठाचा ग्रीन कॅम्पस उपक्रम यशस्वी करण्यात येणार आहे. विद्यापीठाच्या ग्रीन कॅम्पस उपक्रमात विद्यापीठातील सहाशे अधिकारी व कर्मचारीऱ्यांनी सक्रिय सहभाग नोंदविला आहे.

Vaccination Drive: ‘या’ विद्यापीठात विद्यार्थी आणि शिक्षकांसाठी लसीकरण मोहीम

UGC NET निकालासंदर्भात यूजीसीकडून अधिकृत अपडेट, जाणून घ्या